ອົງການຄຸ້ມຄອງ ແລະ ບໍລິການຕົວເມືອງກຽມພ້ອມຮັບມືບັນຫາຂີ້ເຫຍື້ອໃນຊ່ວງປີໃໝ່

ຍັງອີກບໍ່ດົນສົງການປີໃໝ່ລາວ ພສ 2562 ກໍຈະໝູນວຽນມາບັນຈົບຄົບຮອບອີກວາລະໜຶ່ງ ແລະ ກໍລະມີ ນີການສະເຫລີມສະຫລອງຕາມຮີດຄອງປະເພນີ ໂດຍ ສະເພາະຢູ່ນະຄອນຫລວງວຽງຈັນໃນມື້ສັງຂານລ່ວງ ເຊິ່ງເປັນມື້ວັນທີ 14 ເມສາ, ນອກຈາກເອົາພະລົງສົ່ງຢູ່ ແຕ່ລະວັດແລ້ວ ກໍຈະມີພີທີແຫ່ ນາງ ສັງຂານ ໂດຍເລີ່ມຈາກວັດອິນແປງແຫ່ລົງມາ ຕາມຖະໜົນເສດຖາທິລາດ ອອກໄປຮອດຫໍພະແກ້ວແລ້ວ ແຫ່ ຂຶ້ນມາຕາມແຄມຂອງຈົນຮອດວັດອິນແປງຄືນ, ສ່ວນມື້ ເນົ່າວັນທີ 15 ກໍຈະມີພິທີຕົບ ພະທາດຊາຍຢູ່ຫາດດອນຈັນ ແລະ ຊົມການແຂ່ງຂັນກິລາປະເພດຕ່າງໆ, ພ້ອມຈະມີ ການຫລິ້ນນໍ້າຫົດສົງອວຍ ພອນເຊິ່ງກັນ ແລະ ກັນຕາມ ຄວາມເໝາະສົມ, ສ່ວນມື້ສັງຂານຂຶ້ນ 16 ເມສາ ແມ່ນມື້ ຂຶ້ນປີໃໝ່ລາວກໍຈະມີພິທີບາ ສີສູ່ຂວັນຕາມຮີດຄອງປະເພນີຢູ່ແຕ່ລະບ້ານເຮືອນ ເຊິ່ງເຂົ້າສໍາພັດການສະຫລອງ ປີໃໝ່ ແລະ ໃນຂະນະນັ້ນທາງ ພາກສ່ວນຫ້ອງການຄຸ້ມຄອງ ແລະ ບໍລິການຕົວ ເມືອງຫລວງ, ເພິ່ນກໍຈະໄດ້ກຽມຄວາມພ້ອມຕ່າງໆໃນການຮັບມື້ກັບບັນຫາຂີ້ເຫຍື້ອທີ່ ຈະເພີ່ມຂຶ້ນໃນຊ່ວງການສະເຫລີມສະຫລອງປີໃໝ່ ດັ່ງກ່າວ.

 ທ່ານ ນາງ ວິໄລວອນ ຈັນທະລາຕີ ຫົວໜ້າຫ້ອງ ການຄຸ້ມຄອງ ແລະ ບໍລິການ ຕົວເມືອງວຽງຈັນ (ຄບຕ) ໄດ້ໃຫ້ສໍາພາດວ່າ: ໃນຊ່ວງນີ້ ທາງຄະນະຮັບຜິດຊອບ (ຄບຕ) ໄດ້ປຶກສາຫາລືກັນ ໃນການຮັບມືກັບບັນຫາຂີ້ເຫຍື້ອທີ່ຈະເພີ່ມຂຶ້ນ ດັ່ງໄລຍະປີໃໝ່ຫລາຍປີຜ່ານມາ ໂດຍຈະໄດ້ເພີ່ມພາຫະນະຮັບ ສົ່ງຂີ້ເຫຍື້ອ ແລະ ບຸກຄະລາກອນໃຫ້ຫລາຍຂຶ້ນ ແລະ ຈະແບ່ງການບໍລິການອອກເປັນ 2 ວິທີຄື: ການບໍລິການນັດ ໝາຍປົກກະຕິ, ເຊິ່ງແຕ່ລະ ບ່ອນຕ້ອງໄດ້ ເຮັດວຽກອະ ນາໄມໃນແຕ່ລະມື້ບໍ່ໃຫ້ຂາດ ແລະ ບໍລິການແບບເລັ່ງດ່ວນ ເພື່ອໃຫ້ປະຊາຊົນເຂົ້າເຖິງ ການບໍລິການຄື: ໄດ້ແຈ້ງເບີ ໂທລະສັບຂອງລົດບໍລິການຫ້ອງການຄຸ້ມຄອງ ແລະ ບໍລິການຕົວເມືອງລົງໃນ ເຟສບຸກ ຫລື ສາມາດຕິດ ຕໍ່ໂດຍກົງໂທ: 020 566 21164, 020 562294 22 ພ້ອມໃຫ້ບໍລິການຮັບສົ່ງຂີ້ເຫຍື້ອໃນໄລຍະບຸນ ດັ່ງກ່າວ. ສ່ວນການຮັກສາ ຄວາມສະອາດຕາມຖະໜົນສາຍຫລັກຕ່າງໆກໍໄດ້ກະກຽມບຸກຄະລາກອນໄວ້ແລ້ວເພື່ອຈະອອກມາອະນາໄມແຕ່ຮຸ່ງເຊົ້າໃຫ້ຮັບປະກັນ.

ທ່ານ ນາງ ວິໄລວອນ ໃຫ້ຮູ້ຕື່ມວ່າ: ເນື່ອງຈາກວ່າ ປີນີ້ເປັນປີທ່ອງທ່ຽວລາວ- ຈີນ ແລະ ປີທ່ອງທ່ຽວອາຊຽນ ສະອາດ, ພວກເຮົາກໍໄດ້ສົມທົບກັບພະແນກຖະແຫລງຂ່າວ ວັດທະນະທຳ ແລະ ທ່ອງທ່ຽວ ໃນການເປັນເຈົ້າການຮັກສາຄວາມສະອາດ, ໂດຍແນໃສ່ 8 ສະອາດຄື: ເສັ້ນທາງສະອາດ, ເຄຫະສະຖານສະອາດ, ພາຫະນະຂົນສົ່ງສະອາດ, ສາທາລະນະນຸປະໂຫຍດ, ໂຮງຈັກໂຮງງານສະອາດ, ການບໍລິໂພກສະອາດ, ນໍ້າສະອາດ ແລະ ທ້ອງຟ້າອາກາດສະ ອາດ.  ສະນັ້ນຈຶ່ງຮຽກ ຮ້ອງໃຫ້ປະຊາຊົນຈົ່ງເປັນເຈົ້າການຊ່ວຍກັນເພື່ອຄວາມສະອາດຂົງຕົວເມືອງ ແລະ ສ້າງ ສິ່ງດຶງດູດຜູ້ມາທ່ຽວຊົມປະເທດເຮົາຫລາຍຂຶ້ນ./.