ລາວ-ກຳປູເຈຍ ເພີ່ມທະວີການຮ່ວມມືຕ້ານອາຊະຍາກຳຂ້າມຊາດ.
March 12, 2019 - 6:26 PM
ກອງປະຊຸມພົບປະລະຫວ່າງ ທ່ານ ພົນໂທ ວິໄລ ຫລ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ແຫ່ງ ສປປ ລາວ ແລະ ທ່ານ ສົມເດັດ ກຼໍລາໂຮມ ຊໍເຄັງ ຮອງນາຍົກລັດຖະມົນຕີ, ລັດຖະມົນຕີກະຊວງພາຍໃນ ແຫ່ງຣາຊະອານາຈັກກຳປູເຈຍ ໄດ້ມີຂຶ້ນເມື່ອບໍ່ດົນນີ້ ຢູ່ຣາຊະອານາຈັກກຳປູເຈຍ ໂດຍສອງຝ່າຍໄດ້ຕີລາຄາສູງຕໍ່ການຮ່ວມມືກັນໃນຜ່ານມາ, ພ້ອມທັງໄດ້ລົງນາມການຮ່ວມມືໃນຕໍ່ໜ້າຄື: ເພີ່ມທະວີການຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍຕາມຊາຍແດນ, ການອຳນວຍຄວາມສະດວກໃນການເຂົ້າ-ອອກເມືອງຂອງປະຊາຊົນສອງປະເທດໃຫ້ມີຄວາມປອດໄພ, ປາບປາມການຄ້າຂາຍເຖື່ອນ, ບັນຫາຢາເສບຕິດ, ຕ້ານການຄ້າມະນຸດຕາມຊາຍແດນ ແລະ ຮ່ວມມືຕ້ານອາຊະຍາກຳຂ້າມຊາດໃຫ້ມີປະສິດທິຜົນ.
