ຮ້ານຄໍາ ສີຫອມ ມີສຸກ SMJ ແລະ WCG Diamond ຈັດງານຂອບໃຈລູກຄ້າ 2018

ຮ້ານຄຳ ສີຫອມ ມີສຸກ SMJ, WCG Diamond ແລະ AIDA lao jewelry ໄດ້ຈັດງານຂອບໃຈລູກຄ້າປະຈຳປີ 2018 “THANK YOU PARTY 2018”, ຂຶ້ນໃນວັນທີ 17 ພະຈິກນີ້, ທີ່ສູນການຄ້າວຽງຈັນເຊັນເຕີ ຊຶ່ງຄັ້ງນີ້ເປັນຄັ້ງທີ 4 ເພື່ອຄືນກຳໄລໃຫ້ແກ່ລູກຄ້າທີ່ໄດ້ອຸດໜູນຕະຫລອດມາ, ໂດຍການເຂົ້າຮ່ວມຂອງທ່ານ ວິໄລສັກ ສຸລິຈັນ ຜູ້ກໍ່ຕັ້ງ ແລະ ຜູ້ບໍລິຫານຮ້ານຄຳສີຫອມມີສຸກ SMJ, AIDA jewelry, ທັງເປັນຮອງປະທານສະມາຄົມຊາວຄ້າຂາຍອັນຍະມະນີ ແລະ ເຄື່ອງປະດັບລາວ, ທ່ານນາງ ສຸພາກອນ ປີຊາ ກຳມະການຜູ້ຈັດການໃຫຍ່ WCG DIAMOND, ມີຮອງຫົວໜ້າພະແນກສົ່ງເສີມການຕະຫລາດ, ກົມສົ່ງເສີມການຄ້າ ກະຊວງອຸດສາຫະກຳ ແລະ ການຄ້າ, ມີບັນດາລູກຄ້າ ແລະ ແຂກຖືກເຊີນເຂົ້າຮ່ວມເປັນຈໍານວນຫຼາຍ.

ໃນງານມີກິດຈະກໍາຫຼາຍຢ່າງ ເພື່ອໃຫ້ລູກຄ້າໄດ້ຮ່ວມມ່ວນຊື່ນ ແລ ະລຸ້ນຮັບຂອງລາງວັນປະກອບມີ: ແຫວນເພັດ 1 ກະຣັດ, ລົດຈັກ HONDA WAVE, ຄຳຮູບປະພັນ ແລະ ເຄື່ອງໃຊ້ໄຟຟ້າຕ່າງໆ ຫຼາຍກວ່າ 70 ລາງວັນ, ລວມມີມູນຄ່າຫຼາຍກວ່າ 300 ລ້ານກີບ. ນອກນີ້, ໃນງານຍັງມີການປະມູນເຄື່ອງປະດັບຂອງຮ້ານຄຳ ສີຫອມ ມີສຸກ SMJ, WCG Daimond ແລະ AIDA lao jewelry ນໍາດ້ວຍ, ສ່ວນເງິນທີ່ໄດ້ຈາກການປະມູນຈະນຳໄປຊ່ວຍເດັກນ້ອຍເຂດຊົນນະບົດຫ່າງໄກສອກຫລີກ; ພ້ອມນີ້, ໃນງານຍັງມີການເປີດໂຕ “ນາຍໂມເມັ້ນ” (9 Moment) ເຊິ່ງເປັນຮ້ານທີ່ຮັບຊື້-ຂາຍ ແລກປ່ຽນໂມງຍີ່ຫໍ່ທີ່ມີຊື່ສຽງ ລະດັບໂລກເຊັ່ນ: ໂຣເລັກ (ROLEX), ປາເຕັກ (PATEK), ໂອເມກາ(OMEGA), ເຕ໋ກ (TAG), ເອພີ (AP) ແລະ ອື່ນໆນຳດ້ວຍ.

ຮ້ານຄຳ ສີຫອມ ມີສຸກ SMJ, ມີແນວທາງທີ່ວ່າ “one stop Shopping”  ເປັນຕົ້ນແມ່ນເຄື່ອງປະດັບຄໍາແທ້ 99.99, ເພັດແທ້, ຄໍາຝຣັ່ງ, ຄໍາ ltaly 18K, ໂມງ ແລະ ອື່ນໆ. ປັດຈຸບັນມີຢູ່ 2 ສາຂາຄື: ຕະຫຼາດເຊົ້າ ຊອບປິງມໍ (Shopping mall 2), ສູນການຄ້າວຽງຈັນເຊັນເຕີ ແລະ ຈະເປີດໃຫ້ບໍລິການໃນໄວໆນີ້ທີ່ສູນການຄ້າ WORLD TRADE CENTER.