ທຼຳ ຈະອຸທອນຄະດີກໍ່ສ້າງກຳແພງຊາຍແດນ
ຮຽບຮຽງໂດຍ: ລູກເມືອງພວນ
ທຼຳ ໃຫ້ທັດສະນະວ່າ: ການສະກັດກັ້ນການລະດົມ ທຶນໜຶ່ງຕື້ໂດລາສ້າງກຳ ແພງຊາຍແດນຂອງທະນາຍ ຄວາມ Gilliam ນັ້ນ ຈະສົ່ງ ຜົນສະທ້ອນໃນທາງລົບຕໍ່ ຄວາມໝັ້ນຄົງຢູ່ເຂດຊາຍ ແດນ.
ປະທານາທິບໍດີສະຫະ ລັດອາເມລິກາ Donald Trump ໄດ້ຂຽນລົງ Twitter ຂອງຕົນໃນວັນທີ 25 ພຶດ ສະພານີ້ວ່າ: “ນັກເຄື່ອນ ໄຫວຄົນໜຶ່ງທີ່ຖືກ Obama ມອບໝາຍຄວາມຮັບຜິດຊອບ ໃຫ້ເປັນທະນາຍຄວາມເພື່ອ ສະກັດກັ້ນການກໍ່ສ້າງກຳ ແພງຊາຍແດນທີ່ພວກເຮົາ ກຳລັງກໍ່ສ້າງຢູ່ນັ້ນ ມັນເປັນ ການຕ້ານຄືນກັບຄວາມໝັ້ນ ຄົງຢູ່ເຂດຊາຍແດນ, ເປັນ ການສ້າງເງື່ອນໄຂໃຫ້ພວກ ອາດຊະຍາກຳ, ຢາເສບຕິດ ແລະ ພວກຄ້າມະນຸດ. ພວກ ເຮົາກຳລັງຮຽກຮ້ອງໃຫ້ມີ ການອຸທອນໂດຍໄວ ”
ການປະກາດຂອງທ່ານ ທຼຳ ມີຂຶ້ນພາຍຫຼັງທະນາຍ ຄວາມສະຫະພັນ ອາເມລິກາ Haywood Gilliam ອອກ ຄຳສັ່ງສະກັດກັ້ນ ງົບປະມານ ຈຳນວນໜຶ່ງໃນໂຄງການກໍ່ ສ້າງກຳແພງກັ້ນຊາຍແດນ ລະຫວ່າງສະຫະລັດອາເມລິ ກາກັບແມກຊິໂກ ຂອງທຳ ນຽບຫ້າແຈ. ການຕັດສິນໃຈ ດັ່ງກ່າວໄດ້ເຮັດໃຫ້ ປະທານາ ທິບໍດີສະຫະລັດ ອາເມລິກາ ບໍ່ສາມາດນຳໃຊ້ເງິນຈຳນວນ ໜຶ່ງຕື້ໂດລາ ຮ່ວງຕ້ານຢາເສບ ຕິດຂອງທຳນຽບຂາວເຂົ້າ ໃນການກໍ່ສ້າງກຳແພງຢູ່ລັດ Arizona ແລະ Texas ໄດ້.
ທະນາຍຄວາມ Gilliam ເວົ້າວ່າ: ການທີ່ຈະໂອນເອົາ ງົບປະມານຕ້ານຢາເສບຕິດມາເປັນງົບກໍ່ສ້າງກຳແພງ ຂອງ ທຼຳ ນັ້ນ ເປັນການລະ ເມີດລັດຖະທຳມະນູນ, ເພາະມັນແມ່ນການກຳນົດສະ ເພາະ ຂອງ ທ່ານ ທຼຳ ເທົ່າ ນັ້ນ ຊຶ່ງ “ ບໍ່ສາມາດຄາດເດົາ ໄດ້ລ່ວງໜ້າ ”.
ການຕັດສິນໃຈຂອງ Gilliam ມີຂຶ້ນພາຍຫຼັງທີ່ ໄດ້ຮັບຟັງການຖົກຖຽງກັນ ກ່ຽວກັບຄະດີຟ້ອງຮ້ອງໂຄງການກໍ່ສ້າງກຳແພງກັ້ນຊາຍແດນຂອງລັດ California, ຂອງສະໂມສອນ Sierra, ຂອງສະມາຄົມພັນທະມິດທີ່ ຢູ່ລຽບຕາມຊາຍແດນ ແລະ 19 ລັດອື່ນຕື່ມອີກ. ການ ຄັດຄ້ານຂອງທະນາຍຄວາມ Gilliam ໄດ້ເຮັດໃຫ້ສອງ ໂຄງການກໍ່ສ້າງກຳແພງກັ້ນຊາຍແດນມີຄວາມຍາວ 82 ກິໂລແມັດ ຢູ່ເຂດລັດດັ່ງກ່າວ ຖືກຢຸດສະງັກໄປທັນທີ.
ໃນລະຫວ່າງກາງເດືອນ ກຸມພາ ຜ່ານມາ, ປະທານາທິບໍດີ ທຼຳ ໄດ້ປະກາດເປັນ ການດ່ວນລະດັບຊາດເພື່ອ ນຳໃຊ້ເງິນ ຮ່ວງ 8,1 ຕື້ໂດລາ ຈາກກະຊວງທະບວງກົມ ຕ່າງໆ, ໃນນັ້ນມີທັງຮ່ວງກໍ່ ສ້າງການທະຫານເພື່ອນຳ ໃຊ້ເຂົ້າໃນການກໍ່ສ້າງກຳ ແພງກັ້ນຊາຍແດນຕິດກັບ ແມກ ຊິໂກ ທີ່ບໍ່ຕ້ອງຜ່ານສະພາ.
