ປະຫວັດທ່ານ ຈູເລຍ ຊີຊ່າ ເຈົ້າຈັກກະພັດໂຣມັນ

ຖ້າເວົ້າເຖິງກະສັດໃນຍຸກບູຮານທີ່ມີຊື່ສຽງກ້ອງໂລກ ມີຄວາມຍິ່ງໃຫຍ່ ແລະ ມີຜູ້ຄົນຮູ້ຈັກກັນມາຈົນເຖິງປັດຈຸບັນຫຼາຍທີ່ສຸດ ບຸກຄົນທີ່ເຮົາຈະນຶກເຖິງກໍຄື ຈູເລຍ ຊີຊ່າ ຄືລັດບຸລຸດນັກຮົບທີ່ແທ້ຈິງ ເກີດມາເພື່ອການຮົບ ແລະ ເປັນທະຫານທີ່ຍິ່ງໃຫຍ່. ໃນຄວາມເປັນຈິງແລ້ວຕັ້ງແຕ່ເປັນເດັກນ້ອຍ ຈູເລຍ ບໍ່ເຄີຍປາຖະໜາຈະເປັນທະຫານເລີຍ. ທ່ານເກີດໃນຕະກຸນຂຸນນາງ ແລະ ໃສ່ຊື່ຕາມພໍ່ຂອງທ່ານຄື: ກາຍອັສ ຈູເລຍ ຊີຊ່າ ໃນໄລຍະ 100 ປີຄິດຕະສັກກະລາດ ໃນວັນທີ 12 ມັງກອນ ພສ. 444.

ພໍ່ຂອງທ່ານກໍຕາຍຈາກໄປຕອນອາຍຸໄດ້ 16 ປີ, ຈູເລຍ ໃຝ່ຝັນຢາກຈະເປັນທະນາຍຄວາມ ເພາະເປັນອາຊີບທີ່ໄດ້ຮັບການຍົກຍ້ອງນັບໜ້າຖືຕາ ແຕ່ແລ້ວດ້ວຍເຫດໃດກໍບໍ່ມີໃຜຮູ້ ທ່ານປ່ຽນຄວາມຕັ້ງໃຈໄປເປັນທະຫານ ເລີ່ມຈາກການເປັນທະຫານຊັ້ນຜູ້ນ້ອຍ ແລະ ບໍ່ເຄີຍໃຊ້ຖານະຂອງຊາດຕະກຸນເພື່ອໄຕ່ເຕົ້າໃນການເປັນທະຫານເລີຍ ຍ້ອນຄວາມເກັ່ງກ້າຂອງທ່ານ ກໍເລີ່ມມີຍົດສູງຈົນໄດ້ຮ່ວມມືກັບທະຫານສໍາຄັນ 2 ທ່ານຄື ທ່ານ ຄຣາສະຊຸສ ແລະ ທ່ານ ປອມເປ ຈັດຕັ້ງຄະນະປົກຄອງລັດຂຶ້ນ ປົກຄອງໂຣມັນ ໂດຍໄດ້ຮັບສຽງສະໜັບສະໜູນຂອງສະພາຢ່າງລົ້ນຫຼາຍ ໄດ້ຮັບການແຕ່ງຕັ້ງໃຫ້ເປັນແມ່ທັບໃຫຍ່ໄປປາບປາມພວກ ກອລ ຫຼືຊາວຝຣັ່ງເສດ ຈົນປະສົບຄວາມສໍາເລັດ ຮວມຝຣັ່ງເສດມາເປັນສ່ວນໜຶ່ງຂອງຈັກຣວຣຣດິ້ໂຣມັນ, ທ່ານນໍາທັບໃນການຮົບຈົນຢຶດເມືອງໄດ້ຫຼາຍກວ່າ 800 ເມືອງ, ທຸກຄັ້ງໃນການຮົບ ຈູເລຍ ຈະບໍ່ໃສ່ໝວກເຫຼັກເລີຍ ເຫດຜົນເພື່ອຈະໃຫ້ທະຫານຂອງທ່ານເບິ່ງເຫັນທ່ານ ເພື່ອການນໍາກໍາລັງພົນຂອງທ່ານນັ້ນເອງ.

     ດ້ວຍຄວາມໂດດເດັ່ນທີ່ມີຫຼາຍກວ່າ ປອມເປ ແລະ ຄຣາສະຊຸສ ເຮັດໃຫ້ທັງ 2 ຢູ່ໃນທີ່ດຽວກັນບໍ່ໄດ້ແລະແຍກທາງກັນໃນທີ່ສຸດ. ສ່ວນ ຈູເລຍ ກໍເປັນຜູ້ຖືໄຊຊະນະເໜືອທັງ 2 ຄົນ ແລະ ຕັ້ງຕົນເປັນຜູ້ປົກຄອງຈັກກະພັດໂຣມັນອັນຍິ່ງໃຫຍ່ໄວ້ແຕ່ພຽງຜູ້ດຽວຕະຫຼອດໄລຍະກວ່າ 10 ປີ ອານາຈັກ ແລະ ຈັກກະພັດໂຣມັນ ຈຶ່ງຂະຫຍາຍແຜ່ໄພສານໄປຈາກເອີຣົບ  ສຸດຂອງທະວີບເອີຣົບຮອດຕວກກີ ມີເງິນທີ່ໃຊ້ໃນຈັກກະພັດເປັນຫຼຽນທີ່ມີຮູບໜ້າ ຈູເລຍ ຊີຊ່າແຕ່ວ່າສຸດທ້າຍທ່ານກໍບໍ່ໄດ້ເປັນຈັກພັດ ເນື່ອງຈາກຍັງບໍ່ທັນທີ່ຈະສະຖາປະນາເປັນຈັກກະພັດ ຈູເລຍ ຊີຊ່າ ກໍຕ້ອງພົບຈຸດຈົບຈາກຄວາມໃຈດີ ແລະ ໄວ້ໃຈທ່ານຖືກລູກລ້ຽງສັງຫານດ້ວຍການໃຊ້ດາບປາດຄໍທ່າມກາງຝູງຊົນ.