ປີທ່ອງທ່ຽວ ລາວ-ຈີນ ຄວາມຫວັງຄວາມສາມັກຄີສອງຊາດ

ໂດຍ: ທິດກ່ຳ

ດັ່ງທີ່ຮູ້ກັນແລ້ວວ່າ,  ງານ ເປີດປີທ່ອງທ່ຽວ ລາວ- ຈີນ 2019 ແມ່ນໄດ້ຈັດຂຶ້ນ ຢ່າງເປັນທາງການໃນວັນທີ 25 ມັງກອນນີ້ຢູ່ທີ່ນະຄອນ ຫລວງວຽງຈັນ, ສ່ວນພິທີປິດນັ້ນ, ກໍຈະໄປຈັດຢູ່ນະ  ຄອນຫລວງປັກກິ່ງ ສປ ຈີນ ໃນທ້າຍປີ 2019 ໂອກາດສະເຫລີມສະຫລອງວັນຊາດທີ 2 ທັນວາຂອງ ສປປ ລາວ ເຮົາ.

ແນວໃດກໍດີ, ຕາມທິດ ກ່ຳ ຄິດການຈັດໃຫ້ມີປີທ່ອງ ທ່ຽວທີ່ມີເອກະລັກສະເພາະ ຂອງສອງປະເທດແບບນີ້, ຖືວ່າມີຄວາມໝາຍ ແລະ ຄວາມສຳຄັນທາງດ້ານປະ ຫວັດສາດຍ້ອນວ່າເປັນ ຄວາມຫວັງ ແລະ ຄວາມສາມັກຄີຂອງເພື່ອນມິດສະ ຫາຍພາຍໃຕ້ອຸດົມການອັນ ດຽວກັນນັ້ນເປັນສິ່ງທີ່ປະເສີດ ແລະ ຫາໄດ້ຍາກ.

ເວົ້າແຈ້ງແລ້ວ, ນັບແຕ່ສອງພັກ, ສອງລັດຖະບານ ໄດ້ຫັນທິດເປັນຄູ່ຮ່ວມມືຍຸດ ທະສາດຮອບດ້ານ ກໍຍິ່ງເຮັດ ໃຫ້ການຮ່ວມມືຊ່ວຍເຫລືອ ເຊິ່ງກັນ ແລະ ກັນ ຍິ່ງພັດທະນາດີຂຶ້ນ ແລະ ກ້າວໄປ ຂ້າງໜ້າເລື້ອຍໆ.

ໃນການຮ່ວມມືຊ່ວຍ ເຫລືອເຊິ່ງກັນ ແລະ ກັນບົນ ພື້ນຖານ 4 ດີນັ້ນ ຈະເປັນບໍ່ ເກີດແຫ່ງຄວາມຫວັງ, ຄວາມ ຜູກພັນ ແລະ ຄວາມສາມັກ ຄີຂອງປະຊາຊົນສອງຊາດ ເປັນຕົ້ນຄື: ເປັນບ້ານໃກ້  ເຮືອນຄຽງທີ່ດີ, ເພື່ອນມິດທີ່ດີ, ສະຫາຍທີ່ດີ ແລະ ຄູ່ຮ່ວມມືທີ່ດີ.

ເພາະສະນັ້ນ, ຈຶ່ງເວົ້າໄດ້ ວ່າການເປີດປີທ່ອງທ່ຽວ ລາວ-ຈີນ 2019 ນີ້, ມັນມີ ຄວາມໝາຍທາງດ້ານປະ ຫວັດສາດລະຫວ່າງສອງ ພັກ, ສອງລັດ ແລະ ປະຊາ ຊົນສອງຊາດສອງແຜ່ນດິນ ໃຫ້ຍືນຍົງຄົງຕົວ ແລະ ເປັນ ແບບຢ່າງໃຫ້ຮຸ່ນລູກຮຸ່ນ ຫລານສືບຕໍ່ກັນໄປຈົນຕາບ ເທົ້ານິລັນດອນ.

