ຈັນທະຈອນ ທິໂນລາດ ຍ້າຍຮ່ວມ ສະໂມສອນ ຣະຍອງ ເອັຟຊີ ໄທລີກ 2
ຈັນທອນ ທິໂນລາດ ກອງກາງດາວຮຸ່ງ ໄວ 20 ປີ ໄດ້ບັນລຸຂໍ້ຕົກລົງເຊັນສັນຍາຮ່ວມ ສະໂມສອນ ຣະຢອງ ເອັຟຊີ ທີມໃນການແຂ່ງຂັນບານເຕະໄທລີກ 2 ປະຈຳປີ 2019 ດ້ວຍສັນຍາ 1 ປີ.
ສຳລັບປະຫວັດ ຈັນທະຈອນ ທີໂນລາດ (ກູ່ຕົງ) ເກີດໃນວັນທີ 5 ກຸມພາ 1999 ຢູ່ທີ່ບ້ານທ່າຫລວງ ເມືອງປາກເຊ ແຂວງຈຳປາສັກ ເຄີຍຫລິ້ນໃຫ້ກັບຫລາຍສະໂມສອນ ປະກອບມີ: ປີ 2015 ຫລິ້ນໃຫ້ກັບສະໂມສອນ ໄອດີຊີ ຈຳປາສັກ ຢູໄນເຕັດ, ປີ 2016 ຫລິ້ນໃຫ້ກັບສະໂມສອນ ຊີເອັສຊີ ຈໍາປາ ເອັຟຊີ, ປີ 2017 ຫລິ້ນໃຫ້ກັບສະໂມສອນ ປກສ ເອັຟຊີ, ປີ 2017 ຫລິ້ນໃຫ້ກັບສະໂມສອນ ດີເຄ ເອັຟຊີ ເຂົ້າຮ່ວມແຂ່ງຂັນ ຢູ່ ສປ ຈີນ, ປີ 2018 ຫລິ້ນໃຫ້ກັບສະໂມສອນ ປກສ ເອັຟຊີ.
ສ່ວນຜົນງານລະດັບທີມຊາດ ແມ່ນຫລິ້ນໃຫ້ ທີມຊາດລາວ ຮຸ່ນອາຍຸ 18 ປີ ແຂ່ງຂັນ AFF U18 CHAMPIONSHIP 2017 ຢູ່ທີ່ປະເທດມຽນມາ ແລະ ທີມຊາດລາວ ຮຸ່ນອາຍຸ 19 ປີ ແຂ່ງຂັນ AFF U18 CHAMPIONSHIP 2019 ຢູ່ທີ່ປະເທດອິນໂດເນເຊຍ.
ທັງນີ້ ຈັນທະຈອນ ທີໂນລາດ ກາຍເປັນນັກເຕະແຂວງຈຳປາສັກຄົນທີສອງທີ່ໄດ້ລົງຫລິ້ນໃຫ້ລີກຕ່າງແດນ ເຊິ່ງກ່ອນຫນ້ານັ້ນມີ ສຸກອາພອນ ວົງຈຽງຄຳ ເຊິ່ງເປັນຄົນຈຳປາສັກ. ສຳລັບ ຈັນທະຈອນ ທີໂນລາດ ຈະເປັນໂກຕ້າອາຊຽນຂອງສະໂມສອນ ຣະຢອງ ເອັຟຊີ ທີ່ຈະສົ່ງຊື່ເຂົ້າຮ່ວມການແຂ່ງຂັນບານເຕະໄທລີກ 2 ຂອງປະເທດໄທ. ມາຮອດປີ 2019 ມີນັກເຕະຈາກລາວເຊັນສັນຍາເປັນທາງການທີ່ຫລິ້ນຢູ່ລີກປະເທດໄທມີ 7 ຄົນ ປະກອບມີ: ສຸກອາພອນ ວົງຈຽງຄຳ (ໄຊນາດ ເອັຟຊີ ໄທລີກ 1), ຈັນທະຈອນ ທີໂນລາດ (ຣະຢອງ ເອັຟຊີ ໄທລີກ 2), ພຸດທະໄຊ ໂຄຈະເລີນ (ນະຄອນປະຖົມ ເອັຟຊີ ໄທລີກ 3), ແສງວິໄລ ຈັນທະສິລິ (ພິດສະນຸໂລກ ເອັຟຊີ 2015 ໄທລີກ 4), ທົດນີລາດ ສີບຸນເຮືອງ (ພັດທະລຸງ ເອັຟຊີ ໄທລີກ 4), ມິດສະດາ ສາຍໃຕ້ຟ້າ (ປັດຕານີ ເອັຟຊີ ໄທລີກ 4) ແລະ ພັດທະນາ ພົມມະເທດ (ອະຄາເດມີ ຊົນບູຣີ ເອັຟຊີ).
