ນັກສຶກສາລາວ 12 ຄົນເຂົ້າຮ່ວມກອງປະຊຸມນັກສຶກສາຍີ່ປຸ່ນ-ອາຊຽນ
ໃນວັນທີ 18 ກຸມພານີ້, ນັກສຶກສາລາວ 12 ຄົນໄດ້ ເດີນທາງ ໄປຍັງປະເທດຍີ່ປຸ່ນ ເພື່ຶອເຂົ້າຮ່ວມກອງປະຊຸມນັກສຶກສາຍີ່ປຸ່ນ-ອາຊຽນ, ເຊິ່ງແມ່ນກິດຈະກໍາໜຶ່ງພາຍ ໃຕ້ໂຄງການ JENESYS 2018ໂດຍໄດ້ຮັບການສະໜັບສະໜູນຈາກລັດຖະບານຍີ່ປຸ່ນ.
ກອງປະຊຸມນັກສຶກສາ ຍີ່ປຸ່ນ-ອາຊຽນ ແມ່ນແນ່ໃສ ສົ່ງເສີມ ຄວາມເຂົ້າໃຈເຊິ່ງກັນ ແລະ ກັນລະຫວ່າງປະຊາຊົນຍີ່ປຸ່ນ ແລະ ປະເທດສະມາຊິກອາຊຽນ.
ນັກສຶກສາຈຳນວນນີ້ໄດ້ ຖືກຂັດເລືອກຈາກກະຊວງສຶກສາທິການ ແລະ ກິລາ ແລະ ສະຖານເອກອັກຄະຣາຊະທູດຍີ່ປຸ່ນປະຈໍາລາວ. ເພື່ອຮ່ວມກັບນັກສຶກສາຈາກປະເທດສະມາຊິກອາຊຽນ ໂດຍຈະແບ່ງອອກເປັນ 6 ກຸ່ມໃຫຍ່ຄື: (ກະສິກໍາ, ພະລັງງານ, ການອອບແບບຊຸມຊົນ ແລະ ສຸຂະພາບ, ເພດ ແລະ ການຈ້າງງານຜູ້ສຸງອາຍຸ) ເພື່ອປຶກສາຫາລືບັນຫາຕ່າງ ທີ່ຈະສາມາດປະກອບສ່ວນ ເຂົ້າໃນການພັດທະນາເສດຖະກິດ-ສັງຄົມບັນດາປະ ເທດສະມາຊິກອາຊຽນ, ຕີມໍ ເລັດສະເຕ ແລະ ຍີ່ປຸ່ນ.
ໂຄງການJENESYS ແມ່ນໂຄງການແລກປ່ຽນລະຫວ່າງຍີ່ປຸ່ນ ແລະ ເຂດອາ ຊີປາຊີຟິກເຊິ່ງໄດ້ເລີ່ມປະຕິບັດມາຕັ້ງແຕ່ປີ 2007 ແລະ ໃນປີນີ້ລັດຖະບານຍີ່ປຸ່ນຈະເຊື້ອເຊີນຊາວໜຸ່ມລາວປະມານ 120 ຄົນເພື່ອໄປຢ້ຽມ ຢາມປະເທດຍີ່ປຸ່ນ./.
