ໜັງຂົນຄົນນິຍົມ

ໂດຍ: ຊາຍພະເນຈອນ.

ການເຮັດໜັງເຄັມຂາຍກໍແມ່ນອີກທາງເລືອກໜຶ່ງ ທີ່ຄົນລາວເຮົານິຍົມກັນ ເຮັດເປັນອາຊີບເພື່ອຫັນໄປ ສູ່ທຸລະກິດຄ້າຂາຍເພາະໜັງເຄັມ ຄືອາຫານທີ່ຄົນ ລາວນິຍົມ ກິນມາແຕ່ ສະ ໄໝບູຮານ, ເປັນອາຫານ ສໍາລັບຜູ້ທີ່ແຂ້ວດີແຂງ ແຮງພໍທີ່ຈະຄ້ຽວ ແລະ ຫຍໍ້າໜັງໄດ້ ແລະ ຍັງເປັນອາ ຫານກັບແກ້ມ ຢ່າງສຸດຍອດ ສໍາລັບນັກດື່ມທັງຫຼາຍ ຈຶ່ງກາຍເປັນສິນຄ້າທີ່ດີ ແລະ ໄດ້ຮັບຄວາມນິຍົມ ຈາກສັງຄົມ.

+ ປູກເຫັດອາຊີບທີ່ເຮັດໄດ້ງ່າຍ2018/

+ ປູກຜັກຂາຍກາຍເປັນຄອບຄົວຕົວແບບ2018/

ດັ່ງຄອບຄົວຂອງ ນ. ວັນໄຊ, ປັດຈຸບັນ ຢູ່ ບ້ານ ປາກທ້າງ, ເມືອງ ສີໂຄດ ຕະບອງ, ນະຄອນຫຼວງ ວຽງ ຈັນ, ເຊິ່ງໃນເມື່ອກ່ອນ ແມ່ນ ໄດ້ປະກອບອາຊີບທໍາມາຄ້າ ຂາຍເປັນປະເພດອາຫານ ຕາມສັ່ງ, ເຊິ່ງໃນໄລຍະນັ້ນ, ເຫັນຄົນລາວເຮົາມັກບໍລິ ໂພກໜັງເຄັມຫຼາຍຂຶ້ນ ຈຶ່ງ ໄດ້ຢຸດເຊົາອາຊີບເກົ່າ ແລ້ວ ຫັນມາເຮັດໜັງເຄັມຂາຍ ເປັນການທົດລອງໃນ ເບື້ອງ ຕົ້ນແຕ່ຍັງຂາດປະສົບການ ໃນການປຸງແຕ່ງເຮັດໃຫ້ ລົດຊາດຍັງບໍ່ທັນເຂົ້າທີ່ ເຂົາທາງພໍເທົ່າໃດ, ຈຶ່ງເຮັດ ໃຫ້ຂາຍໜັງຍາກ, ເຊິ່ງບາງ ມື້ໄດ້ຂາຍ ແລະ ບາງມື້ກໍບໍ່ ໄດ້ຂາຍ, ຈົນມາຮອດທ້າຍປີ 2010 ຈຶ່ງເລີ່ມມີລູກຄ້າເຂົ້າ ມາຊື້ໜັງຫຼາຍຂຶ້ນ, ຍ້ອນ ມີການປັບປຸງລົດຊາດ ແລະ ເພີ່ມສີສັນຄວາມແຊບຂຶ້ນ ຕື່ມອີກ.

ຜູ້ເປັນສາມີ ນ. ພອນໄຊ ໃຫ້ຮູ້ວ່າ: ຕົກມາຮອດໄລຍະ ສາມປີມານີ້, ທຸລະກິດຂາຍ ໜັງເຄັມດໍາເນີນໄປໄດ້ດີ ແລະ ໄດ້ມີລູກຄ້າຫຼາຍຂຶ້ນ, ສໍາລັບປີນີ້ ເປັນປີທີ່ໄດ້ ຂາຍດີທີ່ສຸດ, ເຊິ່ງມື້ໜຶ່ງບໍ່ ຕໍ່າກວ່າ 20-30 ກິໂລໃນ ລາຄາ ກິໂລລະ 30.000-40.000 ກີບ ເພາະເປັນໜັງ ມີຂະໜາດຍາວ, ໃຫຍ່ ແລະ ຄຸນນະພາບດີ.

ນອກຈາກການຂາຍ ຍ່ອຍແລ້ວ ຍັງໄດ້ຂາຍຍົກ ໃຫ້ຊາວຄ້າຂາຍ ຈໍານວນ ໜຶ່ງມາຮັບຊື້ເອົາໄປຂາຍ ຕໍ່ຢູ່ທ້ອງຖິ່ນຂອງຕົນເປັນ ປະຈໍາ ແລະ ຈຶ່ງເຫັນວ່າ ສາມາດສ້າງລາຍຮັບມາໃຫ້ ຄອບຄົວຢ່າງໜ້າເພິ່ງພໍ ໃຈ, ເຊິ່ງ ສະເລ່ຍແລ້ວມື້ ໜຶ່ງ ໄດ້ປະມານ 9 ແສນ-1 ລ້ານກີບ.

ຈາກລາຍຮັບ ທີ່ໄດ້ມາ ນັ້ນ, ເຮັດໃຫ້ຊີວິດການ ເປັນ ຢູ່ພາຍໃນຄອບຄົວນັບມື້ດີ ຂຶ້ນເຊັ່ນ: ສາມາດປຸກເຮືອນ ໄດ້, ຊື້ພາຫະນະຮັບໃຊ້ຄອບ ຄົວ ແລະ ມີທຶນໝູນວຽນ ທໍາມາຄ້າຂາຍ. ຍ້ອນຄວາມເອົາໃຈໃສ່ ແລະ ໃຫ້ຄວາມສໍາຄັນກັບ ອາຊີບທີ່ຕົນເອງມັກຮັກ ດ້ວຍການພັດທະນາສີມື ການຜະລິດ, ປຸງແຕ່ງມີລົດ ຊາດທີ່ດີ ແລະ ບໍລິການລູກ ຄ້າ ດ້ວຍນໍ້າໃຈ ເຮັດໃຫ້ສັງ ຄົມຍອມຮັບຈົນກາຍເປັນທຸ ລະກິດທີ່ດີໃຫ້ແກ່ຄອບຄົວ ມາຮອດທຸກມື້ນີ້./.