ລາວ-ມູນນິທິ ມິດຕະພາບ ເກົາຫລີ-ອາຊີ ສ້າງຕັ້ງຄະນະກຳມະການຮ່ວມດຳເນີນໂຄງການແຈກຢາຍປຶ້ມສົ່ງເສີມການສຶກສາຢູ່ລາວ

ພິທີລົງນາມການຕົກລົງ ສ້າງຕັ້ງຄະນະກໍາມະການຮ່ວມສໍາລັບໂຄງການແຈກ ຢາຍປຶ້ມຢູ່ລາວ ລະຫວ່າງ ກະຊວງສຶກສາທິການ ແລະ ກິລາ ແລະ ມູນນິທິມິດຕະພາບ ເກົາຫຼີ-ອາຊີ (KAFF), ເພື່ອແນໃສ່ສົ່ງເສີມການແລກປ່ຽນວັດທະນະທໍາ, ການລ້ຽງເດັກ ແລະ ການສົ່ງເສີມການ ສຶກສາ ໄດ້ມີຂຶ້ນໃນວັນທີ 17 ມັງກອນ ຜ່ານມານີ້,  ຢູ່ນະຄອນຫຼວງວຽງຈັນ, ລະຫວ່າງທ່ານ ສີສະໝອນ ສິດ ທະຣາດວົງສາ ຫົວໜ້າກົມພົວພັນຕ່າງປະເທດກະຊວງ ສຶກສາທິການ ແລະ ກິລາ  ແລະ ທ່ານ ຈອຍ ແຈ ຊັງ ປະ ທານກິດຕິມະສັກມູນນິທິມິດຕະພາບ ເກົາຫຼີ-ອາຊີ, ມີທ່ານ ນາງ ແສງເດືອນ ຫຼ້າຈັນ ທະບູນ ລັດຖະມົນຕີກະຊວງ ສຶກສາທິການ ແລະ ກິລາ  ແລະ ທ່ານ ຊັງຊູນ ຊິນເອກອັກຄະລັດຖະທູດ ສ ເກົາຫຼີ ປະຈໍາລາວ ເຂົ້າຮ່ວມເປັນ ສັກຂີພິຍານນໍາດ້ວຍ.

ການຮ່ວມມືດັ່ງກ່າວ ເພື່ອດໍາເນີນໂຄງການແຈກຢາຍປຶ້ມໃຫ້ແກ່ເດັກນ້ອຍໃນລາວ ໃຫ້ເປັນລະບົບ ແລະ ມີການພົວພັນກັນຢ່າງໃກ້ຊິດລະຫວ່າງກະຊວງສຶກສາທິການ-ກິລາ ແລະ ມູນນິທິມິດຕະພາບ ເກົາຫຼີ-ອາຊີມີ ຄວາມສະດວກ ແລະ ໄດ້ຮັບປະສິດທິຜົນ.