ເດເລ້ ອາວລີ້ ຕົກລົງຕໍ່ສັນຍາກັບ ສະເປີ ມູນຄ່າຈີກສັນຍາບໍ່ຕໍ່າກວ່າ 100 ລ້ານປອນ
October 31, 2018 - 5:39 PM
ເດເລ້ ອາວລີ້ (Dele Alli) ກອງກາງຕົວບຸກທີມຊາດອັງກິດ ອາຍຸ 22 ປີ ຕົກລົງຕໍ່ສັນຍາກັບຕົ້ນສັງກັດ ທ໊ອດແນມ ຮ໊ອດສະເປີ ອີກ 2 ປີ ຈົນຮອດປີ 2024 ໂດຍມີມູນຄ່າຈີກສັນຍາບໍ່ຕໍ່າກວ່າ 100 ລ້ານປອນ. ອາວລີ້ ຍ້າຍຈາກ ມິວຕັນ ຄີນດອນສ໌ (MK Dons) ໃນປີ 2015 ມູນຄ່າ 5 ລ້ານປອນ ລົງສະໜາມຊ່ວຍສະເປີ 153 ນັດ ລວມທຸກລາຍການ ຍິງໄດ້ 48 ປະຕູ.
ອາວລີ້ ກ່າວວ່າ: “ຂ້ອຍຮັກ ແລະ ມີຄວາມສຸກກັບສະໂມສອນແຫ່ງນີ້ ຮູ້ສຶກຕື່ນເຕັ້ນກັບຄວາມທ້າທາຍໃນອະນາຄົດຂ້າງໜ້າ”. ອາວລີ້ ເປັນນັກເຕະແກ່ນຫລັກຄົນທີ 4 ຂອງທີມທີ່ຕັດສິນໃຈຕໍ່ສັນຍາກັບທີມ ຕໍ່ຈາກ ແຮຣີ້ ເຄນ, ແຮຣີ້ ວິງສ໌, ຊ໋ອນເຮືອງມິນ ແລະ ເອຣິກ ລາເມລ້າ.
ຄາດວ່າ ອາວລີ້ ຈະໄດ້ຄ່າເມື່ອຍເພີ່ມເປັນ 90.000 ປອນຕໍ່ອາທິດ.
