ຣິນ ມາດຣິດ ຢືນຢັນຄວ້າ ນິວເນມາ ຄ່າໂຕໂຄດແພງ

ຣິນ ມາດຣິດ ຢືນຢັນເຊັນ ສັນຍາກັບ ວິນິຊຽສ ຈູເນຍ ກອງ ໜ້າຂອງທີມ ຟລາເມງໂກ ເປັນ ທີ່ຮຽບຮ້ອຍແລ້ວ ໂດຍຄ່າໂຕຢູ່ທີ 45 ລ້ານເອີໂຣ.

ນັກເຕະອາຍຸ 16 ປີ ໂດຍມີ ສາຍາວ່າ “ນິວເນມາ” ຕົກເປັນ ຂ່າວຍ້າຍມາຫຼິ້້ນໃນຖິ່ນ ຊານຕິອາ ໂກ ເບນາເບວ ແລະ ເປັນທີ່ມັກ ຂອງ ຊີເນີດີນ ຊີດານ ມາຢ່າງ ຍາວນານ ຈົນຫຼ້າສຸດລາວເອງກໍ ໄດ້ເຊັນສັນຍາກັບ ຣິນ ມາດຣິດ ເປັນທີ່ຮຽບຮ້ອຍແລ້ວ.

ແນວໃດກໍຕາມ ໃນສັນຍາ ລະບຸຸວ່າລາວຈະຍ້າຍ “ນິວເນ ມາ” ຈະຍັງຢູ່ກັບ ຟລາເມງໂກ ຕ່ໍໄປຈົນເຖິງປີ 2019 ຫຼື ທາງ ຣິນ ມາດຣິດ ຕ້ອງການໄດ້ໂຕ ນັກເຕະຄົນນີ້ມາຮ່ວມທີມກ່ອນ ກຳນົດ.

ຕາມລາຍງານຈາກ ສະ ປອດ ສື່ດັງຂອງ ສະເປນ ລະບຸວ່າ ສັນຍາລວມທັງໝົດຂອງ ນິວເນ ມາ ຈະມີມູນຄ່າສູງເຖິງ 61 ລ້ານ ເອີໂຣ ແບ່ງເປັນຄ່າໂຕທີ່ຈະຕ້ອງ ຈ່າຍໃຫ້ກັບ ຟລາເມງໂກ 45 ລ້ານເອີໂຣ ແລະ ໂບນັສອື່ນໆເພີ່ມ ຕື່ມອີກ 8 ລ້ານເອີໂຣ ລວມເຖິງ ຄ່າຜູ້ຈັດການສ່ວນໂຕນັກເຕະອີກ 8 ລ້ານເອີໂຣ.

“ ຣິນ ມາດຣິດ ເອຟຊີ ແລະ ຟລາເມງໂກ ໄດ້ຕົກລົງການຊື້ ຂາຍສິດທິໃນໂຕ ວິນີຊຽສ ຈູເນຍ ຕັ້ງແຕ່ເດືອນກໍລະກົດ 2018. ໂຕ ນັກເຕະຈະຍັງຢູ່ກັບສະໂມສອນຄື ເກົ່າຈົນເຖິງເດືອນກໍລະກົດ 2019 ແນວໃດກໍຕາມນັກເຕະ ສາມາດຫຼິ້ນໃຫ້ກັບ ຣິນ ມາດຣິດ ກ່ອນໜ້ານັ້ນໄດ້ທັງສອງສະໂມ ສອນຕົກລົງກັນ” ຖະແຫຼງການ ຈາກ ຣິນ ມາດຣິດ.