ການເງິນຫລວງນ້ຳທາເຜີຍແຜ່ຂໍ້ຕົກລົງລັດຖະມົນຕີກະຊວງການເງິນວ່າດ້ວຍຂໍ້ຫ້າມ ແລະ ວິໄນຂອງພະນັກງານ-ລັດຖະກອນ

ເມື່ອມໍ່ໆມານີ້ພະແນກການ ເງິນແຂວງຫລວງນ້ຳທາໄດ້ຈັດພິທີເຊື່ອມຊຶມຂໍ້ຕົກລົງຂອງລັດຖະມົນຕີກະຊວງການ ເງິນວ່າ ດ້ວຍຂໍ້ຫ້າມ ແລະ ວິໄນຂອງພະ ນັກງານ-ລັດຖະກອນ. ຂະແໜງການເງິນ, ໂດຍການເຜີຍແຜ່ຂອງ ທ່ານ ອ່ອນຈັນ ຄຳພາວົງ ຫົວໜ້າພະແນກການເງິນແຂວງ ຫລວງນ້ຳທາ, ມີບັນດາຂະແໜງການອ້ອມຂ້າງເຊັ່ນ: ຫ້ອງການ ຄຸ້ມຄອງຊັບສິນຂອງລັດ, ພາສີ ຄັງເງິນ, ສວຍສາອາກອນ, ແຜນການ ແລະ ການລົງທຶນ ແຂວງເຂົ້າ ຮ່ວມຮັບຟັງ. ໂດຍ ຂໍ້ຕົກດັ່ງກ່າວແນໃສ່ປະກັນໃຫ້ການ ຈັດຕັ້ງປະຕິບັດແຜນພັດທະນາ ເສດຖະກິດ-ສັງຄົມ ແລະ ແຜນງົບປະມານແຫ່ງລັດປີ  2017 ໄດ້ຕາມແຜນການ, ໂດຍທ່ານ ລັດຖະມົນຕີກະຊວງການເງິນໄດ້ແຕ່ງ ຕັ້ງຄະນະຮັບຜິດຊອບ ຊີ້ນຳ, ກວດກາ, ຕິດຕາມ ແລະ ຊຸກຍູ້ການຈັດຕັ້ງປະຕິບັດແຜນ ລາຍຮັບ-ລາຍຈ່າຍງົບ ປະມານ ປະຈຳປີ 2017 ຢູ່ບັນດາກະຊວງອົງການອ້ອມຂ້າງສູນ  ກາງ, ນະຄອນຫລວງວຽງຈັນ  ແລະ ບັນດາ ແຂວງໃນຂອບເຂດທົ່ວ ປະເທດກຳນົດເວລາ 30 ວັນ. ເຊິ່ງແບ່ງອອກເປັນ 4 ຈຸຄື: ຈຸທີ 1 ມີບັນດາກະຊວງອົງ ການອ້ອມ ຂ້າງສູນກາງ, ນະຄອນຫລວງ ວຽງຈັນ, ບໍລິຄຳໄຊ ແລະ ບັນດາ ກົມລາຍຮັບ-ລາຍຈ່າຍຂອງກະຊວງ ການ ເງິນປະກອບມີ 10 ທ່ານ, ຈຸທີ 2 ແຂວງຄຳມ່ວນ, ສະຫວັນນະເຂດ, ຈຳປາສັກ, ສາລະວັນ, ເຊກອງ ແລະ ອັດ ຕະປືປະກອບມີ  9 ທ່ານ, ຈຸທີ 3 ມີ ແຂວງຫລວງ ພະບາງ, ໄຊຍະ ບູລີ, ຊຽງຂວາງ  ແລະ ວຽງຈັນປະກອບມີ 7 ທ່ານ ແລະ ຈຸທີ 4 ມີແຂວງໆ ຫລວງນ້ຳທາ, ອຸ ດົມໄຊ, ບໍ່ແກ້ວ, ຫົວພັນ ແລະ ຜົ້ງສາລີ ປະກອບມີ 7 ທ່ານ, ເຊ່ິງ ມີສິດ ແລະ ໜ້າທີ່ຕໍ່ສົມທົບກັບບັນດາກະຊວງອົງການອ້ອມ ຂ້າງສູນກາງເພື່ອສັງລວມ  ແລະ ກວດກາຄືນ ລະອຽດບັນດາຖານລາຍຮັບທີ່ມີຢູ່ໃນຄວາມຮັບ ຜິດຊອບຂອງຕົນ.

ການເຜີຍແຜ່ຂໍ້ຕົກລົງດັ່ງ ກ່າວກໍເພື່ອຍົກສູງພາລະບົດ ບາດຂອງຄະນະຊີ້ນຳນຳພາໃຫ້ ມີຄວາມໜັກແໜ້ນ, ຍົກສູງການ  ພັດທະນາບຸກຄະລາກອນໃຫ້ມີຄວາມຮູ້ຄວາມສາມາດໃນການ ຄຸ້ມຄອງບໍລິຫານດ້ານການເງິນໃຫ້ແທດເໝາະ ແລະ ໃຫ້ເຂົ້າສູ່ລະບຽບກົດໝາຍຢ່າງເຂັ້ມງວດ.