ກຳປູເຈຍເຕືອນໃຫ້ຄົນຕ່າງປະເທດ ລະວັງຕໍ່ການຫລອກລວງຂອງເວັບໄຊ ການອອກວີຊາເອເລັກໂຕຣນິກ
ເຈົ້າໜ້າທີ່ພະແນກວຽກ ງານກົດໝາຍຂອງກະຊວງ ການຕ່າງປະເທດ ແລະ ການ ຮ່ວມມືສາກົນກຳປູເຈຍ ກ່າວ ວ່າ: ພະແນກຕົນໄດ້ຄົ້ນພົບຢ່າງ ໜ້ອຍ 17 ເວັບໄຊທີ່ປອມຕົວ ເປັນເວັບໄຊທາງການເພື່ອໃຫ້ບໍລິການອອກວີຊາເອເລັກໂຕຣ ນິກທາງອິນເຕີເນັດແກ່ນັກທ່ອງ ທ່ຽວ ສະນັ້ນ ຈຶ່ງເຕືອນໃຫ້ຄົນ ຕ່າງປະເທດລະວັງຕໍ່ການຫຼອກ ລວງຂອງເວັບໄຊປອມ.
ວັນທີ 5 ກຸມພານີ້, ກະຊວງ ການຕ່າງປະເທດກຳປູເຈຍໄດ້ອອກແຈ້ງການວ່າ: ກຳປູເຈຍມີ ພຽງແຕ່ເວັບໄຊທາງການທີ່ ອອກວີຊາເອເລັກໂຕຼນິກທີ່ຊອບ ດ້ວຍກົດໝາຍແຫ່ງດຽວ ກໍຄື www.evisa.gov.kh. ວີຊາ ເອເລັກໂຕຼນິກຕ້ອງໄດ້ຮັບການອະນຸມັດຈາກກະຊວງການຕ່າງ ປະເທດກຳປູເຈຍ, ກະຊວງ ພາຍໃນກຳປູເຈຍ ແລະ ສະ ຖານທູດກຳປູເຈຍຢູ່ຕ່າງປະ ເທດ. ພະແນກວຽກງານກົດ ໝາຍໄດ້ຕັ້ງໜ່ວຍງານການຄຸ້ມ ຄອງການອອກວີຊາເອເລັກໂຕຼ ນິກທີ່ປະກອບດ້ວຍພະນັກງານ ຂອງພະແນກຕ່າງໆເພື່ອດຳ ເນີນການສືບສວນ. ພ້ອມກັນ ນັ້ນ ຖ້ານັກທ່ອງທ່ຽວໄດ້ພົບສື່ ກາງທີ່ຍົກຂຶ້ນຄ່າວີຊາເອເລັກໂຕຼ ນິກ ກໍສາມາດລາຍງານຕໍ່ສະ ຖານທູດຂອງກຳປູເຈຍປະຈຳປະເທດຕົນ.
ກະຊວງການຕ່າງປະເທດ ກຳປູເຈຍ ກ່າວຕື່ມວ່າ: ບໍ່ເຄີຍ ມອບສິດໃຫ້ເວັບໄຊປອມທີ່ໃຫ້ບໍລິການດ້ານການອອກວີຊາ ເອເລັກໂຕຼນິກລະຫວ່າງລັດຖະບານ ແລະ ສື່ກາງ, ຮຽກຮ້ອງ ໃຫ້ນັກທ່ອງທ່ຽວຕ່າງປະເທດລະວັງຕໍ່ການຫຼອກລວງຂອງ ເວັບໄຊປອມ, ລັດຖະບານກຳ ລັງນຳໃຊ້ມາດຕະການສືບ ສວນແກ້ໄຂ.
