ປີນີ້ ທລຍ ຈະໃຊ້ງົບ 9 ຕື້ກວ່າກີບ ເພື່ອປະຕິບັດໂຄງການຢູ່ 3 ເມືອງຂອງແຂວງຜົ້ງສາລີ

ກອງທຶນຫລຸດຜ່ອນຄວາມທຸກຍາກກຳລັງຈັດຕັ້ງ ປະຕິບັດ 44 ໂຄງການຍ່ອຍມູນຄ່າ 9 ຕື້ກວ່າກີບຢູ່ 3 ເມືອງ ເປົ້າ   ໝາຍຂອງ ແຂວງຜົ້ງສາລີຄື: ເມືອງຂວາ, ເມືອງ ສຳພັນ ແລະ ເມືອງໃໝ່ ປະຈໍາຮອບວຽນທີ 16 ປີ 2019 ກວມເອົາ 4 ຂະແໜງການຄື: ສຶກສາທິການ 25 ໂຄງການ, ກະສິກຳ 8 ໂຄງການ, ສາທາ ລະນະສຸກ 7 ໂຄງການ, ໂຍທາທິການ  ແລະ ຂົນສົ່ງ 4 ໂຄງການຢູ່ 172 ບ້ານຂອງ ບັນດາ ເມືອງດັ່ງກ່າວ.

ທ່ານ ຖາວອນ ໄຊຍະບຸດ ຫົວໜ້າກອງທຶນຫລຸດຜ່ອນ ຄວາມທຸກຍາກ ແຂວງຜົ້ງສາລີ ໃຫ້ຮູ້ວ່າ: ໜ້າວຽກ ດັ່ງກ່າວໃນຮອບວຽນນີ້,  ແມ່ນເພີ່ມຂຶ້ນ 22 ໂຄງການ ເມື່ອທຽບໃສ່ຮອບວຽນທີ  15 ຜ່ານມາ, ໂດຍໄດ້ນຳໃຊ້ ງົບປະມານເຫລືອຈາກການ ປະມູນໂຄງການຢູ່ ແຂວງ ຜົ້ງສາລີໃນຮອບວຽນທີ 14 ແລະ 15 ຜ່ານມາ 1 ຕື້ ກວ່າກີບ.

ປັດຈຸບັນ, ຫລາຍໂຄງ ການພວມຢູ່ໃນຂັ້ນຕອນ ຈັດຊື້ຈັດຈ້າງອຸປະກອນສຳ ລັບການກໍ່ສ້າງ ແລະ ມີບາງ ໂຄງການພວມຢູ່ໃນຂັ້ນ ຕອນເລີ່ມຈັດຕັ້ງປະຕິບັດ ໂດຍຈະພະຍາຍາມໃຫ້ສໍາ ເລັດ ໃນປີນີ້ເພື່ອປະກອບສ່ວນປັບປຸງຊີວິດການເປັນ ຢູ່ຂອງປະຊາຊົນໃນກຸ່ມບ້ານ ເປົ້າໝາຍຂອງ ໂຄງການ ດີຂຶ້ນ ແລະ ສາມາດຫລຸດພົ້ນ ອອກຈາກຄວາມທຸກຍາກ ໄດ້ໂດຍໄວ.

   ສໍາລັບຮອບວຽນທີ  15 ປີ 2018 ຜ່ານມາ, ທລຍ ໄດ້ຈັດຕັ້ງປະຕິບັດໂຄງການ ຍ່ອຍຢູ່ 3 ເມືອງເປົ້າໝາຍ ຂອງ ແຂວງຜົ້ງສາລີຄື:  ເມືອງຂວາ, ເມືອງສໍາພັນ ແລະ ເມືອງໃໝ່ມີທັງໝົດ  22 ໂຄງການຕົກເປັນມູນຄ່າ 7 ຕື້ກວ່າກີບກວມເອົາ 4  ຂະແໜງຄື: ສຶກສາທິການ,  ໂຍທາທິການ ແລະ ຂົນສົ່ງ, ຂະແໜງລະ 9 ໂຄງການ,    ສາທາລະນະສຸກ, ກະສິກຳ  ແລະ ປ່າໄມ້ຂະແໜງລະ 2 ໂຄງການ. ມາຮອດປັດຈຸບັນ ໄດ້ຈັດຕັ້ງປະຕິບັດສໍາເລັດ ແລະ ໄດ້ເປີດນຳໃຊ້ຢ່າງມີປະສິດທິຜົນ./.