ແຜນໃໝ່ ! ຊີດານ ຄິດຖອຍ ເບລ ເປັນແບັກຊ້າຍ
ອາສ ສື່ຂອງສະເປນ ລະບຸວ່າ: ຖ້າ ແກເຣັດ ເບລ ບໍ່ຍ້າຍໄປໃສໃນຊ່ວງໜ້າຮ້ອນນີ້, ຊີເນດິນ ຊີດານ ຄູຝຶກຂອງ ຣີລ ມາດຣິດ ຄິດຈະຈັບລາວຖອຍເປັນແບັກຊ້າຍ ໂດຍ ເບລ ເຄີຍຮັບບົດບາດນີ້ຕອນຢູ່ກັບ ເຊົາແຮມຕັນ ມາກ່ອນ.
ຊີເນດິນ ຊີດານ ຄູຝຶກ ຣີລ ມາດຣິດ ສະໂມສອນຍັກໃຫຍ່ແຫ່ງເວທີ ລາ ລີກາ ສະເປນ ກຳລັງພິຈາລະນາທີ່ຈະຍ້າຍ ແກເຣັດ ເບລ ປີກຊ້າຍຊາວເວວໄປຫລິ້ນເປັນແບັກຊ້າຍໃນອະນາຄົດ.
ເບລ ຕົກເປັນຂ່າວກ່ຽວກັບການຍ້າຍທີມມາໂດຍຕະຫລອດ ຫລັງຈາກທີ່ລາວສ້າງຜົນງານໄດ້ໜ້າຜິດຫວັງໃນລະດູການນີ້ ແລະ ມີບັນຫາເລື່ອງການພົວພັນກັບເພື່ອນຮ່ວມທີມອີກ. ນອກຈາກນີ້ ການກັບມາຂອງ ຊີດານ ເຮັດໃຫ້ໂອກາດການໄດ້ລົງຫລິ້ນຂອງລາວບໍ່ໄດ້ດີຂຶ້ນເທົ່າໃດ ຫລັງຈາກຕຳນານເພລເມກເກີຊາວຝຣັ່ງບໍ່ມັກຝີຕີນຂອງລາວຢູ່ແລ້ວ.
ເຖິງຢ່າງໃດກໍຕາມ, ຖ້າທ້າຍທີ່ສຸດແລ້ວ ເບລ ບໍ່ໄດ້ຍ້າຍໄປໃສໃນຊ່ວງໜ້າຮ້ອນນີ້ແລ້ວ ຊີດານ ກໍຄິດຈະຍ້າຍ ເບລ ໄປຫລິ້ນແບັກຊ້າຍແທນ ເຊິ່ງຄວາມຈິງແລ້ວລາວເຄີຍຮັບບົດບາດນີ້ມາແລ້ວໃນຕອນຢູ່ກັບ ເຊົາແທມຕັນ ກ່ອນສຸດທ້າຍຈະຖືກດັນມາເປັນປີກ ແລະ ສ້າງຊື່ໄດ້ເປັນຢ່າງດີ.
