ອຸດົມໄຊ ສະເໜີຫລາຍບັນຫາໃຫ້ລັດຖະບານຊ່ວຍແກ້ໄຂ

ທ່ານ ນາງ ສົມຈັນ ຈິດວົງເດືອນ ສະມາຊິກ ສະ ພາແຫ່ງຊາດ ເຂດເລືອກ ຕັ້ງທີ 4 ແຂວງ ອຸດົມໄຊ ໄດ້ນໍາສະເໜີຫຼາຍບັນຫາ ຕໍ່ກອງປະຊຸມສະພາສະໄໝ ສາມັນເທື່ອທີ VI ທີ່ພວມດໍາ ເນີນ ຢູ່ໃນປັດຈຸບັນນີ້ວ່າ: ຂໍ ໃຫ້ລັດຖະບານຊ່ວຍປັບປຸງ ຂອດບໍລິການຂອງສາທາ ລະນະສຸກ ໂດຍສະເພາະແມ່ນ ຢູ່ເຂດຫ່າງໄກສອກຫຼີກ ເຫັນ ວ່າຍັງມີຫຼາຍດ້ານບໍ່ທັນບັນ ລຸຕົວຊີ້ວັດ ເຊັ່ນ: ການຊັກຢາ ກັນພະຍາດບໍ່ທັນແຂງແຮງ ປະຊາຊົນບາງເຜົ່າບໍ່ທັນ ໄດ້ເຂົ້າໃຈເຖິງ ແລະ ປະຊາ ຊົນຈໍານວນໜຶ່ງຍັງຢ້ານກົວ ຕໍ່ການສັັກຢາກັນພະຍາດ, ດັ່ງ ນັ້ນກໍຂໍສະເໜີໃຫ້ພາກສ່ວນ ກ່ຽວຂ້ອງລົງໂຄສະນາ ເຮັດ ວຽກສຸຂະພາບໃຫ້ປະຊາຊົນ ເຂົ້າໃຈ ເພື່ອບັນລຸ 10 ຕົວຊີ້ ວັດຂອງກະຊວງສາທາລະນະສຸກໄດ້ວາງອອກ. ການ ສົ່ງເສີມວຽກງານການຜະ ລິດກະສິກໍາເຊັ່ນ: ການປູກ- ການລ້ຽງ ຕ້ອງມີນັກວິຊາ ການລົງມາ ໃຫ້ຄວາມຮູ້ ແລະ ຊີ້ນໍາລະອຽດຕື່ມເພື່ອໃຫ້ຜົນ ຜະລິດສູງ, ສາມາດຊ່ວຍ ແກ້ໄຂຊີວິດການເປັນຢູ່ ຂອງປະຊາຊົນດີຂຶ້ນເນື່ອງ ຈາກວ່າ ປັດຈຸບັນ ແຂວງອຸດົມ ໄຊເປັນແຂວງໜຶ່ງທີ່ຍັງ ທຸກຍາກຢູ່ໃນອັນດັບ 3 ຂອງ ປະເທດ ແລະ ໃນ 7 ເມືອງ ຂອງແຂວງດັ່ງກ່າວ ຍັງ ບໍ່ສາມາດພົ້ນອອກຈາກ ຄວາມທຸກໄດ້.

ບັນຫາເສັ້ນທາງຄົມມະນາຄົມກໍມີຄວາມຫຍຸ້ງຍາກ ຫຼາຍ ພາຍຫຼັງໄດ້, ຮັບຜົນ ກະທົບຈາກໄພພິບັດທາງທໍາມະຊາດ, ເສັ້ນທາງເປ່ເພ ຫຼາຍເສັ້ນເຮັດໃຫ້ການສັນ ຈອນໄປມາຫຍຸ້ງຍາກ ດັ່ງ ນັ້ນ, ຈຶ່ງຂໍສະເໜີຕໍ່ລັດຖະບານ ຊ່ວຍລົງທຶນປັບປຸງປົວແປງ ເພື່ອໃຫ້ປະຊາຊົນມີຄວາມ ສະດວກສະບາຍໃນການໄປມາຫາສູ່ ແລະ ການຂົນສົ່ງ ສິນຄ້າ. ພ້ອມນັ້ນກໍຂໍສະເໜີ ລັດຖະບານ ໃຫ້ການຊົດເຊີຍ ຜົນກະທົບຂອງໂຄງການ ເສັ້ນທາງລົດໄຟລາວ-ຈີນ ໃຫ້ ສໍາເລັດ. ອີກບັນຫາໜຶ່ງຄື: ມີ ບໍລິສັດຕ່າງປະເທດເຂົ້າມາ ລົງທຶນປູກກ້ວຍ, ໝາກຖົ່ວ ໃບ ຢູ່ບາງທ້ອງຖິ່ນ, ພາຍຫຼັງ ເກັບກູ້ຜົນຜະລິດ ແລ້ວ ບໍລິ ສັດ ດັ່ງກ່າວໄດ້ຫາຍຕົວໄປ ບໍ່ຈ່າຍເງິນໃຫ້ປະຊາຊົນ,ຈຸດ ນີ້ປະຊາຊົນອັບປະໂຫຍດທີ່ ສຸດ ສະນັ້ນ, ໃນຫຼາຍເຂດ ຜູ້ຕົກເປັັນເຫຍື່ອໃນການຕົ້ມ ຕຸນດັ່ງກ່າວນັ້ນ ຈຶ່ງຂໍສະເໜີ ພາກສ່ວນກ່ຽວຂ້ອງເອົາໃຈ ໃສ່ຕິດຕາມກວດກາ ເພື່ອ ທວງ ຫາບໍລິສັດຜູ້ລົງທຶນ ໃຫ້ມາໃຊ້ຄ່າແຮງງານຄືນ ໃຫ້ປະຊາຊົນໄດ້ໂດຍໄວ.