ອີຢູຂູ່ຕອບໂຕ້ຖ້າອາເມລິກາ ເກັບພາສີລົດນຳເຂົ້າ
ທ່ານ ນາງ ເຊຊິເລຍ ມາມສະຕຣອມ ກຳມາທິການການຄ້າສະຫະພາບເອີຣົບ (ອີຢູ) ກ່າວເຕືອນວ່າ: ອີຢູ ຈະດຳເນີນມາດຕະການຕອບໂຕ້ ຖ້າປະທານາທິບໍດີ ໂດນັລ ທຣຳ ອອກນະໂຍບາຍໃໝ່ຮຽກເກັບພາສີລົດຍົນນຳເຂົ້າ.
ເຈົ້າໜ້າທີ່ ອີຢູ ພົບກັບທ່ານ ໂຣເບີດ ໄລໄຮເຊີ ຜູ້ແທນການຄ້າອາເມລິກາ ເພື່ອຫາລືລາຍລະອຽດໃນການເປີດກວ້າງທາງການຄ້າລະຫວ່າງສອງຝ່າຍໃຫ້ຫລາຍຂຶ້ນ, ແຕ່ຍັງບໍ່ມີການກຳນົດເສັ້ນຕາຍເພື່ອບັນລຸຂໍ້ຕົກລົງ. ພາຍຫລັງປະທານາທິບໍດີ ທຣຳ ແລະ ທ່ານ ໝອງໂຄດ ຍຸງເກີ ປະທານຄະນະກຳມາທິການເອີຣົບ ຕົກລົງກັນໃນເດືອນກໍລະກົດ ໃຫ້ເລື່ອນການໃຊ້ແຜນເກັບພາສີໃໝ່ອອກໄປກ່ອນລະຫວ່າງການເຈລະຈາຍັງດຳເນີນຕໍ່ໄປ, ຄາດວ່າກະຊວງການຄ້າອາເມລິກາຈະລາຍງານທຳນຽບຂາວວ່າ: ການໃຊ້ມາດຕະການເກັບພາສີລົດຍົນມີຄວາມຍຸຕິທຳຕາມກົດໝາຍ ເພື່ອປົກປ້ອງຜົນປະໂຫຍດແຫ່ງຊາດຂອງອາເມລິກາ ຫລື ບໍ່. ເຈົ້າໜ້າທີ່ອີຢູ ເຕືອນຜູ້ແທນການຄ້າອາເມລິກາວ່າ: ແນວທາງດັ່ງກ່າວຈະສົ່ງຜົນກະທົບຕໍ່ການຈ້າງວຽກໃນອຸດສາຫະກຳລົດຍົນ.
