ຢູ່ ຫລື ໄປ ? ລູກາກູ ຍອມຮັບບໍ່ຮູ້ອະນາຄົດ ຂໍທຸ້ມເຕັມທີ່ພາ ແມນຢູ ຕິດ 1 ໃນ 4
April 30, 2019 - 3:52 PM
ໂຣເມລູ ລູກາກູ ຫົວຫອກ ແມນເຊັສເຕີ ຢູໄນເຕັດ ລະບຸວ່າ: ບໍ່ແນ່ນອນວ່າລະດູການໜ້າຈະຍັງຢູ່ກັບທີມຕໍ່ໄປ ຫລື ບໍ່. ພ້ອມກ່າວວ່າ: ແມນຢູ ຈະຍັງທຸ້ມເທ 100% ເພື່ອຈະຕິດ 1 ໃນ 4 ໃຫ້ໄດ້ໃນລະດູການນີ້.
ໂຣເມລູ ລູກາກູ ກອງໜ້າຊາວເບວຢ້ຽມຂອງ ແມນເຊັສເຕີ ຢູໄນເຕັດ ສະໂມສອນດັງແຫ່ງເວທີ ພຣີເມຍລີກ ອັງກິດ ກ່າວວ່າ: ຕົນເອງຍັງບໍ່ໝັ້ນໃຈວ່າຈະຢູ່ກັບທີມຕໍ່ໄປໃນລະດູການໜ້າ ຫລື ບໍ່.
ເຖິງວ່າຈະເຄີຍສ້າງຜົນງານໄດ້ໂດດເດັ່ນຊ່ວງໜຶ່ງໃນຍຸກຂອງ ໂອເລ່ ກຸນນາ ໂຊລຊາ ແຕ່ຊ່ວງຫລັງມານີ້ ລາວຫລິ້ນໄດ້ບໍ່ຄ່ອຍດີ ຈົນເຮັດໃຫ້ ແມນເຊັສເຕີ ຢູໄນເຕັດ ມີຜົນງານຫລຸດລົງຕາມໄປນຳ ເຊິ່ງກ່ອນໜ້ານີ້ ລາວບອກເອງວ່າຢາກໄປຫລິ້ນໃນລະດັບ ກັລໂຊ່ ເຊເຣຍ ອາ ຄືກັນ.
