ຈີນເປີດກອງປະຊຸມອິນເຕີເນັດໂລກຄັ້ງທີ 5
ກອງປະຊຸມອິນເຕີເນັດໂລກຄັ້ງທີ 5 ເລີ່ມຂຶ້ນແລ້ວ ຢູ່ເມືອງອູເຈິ້ນ ແຂວງເຈີຈຽງ ທາງຕາເວັນອອກຂອງຈີນ ໃນວັນທີ 7 ພະຈິກນີ້ ໂດຍມີຜູ້ມາຮ່ວມງານປະມານ 1.500 ຄົນຈາກ 70 ກວ່າປະເທດ ແລະ ດິນແດນທົ່ວໂລກ.
ກອງປະຊຸມໃນປີນີ້ມີຄຳຂວັນວ່າ: ການສ້າງສັນໂລກດິຈີຕອນເພື່ອຄວາມໄວ້ວາງໃຈ ແລະ ບໍລິຫານຈັດການຮ່ວມກັນ ເພື່ອນຳໄປສູ່ຊຸມຊົນໄຊເບີສະເປຊໃນອະນາຄົດ ແລະ ແລກປ່ຽນດ້ານດິຈີຕອນ ລວມທັງສົ່ງເສີມສັນຕິພາບ ແລະ ການພັດທະນາໄຊເບີສະເປຊທົ່ວໂລກ. ກອງປະຊຸມແບ່ງເປັນກອງປະຊຸມເວທີຍ່ອຍ 19 ລາຍການ ພາຍໃຕ້ແນວຄິດ 5 ເລື່ອງ ໄດ້ແກ່: ສົ່ງເສີມການພັດທະນານະວັດຕະກຳ, ຄວາມໝັ້ນຄົງທົ່ວໂລກ, ເປີດກວ້າງ ແລະ ທົ່ວເຖິງເພື່ອຊີວິດທີ່ດີກວ່າ ແລະ ຄວາມກ້າວໜ້າຮ່ວມກັນ ລວມທັງຈະເຜີຍແຜ່ລາຍງານຄວາມສຳເລັດທາງວິທະຍາສາດ ແລະ ເຕັກໂນໂລຊີ.
