ລາວ-ຈີນ ຜົນການຮ່ວມມືຍຸດທະສາດຮອບດ້ານ

ໂດຍ: ທິດກຳ່

ຖ້າພວກເຮົາຫາກພາກັນຄິດ ແລະ ຕິດຕາມຂ່າວ ຄາວ ແຕ່ລະໄລຍະປະຫວັດສາດ ແມ່ນຈະເຫັນໄດ້ວ່າການພົວພັນຮ່ວມມື ແລະ ຊ່ວຍເຫລືອລະຫວ່າງສອງພັກ, ສອງລັດຖະບານລາວ- ຈີນ ນັບມື້ກ້າວໄປໄກຢ່າງບໍ່ ຢຸດຢັ້ງ.

ການໝາຍໝັ້ນຈັບມືກັນ ໃນຖານະປະເທດສັງຄົມນິຍົມ ຫລື ກອມມູນິດດ້ວຍກັນນັ້ນ ເປັນສິ່ງທີ່ຈຳເປັນຕ້ອງ ໄດ້ເຮັດ ເຊິ່ງມັນບໍ່ຕ່າງຫຍັງກັບຄຳສຸພາສິດທີ່ວ່າ “ຮ່ວມກັນເຮົາຢູ່ແຍກໝູ່ເຮົາຕາຍ”.

ນັບແຕ່ໄດ້ຕົກລົງຈັບມືຖືແຂນກັນເປັນເພື່ອນຮ່ວມ ມືຍຸດທະສາດຮອບດ້ານຜົນ ປະກົດອອກມາກໍໄດ້ເຫັນ ຢ່າງຈະແຈ້ງ ແລະ ເປັນຮູບປະທຳຄື: ໂຄງການດາວທຽມ ສື່ສານຍິງຂຶ້ນສູ່ໂລກ (ລາວ ແຊັດ-1 ຫລື Laosat-1) ໃນປີ 2015 ໂອກາດວັນຊາດ ຂອງລາວຄົບຮອບ 40 ປີ.

ສ່ວນໂຄງການໃຫຍ່ອັນທີສອງທີ່ພວມດຳເນີນຢູ່ກໍ ແມ່ນການສ້າງທາງລົດໄຟ ຄວາມໄວສູງ ລາວ-ຈີນ ຄາດວ່າປີ 2021 ຫລື 2022 ກໍຈະສຳເລັດ ແລະ ຈະໄດ້ຮັບໃຊ້ຕາມຈຸດປະສົງເປົ້າໝາຍ.

ເວົ້າເຖິງການຮ່ວມມືຊ່ວຍເຫລືອລະຫວ່າງລາວ- ຈີນນັ້ນ, ຖ້າຈະໃຫ້ຄິດໄລ່ກິໆກີໆມາຕັ້ງແຕ່ສະໄໝເຮັດການປະຕິວັດຕໍ່ສູ້ກູ້ຊາດ, ຈີນກໍໄດ້ຊ່ວຍເຫລືອໃນ ຫລາຍດ້ານຈົນບໍ່ສາມາດຄິດໄລ່ມູນຄ່າລາຄາເປັນຕົວ ເລກຕົວຜາມາຢັ້ງຢືນໄດ້.

ການຊ່ວຍເຫລືອກັນໃນຍຸກສົງຄາມຕ້ານຈັກກະພັດ ມາຮຸກຮານສະໄໝນັ້ນມັນ ກໍແຕກຕ່າງກັນກັບຍຸກພັດ ທະນາຄືດຽວນີ້; ເພາະວ່າຍຸກ ນັ້ນເປັນຍຸກຈັກກະພັດຕາມ ລ່າປະຫັດປະຫານກັນອັນ ທີ່ເອີ້ນວ່າປາບກອມມູນິດ, ຂະບວນການກອມມູນິດ  ແລະ ຕ້ານບັນດາປະເທດສັງ ຄົມນິຍົມຈົນເຖິງຂັ້ນແບ່ງຂັ້ນແບ່ງຂົ້ວ ແລະ ຂົນເອົາ ລະເບີດໄປຖິ້ມໃສ່ເຂດທີ່ ໝັ້ນການປະຕິວັດຫວັງທຳ ລາຍ ແລະ ດັບສູນໃຫ້ກ້ຽງ, ຈົນມາຮອດປັດຈຸບັນລາວ- ຈີນ ກໍຍັງເປັນປະເທດສັງຄົມນິຍົມ ຫລື ວ່າກອມມູນິດ ຢ່າງຢືນຍົງຄົງກະພັນ.

ສຳລັບການຊ່ວຍເຫລືອ ໃນຍຸກນີ້ ກໍຍິ່ງຈະຕ້ອງໄດ້  ກົມກຽວຮັດແໜ້ນປານເຜິ້ງ ປ່ຽງດຽວຍ້ອນວ່າເປັນຍຸກ ເສດຖະກິດ, ຖ້າຜູ້ໃດເກັ່ງຜູ້ ນັ້ນກໍຊະນະ ແລະ ໄດ້ປຽບ ເພາະເປັນຍຸກໂລກາພິວັດ.

