ໂຄງການກໍ່ສ້າງຫ້າງຊັບພະສິນຄ້າ ແຂວງເຊກອງຈະສຳເລັດໃນປີ 2019

ໂຄງການກໍ່ສ້າງຫ້າງຊັບພະສິນຄ້າ ຢູ່ບ້ານວັດ ຫຼວງ ເມືອງລະມາມ ແຂວງ ເຊກອງ ໂດຍແມ່ນ ບໍລິສັດ ສອນກໍ່ສ້າງ ແລະ ສ້ອມແປງ ເຄຫາສະຖານ ຈຳກັດຜູ້ ດຽວ ແລະ ບໍລິສັດ ສຸດຊະ ນະສຳຫຼວດ-ອອກແບບ ເຄ ຫາສະຖານ ຈຳກັດຜູ້ດຽວ ເປັນທີ່ປຶກສາລວມມູນຄ່າ ທັງໝົດ 93,5 ຕື້ກວ່າກີບມາ ຮອດປັດຈຸບັນໄດ້ຄວາມຄືບ ໜ້າແລ້ວ 88%, ເຊິ່ງຄາດ ວ່າຊ້າສຸດຈະສຳເລັດໃນທ້າຍປີ 2019.

ໃນທ້າຍອາທິດ ຜ່ານມາ, ທ່ານ ສົມດີ ດວງດີ ຮອງ ນາຍົກລັດຖະມົນຕີລັດຖະມົນຕີ, ລັດຖະມົນຕີກະຊວງ ການເງິນ, ພ້ອມຄະນະໄດ້ລົງຊຸກຍູ້   ແລະ ຕິດຕາມການ ຈັດຕັ້ງປະຕິບັດແຜນງົບ ປະມານປະຈໍາປີ 2018 ແລະ ທິດທາງແຜນການ ປະຈໍາປີ 2019 ຢູ່ ແຂວງ ເຊກອງ ແລະ ໄດ້ ຢ້ຽມຢາມ ໂຄງການກໍ່ສ້າງຕຶກອາ ຄານ ດັ່ງກ່າວໂດຍການຕ້ອນຮັບ ຂອງທ່ານ ເຫຼັກໄຫຼ ສີວິໄລ ຮອງເຈົ້າ ແຂວງ ເຊກອງ.

 ໃນໂອກາດນີ້, ທ່ານ ຮອງນາຍົກລັດຖະມົນຕີ ກໍ ໄດ້ຮັບຟັງລາຍງານຄວາມ ຄືບໜ້າໂຄງການກໍ່ສ້າງຫ້າງຊັບພະສິນຄ້າ ດັ່ງກ່າວ ເປັນອາຄານ 4 ຊັ້ນ ຂະໜາດ ອາຄານ 36×57,6 ແມັດ,  ມີ 127 ຫ້ອງ, ຂະໜາດ 12-25 ແມັດຂຶ້ນໄປ, ເຊິ່ງ ແຕ່ລະຊັ້ນແຕກຕ່າງກັນໄປ ເຊັ່ນ: ຊັ້ນທີ 1 ມີ 35 ຫ້ອງ ເປັນປະເພດຫ້ອງ ໂຖງອາ ເນກປະສົງ, ຮ້ານຄ້າ, ໜ່ວຍ ບໍລິການທະນາຄານ, ຊັ້ນທີ 2 ມີ 57 ຫ້ອງ ສ່ວນໃຫຍ່ ເປັນປະເພດຂາຍເຄື່ອງຍ່ອຍ ທົ່ວໄປ, ຊັ້ນທີ 3 ມີ 30 ຫ້ອງ ໃນນັ້ນມີຫ້ອງປະຊຸມ 1 ຫ້ອງ ສາມາດຮອງ ຮັບໄດ້ຫຼາຍ ກວ່າ 300 ຄົນ, ເປັນຫ້ອງ ຂາຍເຄື່ອງຍີ່ຫຍໍ້ຕ່າງໆ (ແບນເນມ) ຫ້ອງຂາຍວັດຖຸມີຄ່າ, ຊັ້ນທີ 4 ມີ 5 ຫ້ອງ ມີຮ້ານອາຫານ, ຊຸບເປີມາ ເກັດ, ບ່ອນຫຼີ້ນສຳລັບເດັກ, ຫ້ອງການບໍລິການຕະຫຼາດອື່ນໆອີກ./.