ໃນໂອກາດປີທ່ອງທ່ຽວ ລາວ-ຈີນ 2019 ນີ້, ມັນຍັງ ເປັນວາລະນາທີຄຳ ສຳລັບ ສປປ ລາວ ພວກເຮົາ. ນອກຈາກຈະໄດ້ບົດຮຽນ, ທັງໄດ້ ເຄື່ອນໄຫວສ້າງກິດຈະກຳ ຕ່າງໆຮ່ວມກັນເຊັ່ນ: ການສະແດງສິລະປະ, ການຈັດເທສະການອາຫານ, ການໄປ ມາຫາສູ່ກັນທີ່ຫລາກຫລາຍສີສັນແລ້ວພວກເຮົາຍັງຈະ ໄດ້ເງິນເປັນກອບເປັນກຳຖ້າ ພວກເຮົາຫາກຊ່າງເຮັດຊ່າງ ໄປເພາະນອກຈາກຈະມີນັກທ່ອງທ່ຽວທີ່ຈະມາຈາກຈີນ ແລ້ວກໍຈະມີນັກທ່ອງທ່ຽວ ຈາກຫລາຍປະເທດເຂົ້າ ມາທ່ອງທ່ຽວລາວຢ່າງ ຫລວງຫລາຍ. ເປັນຫຍັງຈຶ່ງ ວ່າແນວນັ້ນ? ຍ້ອນວ່າມີສອງ ປະເທດພ້ອມກັນເຮັດ ສາມາດ ດຶງດູດເອົານັກທ່ອງທ່ຽວລະຫວ່າງສອງປະເທດດ້ວຍກັນ ແລະ ອາດຍັງມີນັກທ່ອງທ່ຽວ ຈາກທຸກສາລະທິດເຂົ້າມາ ທ່ຽວລາວເພີ່ມຂຶ້ນ.

ແນວໃດກໍຕາມ, ເພື່ອເຮັດ ໃຫ້ຕົວເລກຄາດໝາຍໄປເຖິງ ເປົ້າຄືໃຫ້ມີນັກທ່ອງທ່ຽວ ຈາກຈີນເຂົ້າມາລາວ 1 ລ້ານ ຄົນ ແລະ 4,5 ລ້ານຄົນໃນປີ 2019 ມັນກໍຈະສອດຄ່ອງ ກັບມະຕິຂອງຄະນະບໍລິຫານງານສູນກາງພັກສະບັບເລກ  ທີ 057/ຄບພສ ລົງວັນທີ 19 ທັນວາ 2018 ວ່າດ້ວຍການ ເພີ່ມທະວີການນຳພາແກ້ໄຂ ຄວາມຫຍຸ້ງຍາກດ້ານເສດຖະກິດ-ການເງິນ ແລະ ສ້າງຄວາມເຂັ້ມແຂງຂອງການ ຄຸ້ມຄອງມະຫາພາກ ແລະ ກາລະໂອກາດນີ້ເອງລະ, ພວກເຮົາກໍຈະໄດ້ພ້ອມກັນພິສູດໃຫ້ເຫັນເຖິງການປະຕິບັດບັນດາມະຕິກອງປະຊຸມ ຄົບຄະນະຄັ້ງທີ 7 ສະໄໝທີ X ທີ່ໄດ້ເວົ້າວ່າ: ສຸມໃສ່ປັບປຸງ ແລະ ພັດທະນາແຫລ່ງທ່ອງທ່ຽວ ແລະ ການທ່ອງ ທ່ຽວດ້ານທຳມະຊາດ, ວັດທະນະທຳ, ປະຫວັດສາດຕິດ ພັນກັບການສ້າງຜະລິດຕະພັນຮັບໃຊ້ການທ່ອງທ່ຽວ ແບບອະນຸລັກຢ່າງແຂງແຮງ.

ພ້ອມນັ້ນກໍປັບປຸງ ແລະ ຍົກລະດັບພື້ນຖານໂຄງລ່າງທີ່ເຂົ້າເຖິງສະຖານທີ່ທ່ອງ ທ່ຽວກໍຄືສ້າງເງື່ອນໄຂເອື້ອ ອຳນວຍສິ່ງດຶງດູດໃຫ້ແກ່ນັກທ່ອງທ່ຽວໃຫ້ເພີ່ມຂຶ້ນ.