ຫລາຍເມືອງແຂວງບໍ່ແກ້ວເກັບກ່ຽວເຂົ້ານາແຊງສຳເລັດແລ້ວເປັນສ່ວນໃຫຍ່

ແຫລ່ງຂ່າວແຂວງບໍ່ແກ້ວລາຍງານວ່າ: ມາຮອດປັດຈຸບັນຂະບວນການເກັບກ່ຽວມ້ຽນມັດເຂົ້ານາແຊງ ຂອງບັນດາເມືອງ ຕ່າງໆສຳເລັດແລ້ວເປັນສ່ວນ ໃຫຍ່ຄື: ເມືອງພາອຸດົມສຳເລັດ ແລ້ວປະມານ 70% ຂອງເນື້ອ ທີ່ເກັບກ່ຽວທັງໝົດ 1.100 ກວ່າເຮັກຕາ, ຄາດວ່າສະມັດຕະພາບການຜະລິດຈະບັນລຸໄດ້ປະມານ 4,6 ໂຕນຕໍ່ເຮັກຕາ ແລະ ທຽບໃສ່ປີຜ່ານມາເຫັນວ່າຂະບວນປູກເຂົ້ານາແຊງຢູ່ເມືອງດ່ັງກ່າວຂະຫຍາຍຕົວເພີ່ມຂຶ້ນ ຫລາຍກວ່າ 200 ເຮັກຕາ. ທັງນີ້ກໍຍ້ອນການຕອບສະໜອງຂອງລະບົບນ້ຳຊົນລະປະທານມີພຽງພໍບວກກັບຄວາມຂະຫຍາຍຂອງຂະແໜງກະສິກຳໃນການປຸກລະດົມກະ ຕຸກຊຸກຍູ້ໃຫ້ປະຊາຊົນຫັນມາປູກເຂົ້ານາແຊງເປັນຂະບວນຟົດຟື້ນກວ່າເກົ່າ.

ສ່ວນການປູກພືດລະດູ ແລ້ງຂອງປະຊາຊົນເມືອງດັ່ງກ່າວກໍເປັນຂະບວນດີຂຶ້ນ, ໂດຍສະເພາະການປູກພືດຕະກຸນ ຖົ່ວ ແລະ ສາລີເພື່ອຜະລິດຫົວອາຫານສັດ.

ຜູ້ຊີ້ນຳວຽກງານປູກຝັງ ເມືອງໃຫ້ຮູ້ວ່າ: ສຳລັບການປູກເຂົ້າລະດູຝົນປີນີ້ເມືອງພາອຸດົມຈະໃຫ້ບັນລຸໄດ້ຫລາຍກວ່າ 2.400 ເຮັກຕາ.

ສຳລັບຢູ່ເມືອງປາກທາມາຮອດປັດຈຸບັນກໍສາມາດເກັບກ່ຽວມຽນມັດເຂົ້ານາແຊງຂອງຕົນແລ້ວປະມານ 50% ຂອງເນື້ອທີ່ເກັບກ່ຽວທັງໝົດ 150ກວ່າເຮັກຕາ ແລະ ຄາດວ່າຈະໃຫ້ສຳເລັດໃນຕົ້ນເດືອນ ມີຖຸນາ ນີ້ດ້ວຍສະມັດຕະພາບ 3 ໂຕນຕໍ່ເຮັກຕາ.