ທີມຊາດຫວຽດນາມອາດຖືກປັບໄໝ ພ້ອມຖືກຫ້າມແຟນບານ
ທີມຊາດຫວຽດນາມ ອາດຖືກລົງໂທດໜັກສຸດໃນປະຫວັດສາດ ຫລັງມີແຟນບານຈຸດພຸ ແລະ ຖິ້ມຂວດນ້ຳໃສ່ນັກເຕະ ໃນການແຂ່ງຂັນບານເຕະ ເອເອັຟເອັຟ ຊູຊຸກິ ຄັບ 2018 ນັດທີ່ ຫວຽດນາມ ຊະນະ ມາເລເຊຍ 2-0 ໃນວັນທີ 16 ພະຈິກຜ່ານມາ ເຮັດໃຫ້ອາດຕ້ອງຫລິ້ນແບບບໍ່ມີແຟນບານໃນບ້ານຂອງຕົນເອງ.
ເຫດການດັ່ງກ່າວເກີດຂຶ້ນໃນນັດທີ ຫວຽດນາມ ເປີດບ້ານເອົາຊະນະ ມາເລເຊຍ 2-0 ທ່າມກາງແຟນບານເຕັມສະໜາມ ໂດຍແຟນບານເຈົ້າຖິ່ນໄດ້ເຮັດຜິດກົດຈູດພຸ ກໍ່ໃຫ້ເກີດແສງໃນຈຸດດັ່ງກ່າວພາຍໃນສະໜາມເຖິງ 5 ຄັ້ງ ພ້ອມກັບມີການຖິ້ມຂວດນ້ຳໃສ່ຜູ້ຫລິ້ນຂອງ ມາເລເຊຍ ໃນຈັງຫວະປະທະກັບ ຫວງຽນຄອງເຟື່ອງ ໄລຍະເຄິ່ງເວລາທີ 2 ເຊິ່ງກໍລະນີດັ່ງກ່າວອາດສົ່ງຜົນໃຫ້ ສະຫະພັນບານເຕະຫວຽດນາມ ຖືກ ເອເອັຟຊີ ລົງໂທດ ດ້ວຍການປັບໄໝເງິນສູງເຖິງ 70.000 ໂດລາສະຫະລັດ ເຊິ່ງເປັນການປັບໄໝຫລາຍທີ່ສຸດໃນປະຫວັດສາດ ແລະ ມີໂອກາດທີ່ຈະຖືກຫ້າມແຟນບານເຂົ້າຊົມໃນນັດທີ່ ຫວຽດນາມ ຈະເປີດບ້ານຮັບການມາຢາມຂອງ ກຳປູເຈຍ ໃນນັດສຸດທ້າຍຂອງຮອບແບ່ງກຸ່ມ.
