ເລື່ອງຄວາມລັບຂອງຜູ້ຊາຍໃນທາງຈິດຕະວິທະຍາ
ບໍ່ວ່າແຟນ ຫລື ຄູ່ຮັກຂອງທ່ານຈະເປັນຄົນເປີດເຜີຍຊໍ່າໃດ, ແຕ່ທ່ານຮູ້ຫລືບໍ່ວ່າແນວໃດເຂົາກໍມີເລື່ອງທີ່ຕ້ອງເກັບໄວ້ເປັນຄວາມລັບແດ່ ຈົນກ່ວາຈະເຖິງເວລາຮ່ວມຮຽງຄຽງໝອນນຳກັນ ຖ້າເຂົາໃຫ້ແຟນຮູ້ເມື່ອໃດ ອາດຈະເປັນເລື່ອງຂຶ້ນໄດ້ແນ່ນອນ.
– ຈຳນວນແມ່ຍິງທີ່ເຄີຍຄົບ : ຈະບອກໃຫ້ແຟນດັ່ງທ່ານຮູ້ ເພື່ອໃຫ້ຈອບແຕ່ຍົກມາເປັນຫົວຂໍ້ຜິດຖຽງກັນຢູ່ຕະຫລອດເວລາເຮັດຫຍັງ.
– ລາຍຮັບໃນແຕ່ລະເດືອນ : ເຖິງວ່າທ່ານທັງສອງຈະແຕ່ງດອງກັນແລ້ວ ແລະ ຮັບຮູ້ດ້ານການເງິນຂອງກັນ ແລະ ກັນແລ້ວ ແຕ່ກ່ອນໜ້າທີ່ຈະແຕ່ງດອງນັ້ນ ໂດຍສະເພາະໃນໄລຍະເວລາເລີ່ມຕົ້ນລົມກັນໃໝ່ໆ ບໍ່ມີມື້ໃດດອກທີ່ເຂົາຈະຍອມເປີດເຜີຍໃຫ້ທ່ານຮູ້, ເຫດຜົນງ່າຍໆກໍພຽງແຕ່ບໍ່ຢາກໃຫ້ແຟນດັ່ງທ່ານຄາດຫວັງຂອງຂັວນໃນມື້ພິເສດທີ່ມີລາຄາແພງເກີນໄປ ແລະ ເມື່ອບໍ່ໄດ້ກໍຈະເປັນເລື່ອງຂຶ້ນ.
– ຄວາມອ່ອນແອ : ບໍ່ມີທາງທີ່ຜູ້ຊາຍຈະຍອມໃຫ້ທ່ານເຫັນນຳ້ຕາ ຈົນກະທັ້ງຄົບກັນຈິງຈັງ ຫລື ຫລັງແຕ່ງດອງ ເພາະຢ່າງໜ້ອຍລະຫ່ວາງຄົບຫາກັນຢູ່ເຂົາກໍບໍ່ມີທາງໃຫ້ທ່ານຢອກລໍ້ວ່າເຂົາເປັນຄົນອ່ອນແອແນ່ນອນ.
– ມີຄວາມມັກສ່ວນໂຕ : ໂດຍສະເພາະຄວາມມັກແປກໆ ເຊິ່ງຜູ້ຊາຍແຕ່ລະຄົນມັກຈະມີລົດສະນິຍົມບໍ່ຄືກັນ, ແຕ່ຍາກຫລາຍທີ່ເຂົາຈະບອກໃຫ້ແມ່ຍິງທີ່ຫາກໍຄົບຫາກັນຮູ້ວ່າເຂົາມັກສະສົມອຸປະກອນປຸງແຕ່ງອາຫານໃນເຮືອນຄົວ ຫລື ແມ່ນແຕ່ອຸປະກອນທາງເພດ.
– ຢ້ານການປ່ຽນແປງໂຕເອງ: ຄວາມຢ້ານອີກຢ່າງໜຶ່ງຂອງຜູ້ຊາຍກໍແມ່ນຄົນຮັກຂອງຕົນເອງບໍ່ໄດ້ຮັກຄວາມເປັນໂຕຕົນຂອງເຂົາ ທ່ານພະຍາຍາມບອກເຂົາວ່າເຂົາເຈົ້າຊູ້ຫລາຍໃນຊຸດສູດນີ້ ແຕ່ເຂົາຊຳ້ພັດບໍ່ຄິດແນວນັ້ນ ຖ້າທ່ານເລີ່ມໃຫ້ຄຳແນະນຳເຂົາກ່ຽວກັບການແຕ່ງໂຕ ຫລື ນິໄສບາງຢ່າງ ເຂົາຈະເລີ່ມສົງໄສໃນໂຕທ່ານ ແລ້ວເລີ່ມຕັ້ງຄຳຖາມວ່າເປັນຫຍັງມາຄົບກັບເຂົາແຕ່ທຳອິດເຮັດຫຍັງ ຫລື ເຂົາຕ້ອງແກ້ໂສ້ງຢີນທີ່ທ່ານຫລົງຮັກເຂົາໃນຕອນນັ້ນອອກເພື່ອໃຫ້ທ່ານຍັງຄົບເຂົາຕໍ່ໄປ ເຂົາຈະຄິດວ່າເປັນຫຍັງເຂົາຈຶ່ງໜ້າສົມເພດເຖິງປານນັ້ນ ທ່ານວ່າມັນຈະດີບໍ່.
