ເຊີນຊວນຮ່ວມກິດຈະກຳຮັບບໍລິຈາກເລືອດ

ສູນເລືອດແຫ່ງຊາດ- ອົງການກາແດງລາວ ຮ່ວມ ກັບສະຖານີວິທະຍຸກະຈາຍ ສຽງນະຄອນຫລວງວຽງຈັນ ເຊີນຊວນໃຫ້ມວນ ຊົນທັງ ຫລາຍເຂົ້າຮ່ວມກິດຈະກໍາບໍລິຈາກເລືອດ ເພື່ອຂໍ່ານັບຮັບຕ້ອນວັນສ້າງຕັ້ງກອງທັບ ປະຊາຊົນລາວ ຄົບຮອບ  70 ປີ, ເຊິ່ງກິດຈະກຳດັ່ງກ່າວຈະໄດ້ຈັດຂຶ້ນໃນວັນທີ 16 ມັງກອນນີ້ ທີ່ສະຖານີວິທະຍຸ- ໂທລະພາບນະຄອນ ຫລວງວຽງຈັນ, ພາຍໃຕ້ ຫົວຂໍ້    “70 ປີ ມີໄຊ ໃຫ້ເລືອດໃຫ້ຊີວິດ”,  ເລີ່ມແຕ່ເວລາ 9:00-13:30ໂມງ.

ສຳລັບທ່ານໃດທີ່ມີສຸຂະ ພາບແຂງແຮງ ແລະ ຢາກ ເປັນສ່ວນໜຶ່ງໃນການແບ່ງ ປັນສ້າງບຸນກຸສົນໃນຄັ້ງນີ້ ສາມາດເຂົ້າຮ່ວມບໍລິຈາກ ໄດ້ຕາມວັນ ແລະ ເວລາທີ່ ລະບຸໄວ້ ພ້ອມທັງເປັນການ ບໍລິຈາກເລືອດເພື່ອຊ່ວຍຊີ ວິດຂອງຫລາຍໆຄົນທີ່ກຳ ລັງຕ້ອງການ. ນອກຈາກນີ້, ການບໍລິຈາກເລືອດຍັງ ສົ່ງຜົນດີໃຫ້ກັບຮ່າງກາຍ ຂອງຄົນເຮົາຄື: ຊ່ວຍກະຕຸ້ນ ຜະລິດເມັດເລືອດໃໝ່, ລົດ ຄວາມສ່ຽງຈາກພະຍາດ ຕ່າງໆ, ຊ່ວຍເຮັດໃຫ້ຮ່າງການແຂງແຮງ, ຜິວດີ ໜ້າໃສ ແລະ ຍັງໄດ້ກວດສຸຂະພາບ ອີກດ້ວຍ./.