ປກສ ເມືອງສີສັດຕະນາກລົງແກ້ໄຂກຸ່ມມົ້ວສຸມຢາເສບຕິດ

ໃນວັນທີ 1 ພະຈິກ ນີ້ ພະນັກງານລົງກໍ່ສ້າງຮາກ ຖານ ເມືອງ ສີສັດຕະນາກ ໄດ້ລົງແກ້ໄຂເປົ້າຫມາຍມົ້ວ ສຸມຢາເສບຕິດ ຢູ່ຮ້ານເກມ, ອອນໄລ ແລະ ອິນເຕີເນັດ ເຂດ ບ້ານ ສະພານທອງເຫນືອ ແລະ ບ້ານ ທົ່ງພານທອງ ຊຶ່ງສາມາດຈັບ ຜູ້ມົ້ວສຸມຢາເສບຕິດໄດ້ ຫລາຍກ່ວາ 20 ຄົນ ໃນນີ້ ພົບຜູ້ ທີ່ເຄື່ອນໄຫວຄ້າຂາຍຢາ ເສບຕິດສອງຄົນ ຊຶ່ງເຈົ້າໜ້າ ທີ່ໄດ້ສົ່ງຕົວໄປດຳເນີນຄະດີ
ເຈົ້າໜ້າທີ່ ໃຫ້ຮູ້ວ່າ: ການລົງແກ້ໄຂສິ່ງຫຍໍ້ທໍ້ຄັ້ງນີ້ ແມ່ນການຜັນຂະຫຍາຍນະ ໂຍບາຍ 3 ຫລຸດ 3 ເພີ່ມ ຂອງ ເຈົ້າຄອງນະຄອນຫລວງ ວຽງຈັນວາງອອກ ນອກຈາກ ນີ້ ຍັງສາມາດເກັບກູ້ລົດທີ່ ຄົນບໍ່ດີລັກໄປໄດ້ ຈຳນວນໜຶ່ງ ແນວໃດກໍດີ ການເປີດຮ້ານເກມ ອອນລາຍ ປັດຈຸບັນເຫັນວ່າ ມີຈຳນວນເພີ່ມຂຶ້ນ ສະເພາະຢູ່ ເມືອງ ສີສັດຕະນາກ ມີຫລາຍ ກ່ວາ 50 ຮ້ານ ໃນນີ້ ມີບາງແຫ່ງ ເປີດ ບໍລິການຕະຫລອດ 24 ຊົ່ວໂມງ ແລະ ເຮັດໃຫ້ມີກຸ່ມ ໄວລຸ້ນໄປຫລີ້ນ ແລະ ມົ່ວສຸມ ເສບຢາເປັນຈຳນວນຫລາຍ, ສະນັ້ນ ຈຶ່ງເລັ່ງແກ້ໄຂປະກົດ ການຫຍໍ້ທໍ້ດັ່ງກ່າວໃຫ້ຫລຸດ ໜ້ອຍລົງ./.

+ ກຳປູເຈຍຈັບແກ້ງຕົ້ມຕຸນຊາວຈີນ 119 ຄົນ2018/

+ ຕຳຫລວດເມືອງສີໂຄດຕະບອງຈັບຕົວຄົນຮ້າຍລັກຊັບ 2 ຄົນມາດຳເນີນຄະດີ2018/