ລ້ຽງປາຂາຍເປັນສິນຄ້າກາຍເປັນຄອບຄົວຕົວແບບ

ຄົນເຮົາບໍ່ວ່າຈະຢູ່ໃນຕົວເມືອງຫລືຊົນນະບົດຫ່າງໄກ ສອກຫລີກ,ປະກອບອາຊີບຫຍັງກໍຕາມເມື່ອມີຄວາມດຸໝັ່ນ, ຫ້າວຫັນອົດທົນຜ່ານຜາອຸປະສັກ, ເຮັດໃນສິ່ງທີ່ຖືກຕ້ອງບໍ່ຜິດຕໍ່ລະບຽບກົດໝາຍບ້ານເມືອງກໍຈະ ນຳພາຄອບຄົວກ້າວໄປສູ່ຄວາມ  ສຳເລັດໄດ້ຄືດັ່ງຄອບຄົວຂອງ ທ້າວ ສົມຈັນ ທຳມະວົງສາ ອາຍຸ  34 ປີ, ຢູ່ບ້ານຈຸນລາ ເມືອງທ່າແຕງແຂວງເຊກອງ, ທີ່ໄດ້ກາຍ  ເປັນຄອບຄົວຕົວແບບໃນການ ລ້ຽງປາເປັນສິນຄ້າ.

ທ້າວ ສົມຈັນ ເລົ່າສູ່ຟັງວ່າ:   ຕົນເອງເປັນພະນັກງານສັງກັດຢູ່  ກອງບັນຊາການ ປກສ ເມືອງ ທ່າແຕງ, ເມື່ອກ່ອນຄອບຄົວ ແມ່ນພົບຄວາມຫຍຸ້ງຍາກຫລາຍ ທາງດ້ານເສດຖະກິດ, ອາໄສແຕ່  ເງິນເດືອນກໍພໍກຸ້ມກິນ, ແຕ່ເວົ້າ ເຖິງລາຍຈ່າຍໃນຄອບຄົວແມ່ນ  ມີຫລາຍຢ່າງເປັນຕົ້ນຄ່າຢູ່ຄ່າກິນ, ຄ່ານ້ຳ-ຄ່າໄຟ, ຄ່າເຄື່ອງນຸ່ງຂອງຖື ແລະ ອື່ນໆ ຈິ່ງເຮັດໃຫ້ ຕົນເອງຕ້ອງໄດ້ຄິດຫາຊ່ອງທາງເພື່ອສ້າງລາຍໄດ້ເພີ່ມມາໃຫ້ຄອບຄົວ ແລະ ກໍມີແນວຄິດ ຢາກລ້ຽງປາຂາຍສົ່ງໃຫ້ຕະ ຫລາດໃນຕົວເມືອງເພາະສັງເກດເຫັນວ່າປາທີ່ຂາຍຢູ່ທ້ອງຕະຫລາດແມ່ນນຳເຂົ້າຈາກ ຕ່າງແຂວງເປັນສ່ວນໃຫຍ່. ຈາກນັ້ນ ຈິ່ງໄດ້ປຶກສາກັບຄອບຄົວ ແລະ ກໍເຫັນດີເຫັນພ້ອມຈິ່ງເລີ່ມລ້ຽງປາດຸກ ແລະ ປານິນໃນ  ປີ 2013 ໃນເນື້ອທີ່ 1 ເຮັກຕາ, ມີໜອງປາ 1 ໜອງໂດຍໄດ້ກູ້ ຢືມເງິນຈາກທະນາຄານມາ  ລົງທຶນປະ ມານ 70 ລ້ານກີບ, ຊື້ລູກປາດຸກ ແລະ ປານິນປ່ອຍ ຈຳນວນ 10 ພັນໂຕ ແລະ ຫົວ ອາຫານຈຳນວນໜຶ່ງ. ໃຊ້ເວລາ ໃນການລ້ຽງປາດຸກພຽງ 2 ເດືອນ ແລະ ປານິນ 6 ເດືອນກໍ ສາມາດຂາຍໄດ້;  ແຕ່ກໍພົບບັນ ຫາປາໃຫຍ່ ບໍ່ເຕັມທີ່ເຮັດໃຫ້ຂາດທຶນໄປ. ເມື່ອເປັນແນວນັ້ນຈິ່ງໄດ້ ສຶກສາຫາຄວາມຮູ້ນຳຜູ້ທີ່ມີປະ ສົບການມາກ່ອນ, ຮຽນຮູ້ຈາກ ປຶ້ມກະສິກຳ ແລະ ປຶກສານຳວິຊາການກະສິກຳ ແລະ ປ່າໄມ້ ເມືອງເຊິ່ງເພິ່ນໄດ້ ແນະນຳການ ກະກຽມໜອງກ່ອນປ່ອຍປາ, ການປັບລະດັບໜ້ານ້ຳ, ວິທີການ ເລືອກແນວພັນ ແລະ ເຕັກນິກໃນການລ້ຽງ.

