UN ເຜີຍມີຜູ້ຕິດເຊື້ອອະຫິວາ ກວ່າສອງຄົນຢູ່ເຢເມນ
April 19, 2019 - 3:17 PM
ໂຄສົກສະຫະປະຊາຊາດ ຖະແຫລງວ່າ: ມີລາຍງານຜູ້ຕິດເຊື້ອອະຫິວາຈຳນວນ 223.000 ຄົນຢູ່ເຢເມນໃນປີນີ້.
ທ່ານ ສະເຕຟານ ດູຈາຣິກ ໂຄສົກເລຂາທິການ UN ຖະແຫລງຂ່າວຢູ່ສຳນັກງານໃຫຍ່ໃນນະຄອນນິວຢອກຂອງອາເມລິກາວ່າ: 1 ໃນ 4 ຂອງຜູ້ຕິດເຊື້ອອະຫິວາເປັນເດັກອາຍຸບໍ່ຮອດ 5 ປີ. ໂຄສົກ UN ເນັ້ນເຖິງຄວາມຈຳເປັນຮີບດ່ວນໃນການຄວບຄຸມພະຍາດອະຫິວາລະບາດ ເຊິ່ງມີຂຶ້ນກ່ອນໜ້າທີ່ຕົວເລກຜູ້ຕິດເຊື້ອຈະເພີ່ມຂຶ້ນອີກໄລຍະເຂົ້າສູ່ລະດູຝົນຢູ່ເຢເມນເດືອນສິງຫານີ້. ທ່ານ ດູຈາຣິກ ກ່າວວ່າ: ຈຳນວນຜູ້ຕິດເຊື້ອ ແລະ ເສຍຊີວິດຈາກເຊື້ອອະຫິວາຈະເພີ່ມຂຶ້ນຫລາຍ ຖ້າຍັງບໍ່ສາມາດຄວບຄຸມການລະບາດໃນປັດຈຸບັນໄດ້ ເຊິ່ງຫລາຍໜ່ວຍງານທີ່ກ່ຽວຂ້ອງກັງວົນວ່າຜູ້ຕິດເຊື້ອຈະເພີ່ມຂຶ້ນຫລາຍໃນລະດູຝົນທີ່ຈະມາເຖິງ.
