ອີຊູຊຸ ລາວບໍລິການ ເນັ້ນບໍລິການຫລັງການຂາຍທີ່ດີສ້າງຄວາມໝັ້ນໃຈແກ່ລູກຄ້າ
ບໍລິສັດ ອີຊູຊຸ ລາວບໍລິ ການ (ISUZU LAO SERVICE) ຊຶ່ງຕັ້ງຢູ່ບ້ານ ນາເລົ່າ, ເມືອງສີໂຄດຕະບອງ ນະຄອນຫລວງວຽງຈັນ, ນັບ ເປັນສູນຈໍາຫນ່າຍ, ກວດເຊັກ ແລະ ສ້ອມແປງລົດ ອີຊູຊຸ ທຸກ ລຸ້ນ ລວມທັງລົດບັນທຸກຂະ ຫນາດຕ່າງໆ ໃຫຍ່ທີ່ສຸດໃນ ສປປ ລາວ, ຊຶ່ງປີຜ່ານມາການ ດໍາເນີນທຸລະກິດຂອງສູນແຫ່ງ ນີ້ສືບຕໍ່ຂະຫຍາຍຕົວຢ່າງຕໍ່ ເນື່ອງ, ໂດຍສາມາດກວມປະ ມານ 4,5% ຂອງຕະຫລາດ ລົດໃນລາວ ແລະ ໃນປີ 2019 ນີ້, ໄດ້ຕັ້ງເປົ້າໃຫ້ມີອັດຕາ
ສ່ວນຕະຫລາດລົດເພີ່ມຂຶ້ນ ກວມເອົາ10%. ນີ້ແມ່ນຄໍາຢືນ ຢັນຂອງ ທ່ານ ວິຣະໄຊຄໍາ
ພິລາພັນເດຊ ອໍານວຍການບໍລິ ສັດ ອີຊູຊຸ ລາວ ບໍລິການໄດ້ໃຫ້ ສໍາພາດນັກຂ່າວຫນັງສືພິມ
ລາວພັດທະນາ ເມື່ອບໍ່ດົນມານີ້.
ທ່ານ ວິຣະໄຊຄໍາ ກ່າວ ວ່າ: ໃນປີຜ່ານມາ, ເຫັນວ່າຜົນ ປະກອບການທຸລະກິດພວກ
ເຮົາຢູ່ໃນຕົວເລກທີ່ດີສົມຄວນ, ເນື່ອງຈາກການປະຕິບັດແຜນ ການໂຄສະນາປະຊາສໍາພັນ
ຢ່າງແຂງແຮງເພື່ອໃຫ້ສັງຄົມ ຮັບຮູ້ໃນຄຸນນະພາບຂອງລົດ ອີຊູຊຸ ຢ່າງກວ້າງຂວາງ, ເຊິ່ງ
ນອກຈາກລູກຄ້າໄດ້ຮັບຂອງ ຂວັນຂອງແຖມຫລາຍຢ່າງ ໃນໂອກາດມາຊື້ລົດໃຫມ່ແລ້ວ,
ສູນພວກເຮົາຍັງໄດ້ສ້າງກິດ ຈະກໍາຮັດແຫນ້ນຄວາມສໍາພັນ ກັບລູກຄ້າທີ່ຊື່ວ່າ: “ ຫມູ່ທີ່ດີ
ຕ້ອງແນະນໍາລົດ ອີຊູຊຸ ລາວບໍ ລິການໃຫ້ຫມູ່ ”, ການສົ່ງພະ ນັກງານເຂົ້າຮ່ວມສະແດງ
ຄວາມຍິນດີກັບລູກຄ້າທີ່ຊື້ລົດ ອີຊູຊຸໃຫມ່, ການນໍາລົດເຂົ້າຮ່ວມ ວາງສະແດງຕາມສູນການຄ້າ, ຕະຫລາດໃຫຍ່ໃນຕົວເມືອງ, ຕາມເທສະການຕ່າງໆ ແລະການເຂົ້າຮ່ວມວາງສະແດງ
ລົດໃນແຕ່ລະປີອີກດ້ວຍເພື່ອໃຫ້ ປະຊາຊົນໄດ້ສໍາພັດຕົວຈິງ ຂອງລົດອີຊູຊຸທີ່ຂຶ້ນຊື່ວ່າເປັນ
ລົດທີ່ແຂ່ງແກ່ນທົນທານ ແລະ ປະຢັດນໍ້າມັນເປັນເລີດ.
ທ່ານ ວິຣະໄຊຄໍາ ກ່າວ ວ່າ: ສິ່ງທີ່ຊ່ວຍໃຫ້ທຸລະກິດ ຂອງ ອີຊູຊຸ ພວກເຮົາມີການ ຂະຫຍາຍຕົວຢ່າງຕໍ່ເນື່ອງນີ້, ແມ່ນມາຈາກປັດໄຈນອກຕົວ ແລະ ໃນຕົວ, ນອກຕົວແມ່ນ ເຫັນວ່າສະພາບເສດຖະກິດ ຂອງປະເທດເຮົາດີຂຶ້ນ, ປະຊາ ຊົນມີລາຍໄດ້ສູງຂຶ້ນ, ຂະນະ ດຽວກັນບັນດາຫົວຫນ່ວຍທຸລະ ກິດທີ່ໃຫ້ບໍລິການດ້ານສີນເຊື່ອກໍນັບມື້ຫລາຍຂຶ້ນ ແລະ ໄດ້
ເຮັດໃຫ້ການແຂ່ງຂັນດ້ານ ດອກເບ້ຍສີນເຊື່ອຕໍ່າລົງ, ອັນ ເປັນເງື່ອນໄຂໃຫ້ປະຊາຊົນສາ
ມາດເຂົ້າເຖິງການກູ້ຢືມເພື່ອຊື້ ລົດມາຮັບໃຊ້ທຸລະກິດ, ການ ຂົນສົ່ງ, ການບໍລິການຕ່າງໆ
ແລະ ຮັບໃຊ້ການເຄື່ອນໄຫວ ໃນຊີວິດປະຈໍາວັນດີຂຶ້ນ. ສ່ວນ ເງື່ອນໄຂໃນຕົວແມ່ນ, ການບໍ
ລິການຫລັງການຂາຍທີ່ດີມີ ຄຸນນະພາບ, ອາໄຫລ່ໄດ້ມາດ ຕະຖານ, ມີຊ່າງທີ່ຊໍານານ
ທີ່ຜ່ານການຝຶກອົບຮົມທັງ ພາຍໃນ ແລະ ຕ່າງປະເທດ ໄວ້ຄອຍບໍລິການລູກຄ້າ ແລະອັນສໍາຄັນແມ່ນການກໍານົດ ລາຄາທີ່ສົມເຫດສົມຜົນ.
ໄປຄຽງຄູ່ກັບການດໍາເນີນ ທຸລະກິດແລ້ວ, ການປະກອບ ສ່ວນຊ່ວຍເຫລືອສັງຄົມກໍແມ່ນວຽກບູລິມະສິດສໍາຄັນຂອງບໍ ລິສັດພວກເຮົາໄດ້ໃຫ້ຄວາມ ສໍາຄັນ, ອັນພົ້ນເດັ່ນແມ່ນໄດ້ຮ່ວມມືກັບອົງການກາແດງ ລາວຈັດຕັ້ງກ່ອງບໍລິຈາກຢູ່ ພາຍໃນສູນ, ໂດຍບໍລິສັດຈະ
ສົມທົບທຶນ 1 ແສນກີບ ທຸກຄັ້ງ ທີ່ມີການມອບ-ສົ່ງ ລົດໃຫມ່ໃຫ້ ກັບລູກຄ້າເພື່ອຊື້ອຸປະກອນ ການຮຽນ ແລະ ຊ່ວຍເຈາະນໍ້າ ບາດານໃຫ້ໂຮງຮຽນປະຖົມ ບ້ານນາຫມ້ຽງ ເມືອງສັງທອງແລະ ໂຮງຮຽນແຫ່ງອື່ນໆ.
ນອກນີ້ ຍັງໄດ້ມີກິດຈະ ກໍາຄາລາວານລົດ ອີຊູຊຸ ນໍາ ເຄື່ອງຊ່ວຍເຫລືອຈໍານວນ ຫນຶ່ງໄປມອບໃຫ້ປະຊາຊົນທີ່ ຂາດເຂີນໃນເຂດຫ່າງໄກ ສອກຫລີກ, ການສະຫນັບສະ ຫນູນການແຂ່ງຂັນລົດວິບາກ, ມອບເຄື່ອງອຸປະໂພກ- ບໍລິໂພກ ຊ່ວຍປະຊາຊົນທີ່ໄດ້ຮັບຜົນກະທົບຈາກໄພນໍ້າຖ້ວມ ແລະ ການຊ່ວຍເຫລືອດ້ານອື່ນໆ ເປັນຈໍານວນຫລາຍ.
ທ່ານ ວິຣະໄຊຄໍາ ກ່າວ ວ່າ: ໃນປີໃຫມ່ນີ້, ບໍລິສັດຈະສືບ ຕໍ່ສຸມໃສ່ການບໍລິການຫລັງ
ການຂາຍໃຫ້ດີກວ່າເກົ່າ, ເພື່ອສ້າງຄວາມຫມັ້ນໃຈແກ່ລູກຄ້າ ທີ່ຊົມໃຊ້ລົດ ອີຊູຊຸ ເຊິ່ງມີບໍລິ
ການໃຫ້ລູກຄ້າທີ່ຊື້ລົດໃຫມ່ຄື: ຮັບປະກັນ 3 ປີຫລື 1 ແສນກິໂລແມັດ ແລະ ກວດເຊັກໂດຍ
ບໍ່ເສຍຄ່າແຮງງານໃນໄລຍະ 20 ພັນກິໂລແມັດແລ້ວ, ທາງສູນຍັງຈະແຖມເຄື່ອງອັດສິດ
ນໍ້າ, ເຄື່ອງດູດຝຸ່ນ, ເຕີມນໍ້າມັນລົດ, ປະກັນໄພ ແລະ ເຄື່ອງຕົກແຕ່ງລົດອີກຈໍານວນຫນຶ່ງ
ໃຫ້, ພ້ອມນີ້ກໍຈະຂະຫຍາຍ ເຂດບໍລິການໃນຕົວເມືອງ ແລະ ຕ່າງແຂວງເພີ່ມຂຶ້ນ ເພື່ອຮອງ
ຮັບການຈໍາຫນ່າຍ ແລະ ບໍລິການຫລັງການຂາຍລົດ ອີຊູຊຸ ໄດ້ກວ້າງຂວາງກວ່າເກົ່າ.
