ທະນາຄານໂລກ ຈະໃຫ້ທຶນສະໜັບສະໜູນ 10 ລ້ານໂດລາສະຫະລັດ

ໃນວັນທີ 14 ທັນວານີ້, ກອງທຶນຫຼຸດຜ່ອນຄວາມ ທຸກຍາກ (ທລຍ) ໄດ້ຈັດ ກອງປະຊຸມປຶກສາຫາລືກ່ຽວກັບການກະກຽມໂຄງ ການ ທລຍ 3 ໄລຍະຄື: ສຶບຕໍ່ (2020-2022) ຂຶ້ນທີ່ນະ ຄອນຫລວງວຽງຈັນ ໂດຍການເປັນປະທານ ຂອງທ່ານ,ຜູ້ອໍານວຍການບໍລິຫານ ທລຍແລະ ຜູ້ຮັບຜິດຊອບໂຄງການ ທລຍ ຈາກທະນາຄານໂລກ, ຜູ້ຕາງໜ້າພະແນກທີ່ກ່ຽວຂ້ອງ ແລະ ອົງການພັດທະນາຕ່າງໆຈໍານວນທັງໝົດກວ່າ 25 ຄົນ.

ທ່ານ ຈິດທະວີໃສ,ຜູ້ອໍາ ນວຍການບໍລິຫານ ທລຍກ່າວວ່າ:  “ໃນຜ່ານມາ, ທລຍ ໄດ້ສຸມໃສ່ ສະໜອງການຊ່ວຍ ເຫລືອດ້ານພື້ນຖານໂຄງລ່າງເຊິ່ງສາມາດບັນລຸໄດ້ເຖິງ ການເຂົ້າເຖິງການບໍລິການ ຂອງລັດໄດ້ດີ,ແຕ່ໃນໄລຍະສຶບຕໍ່ຂອງ ທລຍໄລຍະທີ 3 ຈະເປັນການສຸມໃສ່ການ ຊ່ວຍເຫລືອດ້ານປັບປຸງຊີວິດ ການເປັນຢູ່ເພື່ອແກ້ໄຂຄວາມທຸກຍາກໃນລະດັບຄົວເຮືອນ ເນັ້ນໃສ່ການປັບປຸງ ແລະຍົກລະດັບຊີວິດການເປັນຢູ່ ຂອງກຸ່ມເປົ້າໝາຍໃຫ້ດີຂຶ້ນ ຢູ່ 4 ແຂວງ, ດັ່ງນັ້ນ ກອງປະ ຊຸມຄັ້ງນີ້ຈຶ່ງນໍາສະເໜີພາກສ່ວນທີ່ກ່ຽວຂ້ອງພາຍໃນກະຊວງກະສິກໍາ ແລະ ປ່າໄມ້ ແລະ ຮ່ວມກັບກະຊວງອື່ນໆທີ່ຕິດພັນກັບການພັດທະນາ ຊົນນະບົດໃນຂອບເຂດທົ່ວ ປະເທດ, ຕໍ່ກັບການອອກແບບ ແລະ ວິທີການຈັດຕັ້ງ ປະຕິບັດໂຄງການພາຍໃຕ້ທຶນກູ້ຢືມ10 ລ້ານໂດລາສະຫະລັດ ລວມທັງປຶກສາຫາລືກ່ຽວ ກັບສະຖານະພາບຂອງແຂວງ ເປົ້າໝາຍ 14 ເມືອງ ໃນ 4 ແຂວງທີ່ເປັນບຸລິມະສິດ ຄື:  ຫົວພັນ, ຊຽງຂວາງ, ອຸ   ດົມໄຊ ແລະຜົ້ງສາລີ ບັນດາ ແຂວງດັ່ງກ່າວຍັງມີອັດຕາ ທີ່ສູງກວ່າແຂວງອື່ນດ້ານການຂາດສານອາຫານ ແລະເດັກເຕ້ຍກວ່າເກນອາຍຸ”.

ທ່ານ ຈິດທະວີໃສ ກ່າວຕື່ມວ່າ: “ຈຸດສຸມຂອງ ທລຍ  3ໄລຍະທຶນເພີ່ມນີ້ຈະສຶບຕໍ່ສ້າງ ຄວາມອາດສາມາດ ດ້ານການຜະລິດໃຫ້ແກ່ຄອບຄົວທຸກຍາກໃນເຂດຊົນນະບົດ ເພື່ອຍົກລະດັບຊີວິດການເປັນຢູ່ໃຫ້ດີຂຶ້ນດ້ວຍການ ນໍາໃຊ້ຮູບແບບການພັດທະນາ ໂດຍຊຸມຊົນເປັນເຈົ້າການ,ອໍານວຍຄວາມສະ ດວກໃຫ້ຊຸມຊົນໄດ້ກໍານົດ ເປົ້າໝາຍ ແລະ ແຜນພັດທະ ນາຊີວິດການເປັນຢູ່ ທີ່ເປັນບຸລິມະສິດຂອງເຂົາເຈົ້າໃຫ້ ໄດ້ດີກວ່າເກົ່າ ລວມທັງການ ຈັດຕັ້ງປະຕິບັດ,ຕິດຕາມ,ປະ ເມີນຜົນ ແລະ ຄຸ້ມຄອງເພື່ອກ້າວໄປສູ່ຄວາມເປັນເຈົ້າ ການ ແລະ ສາມາດສືບ ຕໍ່ເຮັດໄດ້ດ້ວຍໂຕເອງ ເຊິ່ງກ້າວໄປສູ່ການລຶບລ້າງ ຄວາມທຸກຍາກ ແລະ ການ ຂາດສານອາຫານ ຢູ່ລາວເຮົາໃຫ້ໝົດໄປ./.