ສຽງຮຽກຮ້ອງຈາກສະພາ

ໂດຍ: ທິດ​ກ່ຳ

ກອງປະຊຸມສະໄໝສາມັນເທື່ອທີ 6 ຂອງສະພາແຫ່ງ ຊາດຊຸດທີ VIII, ເຊິ່ງໄດ້ໄຂຂຶ້ນ ແຕ່ວັນທີ 20 ພະຈິກ ແລະ ຈະສຳເລັດລົງໃນວັນທີ 21 ທັນວານີ້, ເຊິ່ງເຫັນວ່າຕະ ຫລອດ ເວລາຂອງການ ປະຊຸມແມ່ນມີບັນຍາກາດຄຶກ     ຄັກເຂັ້ມຂຸ້ນ.

ຫລ້າສຸດຜົນອອກມາ ທາງດ້ານການປັບປຸງໃນຄະນະລັດຖະບານ ກໍມີການປະ ກາດສັບປ່ຽນ 2 ຕຳແໜ່ງຄື: ກະຊວງປ້ອງກັນຄວາມສະ ຫງົບໂດຍແມ່ນ ທ່ານພົນໂທ ວິໄລ ຫລ້າຄຳຟອງ ໄດ້ຖືກ ແຕ່ງຕັ້ງເປັນລັດຖະມົນຕີຄົນ ໃໝ່ແທນ ທ່ານພົນຕີ ສົມແກ້ວ  ສີລາວົງ ຜູ້ເກົ່າ. ນອກນັ້ນ, ທາງເບື້ອງທະນາຄານແຫ່ງ ສປປ ລາວ ກໍໄດ້ປະກາດ  ທ່ານ ສອນໄຊ ສິດພະໄຊ ເປັນຜູ້ວ່າການທະນາຄານຄົນໃໝ່ຢ່າງເປັນທາງການ. ການ ປະກາດຄັ້ງນີ້, ໄດ້ມີຂຶ້ນພາຍ ຫລັງທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ຕາງໜ້າ ຄະນະລັດຖະບານເປັນຜູ້ສະ ເໜີໃຫ້ສະພາພິຈາລະນາ ຮັບຮອງ ແລະ ປະກາດຢ່າງ ເປັນທາງການຢູ່ກອງປະຊຸມ ສະພາໃນວັນທີ 5 ທັນວາທີ່ ຜ່ານມາ. ສ່ວນວ່າທາງເບື້ອງ ສະພານັ້ນ ກໍມີມະຕິຕົກລົງເຫັນ ດີດ້ວຍຄະແນນສຽງສ່ວນ ຫລາຍຂອງຈໍານວນຜູ້ແທນ ທີ່ໄດ້ເຂົ້າຮ່ວມ.

ໃນນັ້ນ, ກໍມີຜູ້ແທນຫລາຍ ທ່ານໄດ້ປະກອບຄຳເຫັນຕໍ່ 2 ລັດຖະມົນຕີຄົນໃໝ່ ຈົ່ງເຮັດ ໜ້າທີ່ໃຫ້ຫລ້ອນ, ແກ້ໃຫ້ຕົກ  ໃນ ເລື່ອງມະຍຸມະຍະທີ່ຄົງ ຄ້າງຜ່ານມາເປັນຕົ້ນ: ທາງ ເບື້ອງກະຊວງປ້ອງກັນຄວາມສະຫງົບ ກໍຕ້ອງແກ້ໃຫ້ໄດ້     ບັນຫາຢາເສບຕິດ ທີ່ມັນຍັງ ລາມພະລາມຈົວ, ຕ້ອງແກ້ໃຫ້ ໄດ້ໃນເລື່ອງຍິງກັນ, ຂ້າກັນ ຕາຍ ແລະ ປະກົດການອື່ນໆ ທີ່ຍັງມີຕິດຕ້ອຍຫ້ອຍຕາມ ໃນສັງຄົມລາວ. ສ່ວນທາງ ເບື້ອງທະນາຄານກໍຕ້ອງແກ້ ໃນເລື່ອງການຄຸ້ມຄອງ, ການຈໍລະຈອນເງິນຄຳ, ການແລກປ່ຽນຊະຊາຍບໍ່ ເປັນລະບຽບໃຫ້ເຂົ້າແກ໋ບ ເຂົ້າເກຍໜັກແໜ້ນເຂັ້ມ      ແຂງ ໝົດເດືອນມາກໍຂໍໃຫ້   ພາກັນໄດ້ຮັບເງິນເດືອນ ລ້ຽງປາກລ້ຽງທ້ອງ ເພາະ ວັນທີ 25-30 ຕ້ອງໃຫ້ພະນັກ ງານໄດ້ຮັບເງິນຕາມການ  ຕົກລົງຂອງລັດຖະບານ ແລະ ບັນຫາຄ້າເງິນຜິດກົດໝາຍ ນັບທັງບັນຫາອື່ນໆ ທີ່ມັນຍັງ ເປັນໂລກໜອງໃນຢູ່ໃນຖັນ ແຖວທະນາຄານຈົນບາງຄົນ, ບາງທ່ານ ຫລື ໃນຂົງເຂດ ຈຸລະພາກຕ້ອງໄດ້ຖືກວິໄນ ຈັບຜູກກັນມາຫລາຍລາຍ.

