ບໍ່ແກ້ວ ຢືດສັດປ່າ ແລະ ເຄື່ອງປ່າຂອງດົນເປັນຈຳນວນຫລາຍ

ເມື່ອບໍ່ດົນມານີ້, ເຈົ້າ ໜ້າທີ່ກວດກາປ່າໄມ້ ແຂວງ ບໍ່ແກ້ວ  ແລະ ອົງການກອງ ທຶນອະນຸລັກທຳມະຊາດ ໂລກປະຈຳລາວ ໄດ້ລົງກວດກາການລັກລອບຊື້- ຂາຍສັດປ່າ ແລະ ເຄື່ອງປ່າຂອງດົງ ຢູ່ເຂດດ່ານຖິ່ນ ເມືອງຫ້ວຍຊາຍ, ເມືອງຕົ້ນເຜິ້ງ ແລະ ເຂດເສດຖະກິດພິເສດສາມຫລ່ຽມຄຳ  ແຂວງ ບໍ່ແກ້ວ, ເຊິ່ງສາມາດຢຶດສັດປ່າ, ຊີ້ນສ່ວນສັດປ່າໄດ້ເກືອບ 87 ກິໂລກຣາມ ແລະ ເຄື່ອງປ່າຂອງດົງ 1.850 ກິໂລກຣາມ. ໃນຂະນະກໍາລັງຂົນສົ່ງອອກໄປ ຍັງປະເທດເພື່ອນບ້ານ ແລະ ໄດ້ດໍາເນີນຄະດີຕໍ່ຜູ້ກະທຳ ຜິດຕາມລະບຽບກົດໝາຍ.

ຂອງກາງທີ່ຍຶດໄດ້ລວມມີໜັງຊ້າງ, ເຂົາກວາງ, ຟານ, ນໍແຮດ, ແຂ້ວສັດປ່າ, ເຫລົ້າ ດອງກະດູກ, ດອງສິ້ນສ່ວນ ສັດປ່າອື່ນໆ, ສ່ວນລິ່ນເຄື່ອງ ປ່າຂອງດົງມີສະຄານ, ຫວາຍ ຂົມ, ຫວາຍນົກຂໍ, ຫວາຍຝາດ ແລະ ຫົວຕາວ. ເພີ່ມທະວີ ຄວາມເຂັ້ມງວດ ໃນການຄຸ້ມຄອງສັດປ່າ ແລະ ເຄື່ອງປ່າ ຂອງດົງ ປະເພດຫວງຫ້າມ ທັງເປັນການອະນຸລັກຮັກສາທໍາມະຊາດໃຫ້ຍືນຍົງຄົງ ຕົວຢູ່ຕະຫລອດໄປ./.