ປະຊາຊົນອັງກິດ 5 ລ້ານຄົນຮຽກຮ້ອງໃຫ້ຍົກເລີກ ການຖອນອອກຈາກສະຫະພາບເອີຣົບ
ຕົວເລກສະຖິຕິຈາກເວັບ ໄຊຮ້ອງຮຽນສະພາອັງກິດສະແດງໃຫ້ເຫັນວ່າ: ມາຮອດວັນທີ 24 ມີນານີ້, ມີປະຊາຊົນອັງກິດ ຫຼາຍກວ່າ 5 ລ້ານຄົນໄດ້ລົງ ລາຍຊື່ໃນໜັງສືຮ້ອງຮຽນສະບັບໜຶ່ງ ເພື່ອຮຽກຮ້ອງໃຫ້ຍົກ ເລີກການຖອນອອກຈາກສະຫະພາບເອີຣົບ.
ໜັງສືຮ້ອງຮຽນທີ່ໄດ້ອັບໂຫລດໃນເດືອນກຸມພາປີນີ້ຂຽນ ວ່າ: ລັດຖະບານອັງກິດໄດ້ເນັ້ນ ໜັກມາຫຼາຍເທື່ອວ່າ: ການ ຖອນອອກຈາກສະຫະພາບເອີຣົບ ແມ່ນ ຄວາມມຸ່ງມາດປາ ຖະໜາຂອງປະຊາຊົນ, ແຕ່ປະ ຊາຊົນຕ້ອງສະແດງຄວາມມຸ່ງມາດປາຖະໜາທີ່ແທ້ຈິງຂອງຕົນທີ່ຢາກເປັນສະມາຊິກສະ ຫະພາບເອີຣົບຄືເກົ່າ ໂດຍຜ່ານ ວິທີການຮ້ອງຮຽນຢູ່ຕາມອິນ ເຕີເນັດ. ອີງຕາມການລະບຸທີ່ ກ່ຽວຂ້ອງ, ຖ້າວ່າມີຮ້ອງຮຽນ ຫຼາຍກວ່າ 1 ແສນຄົນ, ສະພາ ຕ້ອງພິຈາລະນາ ເພື່ອດຳເນີນ ການອະພິປາຍໃນຫົວຂໍ້ທີ່ກ່ຽວຂ້ອງ.
ນອກນີ້, ປະຊາຊົນອັງກິດ ໄດ້ຈັດການປະທ້ວງຂະໜາດ ໃຫຍ່ ເພື່ອຄັດຄ້ານການຖອນ ອອກຈາກສະຫະພາບເອີຣົບ ຢູ່ນະຄອນຫຼວງລອນດອນ ໃນ ວັນທີ 23 ມີນານີ້ ເພື່ອຮຽກ ຮ້ອງໃຫ້ຈັດການລົງປະຊາມະຕິທົ່ວປວງຊົນອີກຄັ້ງໜຶ່ງ.
