ທຳມະລັກ ຄວ້າຮອງແຊ້ມກ໊ອຟ ເອ ຄລາສ ໄທແລນ

ທ້າວ ທຳ​ມະ​ລັກ ບົວ​ຫອມ ນັກກ໊ອຟໜຸ່ມ​ຈາກ ສປປ ລາວ ສ້າງ​ຜົນງານ​ໄດ້​ຢ່າງ​ໂດດ​ເດັ່ນ​ໃນ​ການ​ຮ່ວມ​ແຂ່ງຂັນ​ກ໊ອຟ ລາຍການ ​ເອ ຄລາສ ​ໄທ​ແລນ ຫລື A Class Thailand ສາມາດ​ຄວ້າ​ຮອງ​ແຊ້ມມາ​ຄອງ ທີ່​ແຂວງຣະຍອງ ປະ​ເທດ​ໄທ ​ເປັນ​ເຈົ້າພາບ. ຂະນະ​ທີ່ ກ່ອນ​ໜ້ານັ້ນກໍ​ສາມາດ​ຄວ້າ​ຮອງ​ແຊ້ມການ​ແຂ່ງຂັນ​ກ໊ອຟສະໝັກ​ຫລິ້ນ ລາຍການ​ແມ່ນ້ຳລ້າ​ນຊ້າງ-​ແມ່ນ້ຳຂອງ ຄັ້ງທີ 1 ມາ​ຄອງ​ໄດ້​ເຊັ່ນ​ກັນ.

​ເຖິງ​ວ່າລາຍການ​ນີ້​ຈະ​ມີ​ນັກ​ກິລາ​ເຂົ້າຮ່ວມ​ໜ້ອຍ​ຄົນ ​ແຕ່​ດ້ວຍ​ສີມື​ນັກ​ກິລາ​ທີ່​ບໍ່​ເປັນ​ຮອງ​ໃຜ​ໃນ​ລະດັບ​ເຂດ​ລຸ່ມ​ແມ່ນ້ຳຂອງ​ເວົ້າລວມ, ​ເວົ້າສະ​ເພາະ​ແມ່ນ​ທ້າວ ທຳ​ມະ​ລັກ ບົວ​ຫອມ ສາມາດ​ຍາດ​ຂັນ​ລາງວັນ​ຮອງ​ຊະນະ​ເລີດ ອັນ​ດັບ 1 ປະ​ເທດ Overall Gross Score ມາຄອງ​ໄດ້​ສຳ​ເລັດ.