ກະແສຄວາມບໍ່ພໍໃຈຕໍ່ຜູ້ຍິງຄົນໜຶ່ງທຳຮ້າຍ ຮ່າງກາຍຄົນໃຊ້ທີ່ມີອາຍຸສໍ່າແມ່ຕົນເອງ

# ລູກ​ເມືອງ​ພວນ

       ​ເວັບ​ໄຊ vietnamnet.vn ​ໃຫ້​ຮູ້​ວ່າ: ມີ​ຜູ້ຍິງ​ຄົນ​ໜຶ່ງ​ໄດ້​ເຂົ້າ​ໄປ​ທຸບ​ຕີ​ແມ່​ເຖົ້າຄົນ​ໜຶ່ງ​ທີ່​ເປັນ​ຄົນ​ໃຊ້​ຂອງ​ຕົນ​ຢ່າງ​ໂຫດຮ້າຍ​ສາມານ. ຜູ້ຍິງ​ທີ່​ເຂົ້າ​ໄປ​ທຳຮ້າຍ​ຮ່າງກາຍ​ຂອງ​ແມ່​ເຖົ້ານັ້ນຊ້ຳພັດ​ແມ່ນ​ນາຍຄູ ຢູ່​ແຂວງ​ແຄ໋ງຮວາ ສສ ຫວຽດນາມ. ຖ້າ​ເບິ່ງ​ຄລິບ​ຈະ​ເຫັນ​ວ່າ​ຜູ້ຍິງ​ຄົນ​ນັ້ນມີ​ພຶດຕິ​ກຳ​ທີ່​ຮ້າຍ​ກາດ​ຕໍ່​ແມ່​ເຖົ້າຄົນ​ນັ້ນ ທັງ​ເຕະ​ທັງ​ທຸບ​ຕີບ ພ້ອມ​ທັງ​ເປັ່ງສຽງ​ປ້ອຍ​ດ່າ​ສາລະພັດ​ຢ່າງ​ຕໍ່​ແມ່​ເຖົ້າ ​ແຕ່​ລາວ​ບໍ່​ມີ​ຄວາມ​ສາມາດ​ຕອບ​ໂຕ້​ໄດ້​ເລີຍ.

     ຕາມ​ທີ່​ຮູ້​ຂ່າວ​ວ່າ: ​ເທື່ອ​ນີ້​ບໍ່​ແມ່ນ​ເທື່ອ​ທຳ​ອິດ​ທີ່​ຜູ້ຍິງ​ຄົນ​ນີ້​ທຸບ​ຕີ​ທໍລະມານ​​ແມ່​ເຖົ້າຄົນ​ດັ່ງກ່າວ ອັນ​ໄດ້​ສ້າງ​ຄວາມ​ບໍ່ພໍ​ໃຈ​ໃຫ້​ແກ່​ຊາວ​ເນັດ​ຢ່າງ​ຫລວງຫລາຍ.