– ຢ້ານຖືກປະຕິເສດ : ພາຍນອກທີ່ເບິ່ງເຂັ້ມແຂງ, ບໍ່ສົນໃຈ, ແຕ່ຄວາມຈິງແລ້ວເຂົາຢ້ານການຖືກປະຕິເສດທີ່ສຸດ ເພາະເຂົາບໍ່ ຢາກເສຍໜ້າ, ບໍ່ຢາກເຈັບປວດ. ແມ່ຍິງທີ່ເຮັດຫລິ້ນໂຕອວດອົ່ງຫລິ້ນເກມກັບເຂົາ ເຮັດໂຕເລິກລັບສັບຊ້ອນຫລາຍເກີນໄປ ຜູ້ຊາຍຈະຢ້ານ ເພາະເຂົາຮູ້ສຶກວ່າແມ່ຍິງແບບນີ້ສ່ຽງເກີນໄປ ຖ້າທ່ານກຳລັງຄິດຫລິ້ນເກມແບບນີ້ກັບເຂົາຄົງຕ້ອງທົບທວນໃໝ່ແລ້ວ ຜູ້ຊາຍສ່ວນຫລາຍຈະເລືອກຫາໂອກາດດີໆຢູ່ບ່ອນອື່ນຫລາຍກ່ວາ.
– ຊ່ວຍໂຕເອງ : ຢ່າງໜ້ອຍການທີ່ເຂົາບໍ່ເວົ້າເຖິງເລື່ອງນີ້ ແມ່ຍິງກໍຄົງຈະເຂົ້າໃຈວ່າຜູ້ຊາຍກໍຕ້ອງການເວລາສ່ວນໂຕຄືກັນ.
– ຊ່ວງເວລາທີ່ເຄີຍມີກັບແຟນເກົ່າ : ເຖິງວ່າທ່ານຈະຢາກໃຫ້ແຟນຂອງທ່ານເລົ່າເລື່ອງຄວາມຮັກກັບແຟນເກົ່າໃຫ້ຟັງວ່າມັນມີຄວາມສຸກແນວໃດ, ແຕ່ເລື່ອງນີ້ກໍເປັນເລື່ອງໜຶ່ງທີ່ຜູ້ຊາຍເຂົາບໍ່ຢາກເລົ່າໃຫ້ທ່ານຟັງເພາະເຂົາບໍ່ຢາກເຫັນທ່ານເອົາມາປຽບທຽບ ແລ້ວຫາເລື່ອງຄຽດໃຫ້ເຂົາຕະຫລອດ.
– ຊ່ວງເວລາທີ່ໜ້າອາຍ : ບໍ່ວ່າຈະເປັນປະສົບການທີ່ເຄີຍຕົດຢູ່ເທິງລົດເມປະຈຳທາງ ຫລື ທັກທາຍຄົນຜິດ ກໍບໍ່ມີທາງທີ່ຜູ້ຊາຍທີ່ທ່ານຮັກຈະຍອມບອກໃຫ້ທ່ານຮູ້ ເພາະຢ່າງໜ້ອຍເຂົາກໍບໍ່ຢາກເຫັນທ່ານຫົວຂັວນ ແລະ ເອົາມາເວົ້າຢອກລໍ້ເຂົາໄປຕະຫລອດຊີວິດຄູ່ແນ່ນອນ.
– ຄວາມຜິດບາບໃນອະດີດ : ຄົງເປັນຄວາມລັບທີ່ຜູ້ຊາຍບໍ່ຢາກເອີ່ຍປາກບອກໃຫ້ຄົນຮັກຮູ້ເປັນອັນດັບສຸດທ້າຍ ເພາະຫາກໃຫ້ ທ່ານຮູ້ເຖິງປະຫວັດທີ່ບໍ່ດີຂອງເຂົາ ທັງຍັງມີປະຫວັດຫລອກລວງແມ່ຍິງມາຫລາຍຄົນ ຮັບຮອງວ່າທ່ານກໍຄົງບໍ່ຢາກພົບໜ້າເຂົາອີກແນ່ນອນ.
