ໝາກໄມ້ 5 ຊະນິດຊ່ວຍປ້ອງກັນຜົມຫລົ່ນ
March 14, 2017 - 11:01 AM
-
ໝາກສະຕໍເບີຣີ : ອຸດົມໄປດ້ວຍຊິລິກາ (Silica) ອັນ ເປັນປັດໄຈສຳຄັນທີ່ຈະຊ່ວຍຕໍ່ ຕ້ານອາການຫລຸດຫລົ່ນຂອງເສັ້ນ ຜົມທັງຍັງກະຕຸ້ນການປົ່ງໃໝ່ຂອງເສັ້ນຜົມນຳອີກ. - ໝາກແອັບເປິ້ນ : ໂຊກດີທີ່ ມີໝາກໄມ້ຫາກິນງ່າຍຕະຫລອດປີ ດັ່ງໝາກແອັບເປິ້ນທີ່ຊ່ວຍຕໍ່ຕ້ານ ເລື່ອງຜົມຫລົ່ນໄດ້ເຊັ່ນກັນ. ໝາກ ແອັບເປິ້ນມີໄຟເບີ ເຊິ່ງລະລາຍນຳ້ໄດ້, ມີສານປະກອບຟິນອນຢູ່ໃນ ເປືອກ, ມີສານແອນຕີອັອກຊິແດນ ແລະ ວິຕາມິນ ດີທັງກັບສຸຂະພາບ ໜັງຫົວ ແລະ ສຸຂະ ພາບໂດຍລວມ ຂອງທ່ານ, ແຕ່ໃນການເລືອກຊື້ໝາກແອັບເປິ້ນກໍຕ້ອງລະວັງແດ່ ພະຍາຍາມບໍ່ເລືອກໜ່ວຍທີມີຜິວ ເຫລື້ອມເປັນເງົາຜິດປົກກະຕິ ເປັນ ໄປໄດ້ວ່າອາດເຄືອບແວັກຫລາຍ ເກີນໄປ ເມື່ອຊື້ມາແລ້ວກໍຕ້ອງແຊ່ ໃນນຳ້ຢາລ້າງໝາກໄມ້ ແລະລ້າງ ດ້ວຍນຳ້ໃຫ້ສະອາດອີກເທື່ອໜຶ່ງ.
- ໝາກລະແຊັງ : ເຄີຍໄດ້ ຍິນກັນແຕ່ວ່ານຳ້ມັນສະກັດຈາກແກ່ນໝາກລະແຊັງ ຫລື ເກຣບ ຊີດອອຍ ມີປະໂຫຍດຫລາຍ, ແຕ່ ຄວາມຈິງແລ້ວໝາກລະແຊັງໝົດ ໜ່ວຍກໍມີປະໂຫຍດຫລາຍຄືກັນ ແລະ ໜຶ່ງໃນປະໂຫຍດຂໍ້ນັ້ນກໍຄື ຊ່ວຍລ້າງສານພິດອອກຈາກຮ່າງ ກາຍ ແລະ ປ້ອງກັນເສັ້ນຜົມຫລົ່ນໄດ້ນຳ.
- ໝາກກ້ວຍ : ກິນໝາກກ້ວຍຫອມມື້ລະໜ່ວຍຊ່ວຍໃຫ້ຢູ່ທ້ອງເປັນອາຫານຫວ່າງໄດ້ດີ ແລະ ມັນຍັງອຸດົມໄປດ້ວຍໂປຕັສຊຽມ, ແມັກນີຊຽມ, ວິຕາມິນເບ, ໄຟເບີ, ເພັກຕິນ ແລະ ແຮ່ທາດອີກຫລາຍ ຊະນິດທີ່ລ້ວນມີປະໂຫຍດຕໍ່ສຸຂະພາບ, ເຮັດໃຫ້ສຸຂະພາບເສັ້ນຜົມ ແຂງແຮງ, ບໍ່ຂາດຫລົ່ນງ່າຍ ຈຶ່ງບໍ່ຕ້ອງສົງໄສເລີຍວ່າການກິນໝາກກ້ວຍເປັນປະຈຳຈະຊ່ວຍປ້ອງກັນຜົມຫລົ່ນໃນອະນາຄົດໄດ້ນຳ.
- ໝາກກ້ຽງ : ໝາກໄມ້ອຸ ດົມໄປດ້ວຍວິຕາມິນເຊທີ່ຊ່ວຍໃນການດູດຊຶມທາດເຫລັກ ແລະ ຄໍ ລາເຈັນ ເຊິ່ງມີຄວາມສຳຄັນໃນ ການຈະເລີນເຕີບໃຫຍ່ຂອງຮາກ ຜົມນຳ ທັງມີສານແອນຕີອັອກຊິ ແດນ, ຟລາໂວນອຍ, ເບຕ້າແຄໂຣທີນ, ແມັກນີຊຽມ ແລະ ໄຟເບີ ຄົບຖ້ວນ, ກິນໝາກກ້ຽງມື້ລະ 1 ໜ່ວຍ ຈຶ່ງຊ່ວຍໃຫ້ເສັ້ນຜົມມີສຸຂະພາບແຂງແຮງ ໄດ້ປະໂຫຍດເລື່ອງຜິວໜັງ ແລະ ສຸຂະພາບຮ່ວມນຳ, ຂໍແນະນຳວ່າກິນໝາກກ້ຽງເປັນໜ່ວຍຈະດີກ່ວາກິນນຳ້ໝາກກ້ຽງບັນຈຸກ່ອງ.
