ຫົວພັນສະເໜີຫລາຍບັນຫາໃຫ້ລັດຖະບານແກ້ໄຂ

​ທ່ານ ນາງ ອໍາໄພວອນລ້ອມບຸນແພງ ຮອງປະທານ ຄະນະສະມາຊິກສະພາແຫ່ງ ຊາດ ເຂດເລືອກຕັ້ງທີ 8 ແຂວງຫົວພັນ ໄດ້ນໍາ ສະ ເໜີຫຼາຍບັນຫາຕໍ່ກອງປະຊຸມສະພາສະໄໝສາມັນ ເທື່ອທີ VI ທີ່ພວມດໍາເນີນຢູ່ໃນປັດຈຸບັນນີ້: ຂໍໃຫ້ລັດ ຖະບານຊ່ວຍແກ້ໄຂບັນຫາ ທີ່ຕິດພັນກັບການແກ້ໄຂ ຄວາມທຸກຍາກເປັນຕົ້ນ  ແມ່ນການກໍ່ສ້າງພື້ນຖານ ໂຄງລ່າງໂດຍສະເພາະ ແມ່ນເສັ້ນທາງ ເນື່ອງຈາກ ແຂວງຫົວພັນມີເສັ້ນທາງ ທຽວໄດ້ 2 ລະດູກວມອັດຕາ ສ່ວນພຽງແຕ່ 40% ແລະ ເສັ້ນທາງເຂົ້າ ເຖິງບ້ານ 100% ຍັງບໍ່ທັນຮັບປະກັນ ຂໍໃຫ້ລັດຖະບານມີການ        ລົງທຶນໃສ່. ສ່ວນໂຮງຮຽນຢູ່ຫົວພັນຍັງມີຫຼາຍບ້ານ ທີ່ຍັງບໍ່ທັນເປັນໂຮງຮຽນ ຖາວອນ ແລະ ຍັງມີຄວາມ ຫຍຸ້ງຍາກ.ບັນຫານໍ້າລິນ- ນໍ້າ ສະອາດ, ບາງບ້ານມີແລ້ວ   ແຕ່ຍັງບໍ່ພຽງພໍສໍາລັບການ    ຊົມໃຊ້ຂອງປະຊາຊົນ ແລະ ຍັງເປັນພຽງນໍ້າສະດວກບໍ່ທັນຮັບປະກັນດ້ານຄຸນ       ນະພາບ.

ບັນຫາສຸກສາລາ, ການ ຕັ້ງບ້ານເຮືອນຂອງປະຊາ ຊົນຢູ່ເຂດຊົນນະບົດຫ່າງ ໄກສອກຫຼີກມີລັກສະນະ       ກະແຈກກະຈາຍ, ສະນັ້ນ, ການ ໃຊ້ບໍລິການສາທາລະ  ນະສຸກ ຫຼືສຸກສາລາຍັງພົບ  ຄວາມຫຍຸ້ງຍາກໃນການ ໄປມາ.

ນອກນີ້, ການສ້າງລາຍ ຮັບຂອງປະຊາຊົນເຊັ່ນ: ການ ຜະລິດເປັນສິນຄ້າປະຊາ     ຊົນຍັງບໍ່ເຂົ້າໃຈວ່າຈະຜະ      ລິດຫຍັງ, ຜະລິດຢູ່ໃສ ແລະ ຕະຫຼາດຮອງຮັບຢູ່ໃສ ແລະບັນຫາທີ່ເຄັ່ງຮ້ອນທີ່ສຸດຄື: ການຊອກວຽກເຮັດງານທໍາ ຂອງຜູ້ທີ່ຮຽນຈົບມາບໍ່ຮູ້ຈະສ້າງອາຊີບ ແລະ ຄວາມ ເຂັ້ມແຂງດ້ວຍຕົນເອງແນວ ໃດໃນເມື່ອຈະເຮັດວຽກນໍາລັດລູກຫຼານປະຊາຊົນກໍບໍ່ ມີໂອກາດ ເຖິງຈະຮຽນດີ, ຮຽນເກັ່ງກໍຕາມບັນຫາດັ່ງ ກ່າວເຮັດໃຫ້ປະຊາຊົນເກີດມີຄວາມທໍ້ຖອຍ.