ຊາວນະຄອນ ໄກສອນ ພົມວິຫານ ອອກພັນສາ ແລະ ຊ່ວງເຮືອປະເພນີດ້ວຍບັນຍາກາດຟົດຟຶ້ນ

ປີນີ້ຊາວນະຄອນ ໄກສອນ ພົມວິຫານ ແຂວງສະຫວັນນະ ເຂດ ໄດ້ຈັດງານບຸນອອກພັນ ສາ ແລະ ຊ່ວງເຮືອປະເພນີຍິ່ງ ໃຫຍ່ກວ່າທຸກປີທີ່ຜ່ານມາ, ເພື່ອຕິດພັນກັບສົ່ງເສີມປີທ່ອງ ທ່ຽວລາວ ໃຫ້ບັນລຸຜົນສຳເລັດ ເຊິ່ງງານດັ່ງກ່າວໄດ້ຈັດຂຶ້ນ ຢ່າງຟົດຟື້ນເປັນເວລາ 15 ວັນ (10-25 ຕຸລານີ້)ໂດຍການເຂົ້າ ຮ່ວມຂອງ ທ່ານ ຄຳພູນ ຕຸໄພທູນ ຮອງເຈົ້າ ແຂວງສະຫວັນນະ ເຂດ, ທ່ານ ຄຳເຜີຍ ຜັນທະຈອນ ປະທານສະພາປະຊາຊົນ ແຂວງ, ທ່ານ ສັກສິດ ສະກຸນ ລິດເລດສີມາ ຮອງຜູ້ວ່າ ຣາຊະ ການຈັງຫວັດມຸກດາຫານ ແລະ ທ່ານ ກົງສູນໃຫຍ່ ສສ ຫວຽດນາມ, ກົງສູນໃຫຍ່ ແຫ່ງ ຣາຊະອານາຈັກໄທປະຈຳ ແຂວງ, ພ້ອມດ້ວຍມວນຊົນ ຊາວ ແຂວງສະຫວັນນະເຂດ ເຂົ້າຮ່ວມຢ່າງຫລວງຫລາຍ.

+ ທ່ຽວຊົມທຳມະຊາດເມືອງຄຳແຂວງຊຽງຂວາງ2018/

+ ປະເພນີຕ່າງໆ ໃນງານບຸນອອກພັນສາ-ປະວໍລະນາ2018/

ໂອກາດນີ້, ທ່ານ ເຈົ້ານະ ຄອນໄກສອນ ພົມວິຫານ ໃຫ້ ຮູ້ວ່າ: ງານບຸນປະເພນີອອກພັນ ສາ ແລະ ຊ່ວງເຮືອປີນີ້ ໄດ້ດຳ ເນີນໄປດ້ວຍບັນຍາກາດຟົດຟື້ນ ແລະ ມີຫລາກຫລາຍກິດຈະກຳ ຄື: ງານວາງສະແດງ ແລະ ຈຳ ໜ່າຍສິນຄ້າປະເພດຕ່າງໆ ຂອງ ບັນດາຫົວໜ່ວຍທຸລະ ກິດ, ຫ້າງຮ້ານຕ່າງໆ ທັງພາກ ລັດ ແລະ ເອກະຊົນຈາກພາຍ ໃນ ແລະ ຕ່າງແຂວງເຂົ້າຮ່ວມ ກວ່າ 200 ຮ້ານ, ພິເສດໃນປີນີ້ ແມ່ນໃນຄ່ຳຄືນວັນທີ 24 ຕຸລາ ທີ່ຜ່ານມາ, ໄດ້ມີການປະກວດ ກະໂທງໃຫຍ່ ແລະ ການໄຫລ ເຮືອໄຟຈາກກຸ່ມບ້ານພັດທະນາ ໃນ ເທສະບານນະຄອນ.

ຊົມການສະແດງເປົ່າແຄນ ຂອງສະໂມສອນຈາກນະຄອນ ຫລວງວຽງຈັນ ທີ່ໄດ້ຮັບຮອງ ເປັນມໍລະດົກໂລກຂອງລາວ, ຂະບວນແຮ່ໂຮໂກ້ປີທ່ອງທ່ຽວ ລາວ, ຂະບວນແຮ່ລາຊະລົດ ແກ່ກະໂທງຂອງກຸ່ມບ້ານທີ 1, ຂະບວນຟ້ອນມິດຕະພາບ ລາວ- ໄທ, ຂະບວນຟ້ອນຈາກ ຊາວບ້ານຕ່າງໆ ແລະ ກ້ອນ ກຳລັງບັນດາເຜົ່າໃນທົ່ວ ແຂວງ, ຂະບວນເປົ່າແຄນລຳ 4 ຈັງຫວະ ທີ່ເປັນເອກະລັກ ຂອງແຂວງ, ນອກນັ້ນ, ຍັງໄດ້ ຊົມການເປີດໜ້ານ້ຳຂອງສີ ພາຍເຮືອປະເພນີກຸ່ມບ້ານພັດ ທະນາທີ 1, ທີ 6 ແລະ ເຮືອປະ ເພນີຈາກຈັງຫວັດມຸກດາຫານ, ຣາຊະອານາຈັກໄທ ຕາມດ້ວຍ ການແຂ່ງຂັນເຮືອຮອບຕີຊ້າງ ນ້ຳນອງ ແລະ ຊົມການແຂ່ງຂັນ ເຮືອຊ່ວງປະເພດ ຕ່າງໆ ທັງ ໝົດ 3 ປະເພດຄື: ເຮືອປະເພນີ ດັ່ງເດີມ, ເຮືອສຸດ ແລະ ເຮືອ ກິລາ, ມີ 5 ຮຸ່ນແຂ່ງຂັນ, ເຊິ່ງມີ ທັງເຮືອຈາກພາຍໃນແຂວງ ແລະ ຕ່າງປະເທດເຂົ້າຮ່ວມ ທັງໝົດຈຳນວນ 32 ລຳພ້ອມ ທັງຮັບຊົມການສະແດງສິລະ ປະວັນນະຄະດີ ແລະ ກິດຈະກຳ ຕ່າງໆ ທີ່ທາງນະຄອນ ໄກສອນ ພົມວິຫານກະກຽມໄວ້ດ້ວຍບັນ ຍາກາດອັນຟົດຟື້ນມ່ວນຊື່ນ./.