ທ່ານ ກິມ ຈະພົບທ່ານ ປູຕິນ ຢູ່ມົດສະກູໃນທ້າຍເດືອນນີ້
ເວັບໄຊທຳນຽບແກຣມແລັງຂອງຣັດເຊຍ ຖະແຫລງວ່າ: ທ່ານ ກິມ ຈ໋ອງອຸນ ຜູ້ນຳ ສປປ ເກົາຫລີ ຈະມາຢ້ຽມຢາມຣັດເຊຍ ໃນທ້າຍເດືອນເມສາ ເພື່ອພົບກັບປະທານາທິບໍດີ ວະລາດິເມຍ ປູຕິນ ຢູ່ນະຄອນຫລວງມົດສະກູ ເປັນຄັ້ງທຳອິດ.
ຖະແຫລງການລະບຸວ່າ: ທ່ານ ກິມ ມາຢ້ຽມຢາມຕາມຄຳເຊີນຂອງປະທານາທິບໍດີ ປູຕິນ ໃນທ້າຍເດືອນເມສາ. ຖະແຫລງການດັ່ງກ່າວມີຂຶ້ນພາຍຫລັງ ສປປ ເກົາຫລີ ປະກາດວ່າ: ທົດລອງຫົວຮົບອານຸພາບສູງ. ເຖິງຢ່າງໃດກໍຕາມ, ທຳນຽບແກຣມແລັງບໍ່ໄດ້ຊີ້ແຈງລາຍລະອຽດກ່ຽວກັບກຳນົດວັນຢ້ຽມຢາມທີ່ແນ່ນອນ ຫລື ສະຖານທີ່ພົບກັນ, ແຕ່ສື່ຣັດເຊຍ, ສ.ເກົາຫລີ ແລະ ຍີ່ປຸ່ນ ເຄີຍມີລາຍງານວ່າ: ຜູ້ນຳທັງສອງອາດພົບກັນທາງຕາເວັນອອກຂອງຣັດເຊຍ. ກ່ອນໜ້ານີ້ ປະທານາທິບໍດີ ປູຕິນ ສະແດງຈຸດປະສົງມາຕະຫລອດວ່າ: ພ້ອມຈະພົບປະຫາລືກັບທ່ານ ກິມ ຈ໋ອງອຸນ.
