ຄຳສູ່ຂວັນແຕ່ງດອງມີຄວາມສຳຄັນແນວໃດ ສຳລັບຊີວິດຄູ່
ໂດຍ: ຄຳພຸດ ເທບພະນົມ
ເຊື່ອແນ່ວ່າທ່ານຜູ້ອ່ານຄົງມີປະສົບການເລື່ອງໄປ ຮ່ວມຜູກແຂນບ່າວສາວ ໃນງານແຕ່ງດອງກັນທຸກ ຖ້ວນໜ້າແລ້ວ ແລະ ຫຼາຍຄົນກໍຕ້ອງໄດ້ຍິນໄດ້ຟັງຄໍາສູ່ ຂວັນທີ່ໝໍພອນກ່າວໃນພິທີ ສູ່ຂວັນນັ້ນເຊັ່ນກັນແຕ່ຫຼາຍຄົນອາດຍັງບໍ່ເຄີຍຕັ້ງໃຈຟັງ ແລະພິຈາລະນາຢ່າງລະອຽດຖີ່ຖ້ວນເພື່ອໃຫ້ຮູ້ກົກປາຍ ສາຍເຫດ ແລະ ເຫັນປະໂຫຍດ ຄວາມສຳຄັນຂອງມັນ. ຜູ້ຂຽນເຄີຍເຂົ້າຮ່ວມງານແຕ່ງດອງ ພ້ອມທັງຖາມຜູ້ໄປຮ່ວມງານຕໍ່ກັບເລື່ອງດັ່ງກ່າວນັ້ນສ່ວນຫຼາຍໄດ້ຄໍາຕອບວ່າຄຳສູ່ຂວັນ ເປັນການອວຍພອນ ໃຫ້ຄູບາວສາວຮັກແພງກັນຢູ່ນໍາກັນຈົນເຖິງແກ່ຫຼາຍໆ ຢ່າງ ແລະ ອີກຫຼາຍໆຄົນ ກໍຕອບວ່າບໍ່ຄ່ອຍໄດ້ສົນ ໃຈເພາະບໍ່ໄດ້ຍິນຍ້ອນສຽງ ລົບກວນ.
ຈາກບັນຫານີ້ ຈິ່ງຢາກ ເລົ່າຕໍ່ທ່ານຜູ້ອ່ານຮູ້ວ່າ ຄໍາສູ່ ຂວັນໃນວັນແຕ່ງດອງນັ້ນ ແມ່ນຍອດແຫ່ງຄຳອວຍພອນ ທີ່ແສນປະເສີດເລີດກວ່າ ຄໍາເວົ້າຂອງຄົນໂດຍທົ່ວໄປ ເພາະຄໍາອວຍພອນນັ້ນຕ້ອງ ກັ່ນຕອງມາຈາກຫົວໃຈ ແລະ ໄດ້ຍົກອ້າງເອົາຄຸນຂອງບັນ ດາສິ່ງສັກສິດທັງຫຼາຍເຂົ້າ ມາຮ່ວມດ້ວຍ ແລະ ເປັນຍອດ ຂອງຄຳສອນໃພ້-ເຂີຍໃໝ່ທີ່ ຈະຢູ່ຮ່ວມກັນເປັນຜົວເມຍ. ໃນຄຳສູ່ຂວັນງານແຕ່ງດອງ ສາມາດແບ່ງອອກເປັນ 4 ພາກສ່ວນຄື:
ພາກສ່ວນທີ 1 ແມ່ນກ່າວ ເຖິງບົດບາດຄວາມສຳຄັນ ຂອງການສູ່ຂວັນເຊັ່ນ ຄວາມ ພ້ອມທາງດ້ານອົງປະກອບ ການສູ່ຂວັນ, ລືກງາມຍາມ ດີ ແລະ ຄວາມພ້ອມທັງສອງ ຝ່າຍເຈົ້າບ່າວ ແລະ ເຈົ້າສາວ ດັ່ງຄຳສູ່ຂວັນບາງຕອນວ່າ: “ສີສີ ສິດທິພະພອນ ບໍວອນ ວິເສດ ວັນນີ້ແມ່ນວັນດີ ວັນດິ ຖີອຸດຕະມະໂຊກ ໂຕກໃບນີ້ ແມ່ນໂຕກໄມ້ຈັນຂັນໃບນີ້ ແມ່ນຂັນໄມ້ແກ້ວເຖົ້າແກ່ຕົກ ແຕ່ງ ແລ້ວແລ້ວມາຢູ່ສອນ ລອນຊ້າຍລ້າຍ ມີທັງຝ້າຍ ຜູກແຂນມີທັງແຫວນໃສ່ ກ້ອຍປັດນ້ອຍສ້ອຍສັງວານ ອາຫານຫລາຍເຫລືອມາກ ສັບພະພາກ ພ້ອມຊູ່ອັນ…”
ພາກສ່ວນທີ 2 ແມ່ນ ກ່າວເຖິງການເຕົ້າໂຮມຈິດ ໃຈຂອງບ່າວສາວ ໃນລັກສະ ນະເອີ້ນຂວັນ ເພື່ອທັງສອງ ກໍ້າ ສອງຝ່າຍພໍໃຈຕໍ່ການ ແຕ່ງດອງເປັນຜົວເມຍກັນ ຢູ່ຕໍ່ໜ້າພໍ່ແມ່ເຖົ້າແກ່ໂຄດ ວົງສາທັງບໍ່ໃຫ້ມີຈິດໃຈ ງ່ຽງຄ້ອຍຄອນແຄນຕໍ່ອະ ດີດ ແລະ ອະນາຄົດ ດັ່ງວ່າ “ຂ້ອຍຈັກເຊີນເອົາຂວັນເຈົ້າ ພ້ອມພໍ່າທັງສອງມາເຢີຂວັນ ເອີຍ ! ແມ່ເຈົ້າແອ້ມສ້ວມຖ້າ ຄອງຫາ ຂວັນເຈົ້າຍັງອາໄລ ເຖິງຊູ້ເກົ່າ ເພິ່ນຊ່າເຈົ້າບຸນ ກວ້າງຊູ່ພາຍ ໃຫ້ເຈົ້າມາສະ ເຫວີຍງາຍ ພາຂວັນແຕ່ງ ໃໝ່ ໃຫ້ໄດ້ປ້ອນເຂົ້າໄຂ່ພາ ຂວັນທີສອງຕາມທໍານອງບູ ຮານແຕ່ງໄວ້ ໝໍບອກໃຫ້ວ່າ ມື້ນີ້ ແມ່ນວັນດີຂ້ອຍຈັກ ເອົາ ສອງສີຮຽງໝອນຊ້ອນເສື່ອ ໃຫ້ເຈົ້າໄດ້ສືບເຊື້ອພໍ່ແມ່ແທນ ເຮືອນ ວ່າມາເຢີຂວັນເອີຍ…”
ພາກສ່ວນທີ 3 ເປັນຄຳ ສອນທີ່ສັ່ງສອນໃພ້-ເຂີຍ ໃໝ່ໃຫ້ຮູ້ຈັກປະຕິບັດຕົວຕໍ່ ພໍ່ແມ່, ລຸງຕາ ແລະ ຕໍ່ຄູ່ຄອງ ຂອງຕົນເອງ ເປັນຕົ້ນແມ່ນ ຮູ້ຈັກອ່ອນນ້ອມຖ່ອມຕົນ, ມີໃຈເອື້ອເຟື້ອບໍ່ຄິດຄັບ ແຄບ, ເວົ້ານົວຫົວມ່ວນສ່ວນ ຜູ້ຍິງກໍໃຫ້ຮັກຮໍ່ຕໍ່ຜົວຕົນ ເອງ, ບໍ່ໃຫ້ຫຼິ້ນຊູ້, ຮູ້ຈັກຮັກ ສາເງິນຄຳ ທັງສອງຜົວເມຍ ຕ້ອງໃຫ້ຮູ້ຈັກພີ່ນ້ອງປ້ອງ ປາຍ ຮູ້ຈັກເຖົ້າແກ່ອາວຸໂສ, ຮູ້ຈັກສ້າງສາພັດທະນາບໍ່ ໃຫ້ອຶດຢາກ ແລະ ຮູ້ຈັກໃຫ້ ທານເຮັດບຸນສ້າງກຸສົນ ດັ່ງບາງຕອນວ່າ: “ໃຫ້ເຈົ້າ ອ່ອນນ້ອມຕັ້ງຕໍ່ຊົມເຊີຍເຈົ້າ ເປັນເຂີຍໃຫ້ເຈົ້າທໍາໃຈ ກວ້າງຢ່າກ່າວອ້າງສັບພະ ສິ່ງອັນໃດໃຫ້ມີໃຈເຫຼື້ອມ ໃສຕໍ່ນາງ ນົງຄານແກ່ນໄທ້ ເຈົ້າເປັນລູກສະໃພ້ໃຫ້ເຈົ້າ ຮັກແມ່ຜົວຢ່າໄດ້ເວົ້າມົວໆ ຂວັນ ຕົວເຊີງຊູ້ເຈົ້າຜູ້ຮູ້ ນັກປາດຟັງທໍາໃຫ້ເຈົ້າຟັງ ຄໍາສອນຕາຍາຍພໍ່ແມ່ໃຈ ແຜ່ກວ້າງພີ່ນ້ອງວົງສາຕາ ເບື້ອງຊ້າຍເຈົ້າຢ່າຫລຽວ ດູຊາຍຕາເບື້ອງຂວາເຈົ້າຢ່າ ແລຫາຊູ້ ເຖິງຍາມແລງໃຫ້ ເຈົ້າຫາພາເຂົ້າ ເຖິງຍາມເຊົ້າ ໃຫ້ເຈົ້າແຕ່ງພາງາຍຢ່າໄດ້ ນອນຫຼັບຫຼາຍຕື່ນສວາຍ ຜິດຮີດ… ”
ພາກສ່ວນທີ 4 ແມ່ນຄຳ ອວຍພອນຕໍ່ໃພ້-ເຂີຍໃໝ່ ທີ່ ເປັນຜົວເປັນເມຍກັນ ດັ່ງ ບາງຕອນ ວ່າ: “ນີ້ຄືຄຳອວຍ ພອນ ເປັນຄຳສອນສັ່ງໂລກ ເຈົ້າຫາມີໂຊກແລ້ວໃຫ້ຄ່ອຍ ພຽນເອົາໃຫ້ເຈົ້າມີໃຈຮັກຮໍ່ ໃຫ້ເຈົ້າຕັ້ງໜ້າຕໍ່ຄວາມດີ ຄວາມສຸກມີພຽງພໍບໍ່ໜ້ອຍ ແລງຄໍ້າຄ້ອຍຢູ່ສະຫວັດດີ ກໍຂ້າເທີ້ນ ໄຊຍະຕຸພະວັງ ໄຊ ຍະມັງຄະລັງ ມະຫາມຸງຄຸນ ຈັດຕາໂລທຳມາ ວັດທັນຕິ ອາຍຸວັນໂນສຸຂັງພະລັງ”
ສິ່ງທີ່ກ່າວມາທັງໝົດນີ້ຄືຄວາມໝາຍຄວາມສຳຄັນຂອງຄຳສູ່ຂວັນ ມີມາແຕ່ບູ ຮານນະການທີ່ເຮົາທຸກຄົນ ຄວນອ່ານ, ຟັງ ແລະ ຕັ້ງໃຈ ປະຕິບັດໃຫ້ເກີດດອກອອກ ຜົນ ແລະ ຫວັງຢ່າງຍິ່ງວ່າ ຄູ່ຄອງຂອງທ່ານທີ່ໄດ້ ຜ່ານ ການຜູກແຂນເອີ້ນຂວັນ ແລ້ວນັ້ນ ຈະເປັນຄູ່ຄອງທີ່ ສົມປອງປາຖະໜາຮັກກັນ ຕະຫຼອດເທົ້າຊົ່ວຊີວັງ ແລະ ຜູ້ທີ່ຍັງໂສດກໍສຶກສາໄວ້ບາດ ໄດ້ເຂົ້າພາຂວັນກໍຕັ້ງໃຈຟັງ ເພື່ອນຳມາປະຕິບັດເພື່ອຊີວິດທີ່ດີງາມຂຶ້ນ.