ແນວໃດກໍຕາມ, ສະ ເພາະໃນຂົງເຂດອື່ນໆນັ້ນ ຜູ້ແທນຫລາຍທ່ານຕ່າງກໍ ພ້ອມກັນສະເໜີໃຫ້ລັດຖະ ບານຕ້ອງເລັ່ງແກ້ໄຂບັນ ຫາທີ່ກວມລວມຢູ່ໃນແຜນ ພັດທະນາເສດຖະກິດ-ສັງ ຄົມຂອງປະເທດໃຫ້ເດີນ     ໜ້າ, ແຕ່ອັນກິໆກີໆ ກໍມີຫລາຍ ບັນຫາທີ່ຜູ້ແທນໄດ້ສະເໜີ ຜ່ານສະພາໄປຍັງລັດຖະ  ບານ ເປັນຕົ້ນໜຶ່ງໃນບັນຫາ ທີ່ເດັດເຜັດມັນກໍແມ່ນເລື່ອງ ໄຟຟ້າປະເທດເຮົາມີເຂື່ອນ ພະລັງນ້ຳຫລາຍກວ່າໝູ່ໃນ ອາຊຽນຈົນໄດ້ເປັນອັນດັບ ໜຶ່ງ ແລະ ຂາຍໃຫ້ປະເທດ ອ້ອມຂ້າງເປັນຫລາຍຮ້ອຍ ຫລາຍພັນເມກາວັດ. ແຕ່ໃນ ທາງກົງກັນຂ້າມປະຊາຊົນ ລາວພັດໄດ້ຈ່າຍຄ່າຊົມໃຊ້ ໄຟຟ້າອ່າວແພງກວ່າໝູ່ ຖ້າທຽບໃສ່ຫລາຍປະເທດ ໃນອາຊຽນດ້ວຍກັນ.

ຕາມທິດກ່ຳວ່າ, ໃນພຶດຕິ ກຳ ຕົວຈິງແລ້ວການສະເໜີ ຂອງປະຊາຊົນນັ້ນຕາມຈິດ ໃຈເຂົາວ່າໃນຖານະທີ່ປະ ເທດເຮົາຜະລິດໄຟຟ້າຫລາຍຈົນເຫລືອໃຊ້ເຫລືອຈ່າຍ ຂາຍໄປຍັງປະເທດອ້ອມ  ຂ້າງ ກໍຢາກໃຫ້ລັດຖະບານ ມີນະໂຍບາຍອັນພິເສດໃນ ການຊົມໃຊ້ໄຟຟ້າໃນແຕ່ລະ ຄົວເຮືອນ ແລະ ໃນຂົງເຂດ ການຜະລິດທຸລະກິດທີ່ເຫັນ ວ່າຄວນຊຸກຍູ້ ແລະ ສົ່ງເສີມ. ດີແທ້ກໍຄວນຫລຸດກວ່າບັນ ດາປະເທດອາຊຽນໃນລະ    ດັບ 5-10% ປະຊາຊົນເຂົາ ກໍຍ້ອງພໍແຮງແລ້ວ, ແຕ່ໃນ ສະພາບຄວາມເປັນຈິງໃນ ປັດຈຸບັນເບິ່ງຄືວ່າມັນສວນ ທາງກັນປານວ່າແກ່ໄມ້  ທາງປາຍ.

ອັນພິເສດສຸດ, ກ່ຽວກັບ ບັນຫານີ້ໄດ້ມີຜູ້ແທນຍິງ ທ່ານໜຶ່ງ (ຂໍສະຫງວນຊື່) ໄດ້ສະເໜີບັນຫາທີ່ຕົງເປະ ປານຖືກເລກເປົາໝາກ ແປດຕໍ່ທ່ານລັດຖະມົນຕີກະ ຊວງພະລັງງານ ແລະ ບໍ່ແຮ່ ຈົນວ່າມີຂ່າວຄາວອັນເປັນ ຄລິບໃນສື່ອອນລາຍໄປຢ່າງກວ້າງຂວາງ.

ເຖິງຢ່າງໃດກໍດີ,ສິ່ງ ທີ່ທິດກ່ຳໄດ້ຍົກເປັນປະເດັນ ມານີ້ແມ່ນເວົ້າສະເພາະແຕ່ ເລື່ອງໄຟ, ເລື່ອງເງິນ ກັບ ເລື່ອງຄວາມສະຫງົບປອດ ໄພ,ແຕ່ຍັງມີບັນຫາເລື່ອງ ອື່ນໆທີ່ພວກເຮົາຈະຕ້ອງ ສານຕໍ່ແກ້ໄຂໃຫ້ໄປຕາມ ປອງລ່ອງຕາມແປວ ຖ້າບໍ່ດັ່ງນັ້ນການພັດທະນາກໍຈະ ຊັກຊ້າບໍ່ໄປຕາມເປົ້າໝາຍ ເໝືອນດັ່ງປີ 2018ນີ້ລະຄື ຄຳຮຽກຮ້ອງຈາກສະພາທີ່ຕາງໜ້າໃຫ້ປະຊາຊົນ ທົ່ວປະເທດ.