+ ຂາຍເຄື່ອງກອງບຸນກໍລ້ຽງຊີບໄດ້

+ ລ້ຽງສັດຊ່ວຍຄອບຄົວມີລາຍຮັບເພີ່ມຂຶ້ນ

+ ລ້ຽງປາຄຳແນວໃດບໍ່ໃຫ້ຕາຍ

ພາຍຫລັງໄດ້ມີບົດຮຽນ ເພີ່ມຂຶ້ນແລ້ວກໍໄດ້ມາເຮັດຕາມ ຂັ້ນຕອນການລ້ຽງທີ່ຖືກຕ້ອງ ໂດຍໄດ້ມີການປັບປຸງ ຂະຫຍາຍໜອງຕື່ມອີກ 3 ໜອງລວມເປັນ  4 ໜອງ ແລະ ໄດ້ເອົາລູກມາ ປ່ອຍເປັນຊຸດທີສອງທັງປາດຸກ ແລະ ປານິນລວມແລ້ວປະມານ   50 ພັນໂຕ, ການລ້ຽງກໍໄດ້ຮັບ  ປະສິດທິຜົນສູງຂຶ້ນປັດຈຸບັນນຳ  ຜົນຜະລິດຂອງ ຕົນຂາຍໃຫ້ພໍ່ ແມ່ປະຊາຊົນພາຍໃນບ້ານ ແລະ  ແມ່ຄ້າມາຮັບຊື້ກັບໜອງທັງປາ ດຸກ ແລະ ປານິນສະເລ່ຍ 20 ກິ ໂລຕໍ່ມື້ ໃນລາຄາຂາຍກັບທີ່ປາ ດຸກ 15.000 ກີບຕໍ່ກິໂລ ແລະ ປານິນ 23.000 ກີບຕໍ່ກິໂລທັງໝົດໄດ້ຮັບຜົນ ກຳໄລສຸດທິປະມານ 100 ລ້ານກວ່າກີບຕໍ່ປີ.

ທ້າວ ສົມຈັນ ເວົ້າວ່າ: ການທີ່ຄອບຄົວຂອງຕົນເອງໄດ້ ມີຜົນສຳເລັດ ແລະ ໄດ້ເປັນຄອບຄົວຕົວແບບຂອງເມືອງ ທ່າແຕງ   ໃນການສ້າງເສດຖະກິດຄອບຄົວນີ້ກໍຍ້ອນຄວາມພະຍາມ, ອົດ ທົດໝົ້ນທຸກຜ່ານຜ່າອຸປະສັກ ແລະ ມັກຮັກໃນການປູກຝັງ- ລ້ຽງສັດ, ອັນສຳຄັນແມ່ນຍ້ອນແນວທາງນະໂຍບາຍຂອງພັກ  ແລະ ລັດຖະບານກໍຄືການ ຊີ້ນຳໆພາຢ່າງໃກ້ຊິດຕິດແທດ ຂອງອົງການປົກຄອງທ້ອງຖິ່ນທີ່ຖືກຕ້ອງເພື່ອຊຸກຍູ້ສົ່ງເສີມໃຫ້ປະຊາຊົນ ທຳການຜະລິດໃຫ້ ຫລາຍກາຍເປັນສິນຄ້າເພື່ອເຮັດ ໃຫ້ຄອບຄົວຫລຸດພົ້ນອອກຈາກຄວາມທຸກຍາກໄດ້.