ກອງປະຊຸມຄົບຄະນະຂອງກຳມາທິການຍຸຕິທຳ ປະຈຳປີ 2018
ກອງປະຊຸມຄົບຄະນະຂອງກຳມາທິການຍຸດຕິທຳ ປະຈຳປີ 2018 ໄດ້ຈັດຂຶ້ນໃນທ້າຍເດືອນຕຸລານີ້ ທີ່ນະຄອນຫຼວງວຽງຈັນ, ມີທ່ານ ນາງ ບົວຄຳ ທິບພະວົງ ປະທານກຳມາການຍຸດຕິທຳ ສະພາແຫ່ງຊາດ ແລະ ຜູ້ຕ່າງໜ້າກຳມາທິການ ເຂົ້າຮ່ວມຢ່າງ.
ໃນກອງປະຊຸມໄດ້ສະຫຼຸບຕີລາຄາການເຄື່ອນໄຫວຈັດຕັ້ງປະຕິບັດວຽກງານ ຂອງກຳມາທິການດັ່ງກ່າວ ນັບແຕ່ກອງປະຊຸມຄັ້ງປະຖົມມາລຶກ ເຖິງປັດຈຸບັນ ແລະ ແຜນການວຽກງານແຕ່ນີ້ຮອດກອງປະຊຸມປະຖົມມາລຶກຂອງສະພາແຫ່ງຊາດ ຊຸດທີ IX, ການເຄື່ອນໄຫວວຽກງານປະຈຳປີ 2018 ແລະ ທິດທາງວຽກງານຈຸດສຸມ ປະຈຳປີ 2019 ຂອງກຳມາທິການຍຸດຕິທຳ ໂດຍສະເພາະ ວຽກງານຕິດຕາມກວດກາການຈັດຕັ້ງປະຕິບັດ ລັດຖະທຳມະນູນ ແລະ ກົດໝາຍ, ວຽກງານແກ້ໄຂຄຳຮ້ອງຂໍຄວາມເປັນທຳ ທີ່ຈະນຳເຂົ້າຜ່ານກອງປະຊຸມສະໄໝສາມັນເທື່ອທີ່ 6 ຂອງສະພາແຫ່ງຊາດ ຊຸດທີ VIII, ເພື່ອຄົ້ນຄວ້າປະກອບຄຳຄິດເຫັນໃສ່ຮ່າງບົດລາຍງານການເຄື່ອນໄຫວວຽກງານປະຈຳປີ 2018 , ທິດທາງແຜນການປີ 2019 ຂອງອົງການໄອຍະການປະຊາຊົນສູງສຸດ, ສານປະຊາຊົນສູງສຸດ ແລະ ຄົ້ນຄວ້າປະກອບຄຳຄິດຄຳເຫັນໃສ່ຮ່າງນິຕິກຳວ່າດ້ວຍການພິຈາລະນາ ແລະ ແກ້ໄຂຄຳຮ້ອງຂໍຄວາມເປັນທຳ, ຂໍ້ຕົກລົງວ່າດ້ວຍການຮັບ ແລະ ພິຈາລະນາຄຳຮ້ອງຂໍຄວາມເປັນທຳຂອງກຳມາການທິການຍຸດຕິທຳ ສະພາແຫ່ງຊາດ.