ການຕໍ່ສູ້ລະຫວ່າງສອງແນວຄິດ, ສອງອຸດົມການ  ມັນຍັງຄົງມີຢູ່ ແລະ ຜັນແປ ໄປຢ່າງສັບສົນຈົນຄາດ    ການບໍ່ໄດ້ລ່ວງໜ້າ, ຍຸກນີ້  ເຂົາເຮັດເສີກກັນດ້ວຍຫລາຍ ແງ່ມູນຫລາຍຮູບແບບ ແລະ ຫລາຍປັດໄຈ, ເສີກສະໄໝ ກ່ອນປືນລູກດຽວຂ້າ ກັນ ໄດ້ຜູ້ດຽວ, ແຕ່ດຽວນີ້ປືນ ລູກດຽວຂ້າກັນເປັນຫ້າເປັນສິບຫລືເປັນໝື່ນເປັນ ແສນ, ເຈົ້າບໍ່ຢ້ານຂ້ອຍກໍບໍ່ ຢ້ານ, ເຈົ້າເກັ່ງຂ້ອຍກໍເກັ່ງບໍ່  ມີໃຜຍອມໃຜ.

ເພາະສະນັ້ນ, ອະນາຄົດ ຖ້າເຮົາບໍ່ຢູ່ຮ່ວມກັນ, ຊ່ວຍເຫລືອກັນເປັນກຸ່ມເປັນກ້ອນ ແລະ ທັງບໍ່ຜະລິດ, ບໍ່ພັດທະນາ ກໍມີຫວັງຖືກລູກຫລົງ ຫລື ຕົກທ່າຮັບ ແລະ ລົງຄ້ອຍເໝືອນ ດັ່ງທີ່ເຫັນໃນແຫລ່ງຂ່າວ ແລະ ບົດຮຽນຂອງບາງ ປະເທດທີ່ພວມປະສົບບັນຫາຢູ່ໃນແຖບອາຟຣິກາ ຫລື ອາເມລິກາລາຕິນ.

ພາຍໃຕ້ແນວຄວາມຄິດ ແລະ ອຸດົມການຂອງປະທານ ສີ ຈິ້ນຜິງ ກໍຄືຂອງພັກ ແລະ ລັດຖະບານກອມມູນິດຈີນ ໜຶ່ງແລວທາງໜຶ່ງເສັ້ນທາງ ແລະ ພາຍໃຕ້ວິໄສທັດ ແລະ ອຸດົມການຂອງພັກ ປະຊາຊົນປະຕິວັດລາວ ແລະ ລັດຖະບານລາວທີ່ບໍ່ມີທາງ ອອກສູ່ທະເລຫັນຈາກລາວ ລິ້ງສູ່ລາວໂຣດມັນປຽບ ເໝືອນພະຍາມັງກອນກັບ ພະຍານາກກ້ຽວຝັນກັນ ເພື່ອເຮັດໃຫ້ລາວກັບຈີນກ້າວສູ່ຍຸກໃໝ່ ແລະ ທັນສະໄໝ ໄປຕາມຄວາມຫວັງຂອງ ປະຊາຊົນສອງປະເທດ.

ການຮ່ວມມືສ້າງທາງ ລົດໄຟຄວາມໄວສູງລາວ- ຈີນ ແມ່ນຈະເຮັດໃຫ້ປະເທດ ລາວໄດ້ຮັບຜົນປະໂຫຍດ ຢ່າງມະຫາສານໃນອະນາ ຄົດນັບແຕ່ການລົງທຶນ, ການຄົມມະນາຄົມຂົນສົ່ງ, ການຄ້າ, ການທ່ອງທ່ຽວ ແລະ ອື່ນໆ ສາລະພັດຢ່າງ, ຊ້ຳບໍ່ໜຳປະເທດລາວເຮົາ ເປັນປະເທດທີ່ຕັ້ງຢູ່ຈຸດຍຸດ ທະສາດໃຈກາງຂອງບັນດາປະເທດອາຊຽນ ແລະ ພາກພື້ນ.

ສະນັ້ນ, ຕໍ່ຄຳເວົ້າວ່າ ກ່າວ ຫາໂຈມຕີ, ສຽດສີຂອງພວກປາກປາແດກທີ່ເວົ້າວ່າລາວຕົກໂງ່ໃຫ້ຈີນນັ້ນມັນ ບໍ່ເປັນຄວາມຈິງຈັກຢ່າງ  ແລະ ມັນເປັນຄຳເວົ້າຂອງພວກທີ່ຢ້ານລື່ນຢ້ານເຫລືອ ກັນເທົ່ານັ້ນ.

ໃນອະນາຄົດຈັກວ່າ ໃຜ ໂງ່ ຫລື ສະຫລາດ ໃຫ້ຄອຍ ເບິ່ງໄປຕາມຕຳນານ ເພາະ ທ້າວ ລິ້ນກ່ານຝາຕີນແດງ, ແຂນສັ້ນຍາວ ຖືໄມ້ຄ້ອນຕະ ບອງເພັດ ກົກຊີ້ຕາຍປາຍ ຊີ້ເປັນໄດ້ອອກມາແຕ່ຖ້ຳພູ ຂຸນແລ້ວ./.