ແມັກນີຊຽມມີຜົນດີຕໍ່ການນອນຫລັບຂອງທ່ານແບບໃດແດ່
ແມັກນີຊຽມ ສົ່ງຜົນຕໍ່ການນອນຫລັບ ເຊິ່ງການຂາດແມັກນີຊຽມສົ່ງຜົນໃຫ້ນອນຫລັບບໍ່ແຈບດີ, ນອນຫລັບຍາກ ຫລື ຕື່ນຕອນກາງເດິກຕະຫລອດ ເຊິ່ງການມີລະດັບແມັກນີຊຽມທີ່ເໝາະສົມໃນຮ່າງກາຍຊ່ວຍທ່ານໄດ້, ແຕ່ການກິນອາຫານເສີມແມັກນີຊຽມຄວນປຶກສາທ່ານໝໍຢ່າງເຄັ່ງຄັດກ່ອນ ເພາະການມີລະດັບແມັກນີຊຽມໃນຮ່າງກາຍຫລາຍຈົນເກີນໄປກໍສາມາດສົ່ງຜົນຮ້າຍຕໍ່ຮ່າງກາຍຂອງທ່ານໄດ້ຄືກັນ.
– ຊ່ວຍໃຫ້ນອນຫລັບແຈບດີ : ແມັກນີຊຽມສົ່ງຜົນຕໍ່ຄຸນນະພາບການນອນຫລັບ ເຊິ່ງເມື່ອຮ່າງກາຍຂາດແມັກນີຊຽມຈະສົ່ງຜົນໃຫ້ນອນຫລັບບໍ່ແຈບດີເທົ່າທີ່ຄວນຈະເປັນ.
– ຫລຸດຄວາມເຄັ່ງຄຽດ : ເມື່ອຮ່າງກາຍຂາດແມັກນີຊຽມ ຈະສົ່ງຜົນຕໍ່ລະດັບຄວາມເຄັ່ງຄຽດ ແລະ ກັງວົນ ເຮັດໃຫ້ຜ່ອນຄາຍໄດ້ຍາກ ເຊິ່ງຄວາມເຄັ່ງຄຽດ ແລະ ກັງວົນ ສົ່ງຜົນໃຫ້ເກີດອາການນອນບໍ່ຫລັບຕາມມາໄດ້.
– ນອນຫລັບໄດ້ໄວຂຶ້ນ : ຈາກການສຶກສາພົບວ່າຜູ້ທີ່ກິນອາຫານເສີມແມັກນີຊຽມນອນຫລັບໄດ້ໄວກ່ວາປົກກະຕິ ເຊິ່ງຜູ້ທີ່ມີບັນຫານອນຫລັບຍາກ ອາດຈະເກີດຈາກການທີ່ຮ່າງກາຍຂາດແມັກນີຊຽມກໍເປັນໄດ້.
– ບໍ່ຕື່ນກາງເດິກຕະຫລອດ : ເຖິງວ່າທ່ານຈະບໍ່ມີບັນຫາເລື່ອງການນອນຫລັບບໍ່ແຈບ ຫລື ຫລັບຍາກ, ແຕ່ມັກຈະຕື່ນກາງເດິກຕະຫລອດ ລະດັບແມັກນີຊຽມທີ່ເໝາະສົມໃນຮ່າງກາຍຊ່ວຍໄດ້ຄືກັນ.
– ອາຫານທີ່ມີແມັກນີຊຽມປະລິມານອ່າວຫລາຍແມ່ນຜັກໃບຂຽວ, ຜັກຫົມ, ຜັກກາດ, ໝາກອະໂວກາໂດ້, ໝາກກ້ວຍ ແລະ ໝາກຣາສເບີຣີ, ພືດຕະກູນຖົ່ວຊະນິດຕ່າງໆ, ອາຫານທະເລ ເຊັ່ນ : ປາທູນ່າ, ປາແມັກເຄີເຣວ ແລະ ປາແຊວມັອນ ເປັນຕົ້ນ ລວມໄປເຖິງຈຳພວກທັນຍາພືດ, ເຂົ້າເໝົ້າ, ເຂົ້າກໍ່າ, ແປ້ງສາລີ, ມັນດ້າງ, ເຜືອກ, ຊັອກໂກແລັດດຳ, ເຕົ້າຫູ້ ຫລື ນຳ້ເຕົ້າຫູ້ ເປັນຕົ້ນ.
