ເມືອງວັງວຽງທຳລາຍສິນຄ້າໝົດອາຍຸ ແລະ ລອກຮຽນແບບ

ເມື່ອບໍ່ດົນມານີ້, ຫ້ອງ ການອຸດສະຫະກໍາ ແລະ ການ ຄ້າເມືອງວັງວຽງ, ແຂວງ ວຽງຈັນໄດ້ຈັດພິທີທໍາລາຍ ສີນຄ້າໝົດອາຍຸ ແລະ ສີນ ຄ້າລອກຮຽນແບບເປັນຈຳ ນວນຫລາຍທີ່ຢຶດມາໄດ້ ຈາກຕະຫລາດ ແລະ ຜູ້ປະ ກອບການຕ່າງໆ.
ຕາມແຈ້ງການວ່າດ້ວຍການປົກປ້ອງຜູ້ຊົມໃຊ້ສະ ບັບເລກທີ02/ສພຊ, ລົງວັນ ທີ 30 ມີຖຸນາ 2010, ຂໍ້ຕົກ ລົງ ຂອງລັດຖະມົນຕີກະຊວງ ອຸດສະຫະກຳ ແລະ ການຄ້າ ສະບັບເລກທີ1499/ອຄ.ກຍ ພນ, ລົງວັນທີ 08 ກັນຍາ 2017 ວ່າດ້ວຍການຈັດຕັ້ງ ປະຕິບັດວຽກງານກວດ ກາການຄ້າ.

+ ເມືອງຮົ່ມ ທຳລາຍສິນຄ້າໝົດອາຍຸ2018/

+ ເມືອງອຸທຸມພອນທຳລາຍສິນຄ້າເສື່ອມຄຸນ ແລະ ຜິດກົດໝາຍຈໍານວນຫລາຍ2018/

ພ້ອມໄດ້ຢຶດສິນຄ້າບໍ່ ໄດ້ມາດຖານ, ສິນຄ້າປອມ ແປງ, ສິນຄ້າລອກຮຽນ ແບບ, ສິນຄ້າໝົດອາຍຸ, ໄດ້ ຈຳນວນ 5 ປະເພດມີ 52 ລາຍການໃນນີ້ມີ: ປະເພດ ເຂົ້າໜົມ ແລະ ມີ໋ໄວໄວ, ຍຳຍຳມີມູນຄ່າ 2 ລ້ານກວ່າ ກີບ, ປະເພດນົມປ໋ອງ,ນົມ ຝຸ່ນມີມູນຄ່າ 1 ລ້ານກວ່າກີບ, ປະເພດ ເຄື່ອງດື່ມຕ່າງໆ ມີ ມູນຄ່າ 3,4 ລ້ານກີບ, ປະ ເພດເຄື່ອງປຸງແຕ່ງອາຫານ ມີມູນຄ່າ 2 ລ້ານກວ່າກີບ, ປະເພດ ຢາສູບຕ່າງໆມີມູນ ຄ່າ ເກືອບ 7 ລ້ານກີບ, ລວມ ມີມູນຄ່າທັງໝົດ 16 ລ້ານ ກວ່າກີບ.

ທ່ານຫົວໜ້າຫ້ອງການອຸດສາຫະກໍາ ແລະ ການ ຄ້າເມືອງ ໃຫ້ຮູ້ວ່າ: ຈະສືບ ຕໍ່ລົງສຶກສາອົບຮົມການ ເມືອງແນວຄິດ, ເຜີຍແຜ່ ລະບຽບ, ກົດໝາຍ, ນິຕິກຳ ຕ່າງໆທີ່ເປັນການປົກປ້ອງ ຜູ້ຊົມໃຊ້ ແລະ ສືບຕໍ່ຕິດ ຕາມກວດກາ ສິນຄ້າຕ່າງໆ ຢູ່ໃນຄວາມຮັບຜິດຊອບ ຂອງຕົນໃຫ້ຖືກຕ້ອງຕາມ ລະບຽບກົດໝາຍ./.