ລາວ-UNFP ຫາລືວຽກງານ ດ້ານເພດສຶກສາໃນລາວ

ໃນວັນທີ 27 ທັນວາຜ່ານມານີ້, ທ່ານ ນາງ ແສງເດືອນ ຫຼ້າຈັນ ທະບູນ ລັດຖະມົນຕີກະຊວງ ສຶກສາທິການ ແລະ ກິລາ ໄດ້ຕ້ອນຮັບການເຂົ້າພົບປະ ຂອງທ່ານ ນາງ ມາຣຽມ ອາຮ້າ ຄັນ ຫົວໜ້າອົງການ ສະຫະປະຊາຊາດກອງທຶນສໍາລັບປະຊາກອນ (UNFP) ປະຈໍາລາວ ຄົນໃໝ່ ເພື່ອ ປຶກສາຫາລືກ່ຽວກັບວຽກ ງານດ້ານເພດສຶກສາ ໂດຍ ສະເພາະແມ່ນການແກ້ໄຂບັນຫາຂອງເດັກຍິງ, ໃນປີ 2019 ມີແຜນຈະຮ່ວມມືກັບ ກະຊວງສຶກສາທິການ ແລະ ກິລາຈັດຕັ້ງປະຕິບັດວຽກ ງານເພດສຶກສາຢູ່ແຂວງ ບໍ່ແກ້ວ, ເຊິ່ງເປັນແຂວງເປົ້າ ໝາຍ ແລະ ນະໂຍບາຍຈັດຕັ້ງປະຕິບັດແຜນງານໄວໜຸ່ມ ແລະ ສືບຕໍ່ວຽກງານ ຂອງນາງນ້ອຍ ໂດຍການ ຮ່ວມມືກັບ ຄູ່ຮ່ວມພັດທະນາ ເພື່ອເນັ້ນໃຫ້ເຂົ້າເຖິງກຸ່ມເປົ້າໝາຍໃນທ້ອງຖິ່ນຕ່າງໆ.

ໃນໂອກາດນີ້, ທ່ານ ນາງ ແສງເດືອນ ຫຼ້າຈັນ ທະບູນ ໄດ້ກ່າວສະແດງ ຄວາມຍິນດີ ແລະ ຊື່ນຊົມຕໍ່ ແຜນການຮ່ວມມືຂອງທັງ 2 ຝ່າຍ ໂດຍສະເພາະແມ່ນ ດ້ານເພດສຶກສາໃນຫຼາຍ ແຂວງເປົ້າໝາຍໃຫ້ມີຜົນ ສໍາເລັດ.