ແຂວງເຊກອງຈ່າຍເງິນນະໂຍບາຍໃຫ້ຜູ້ມີຄຸນງາມຄວາມດີຕໍ່ການປະຕິວັດ 12 ຕື້ກວ່າກີບ
ໃນວັນທີ 19 ຕຸລານີ້, ຂະແໜງນະໂຍບາຍຕໍ່ຜູ້ມີຜົນ ງານ, ພິການ ແລະ ຜູ້ອາຍຸສູງ ແຂວງເຊກອງ ໄດ້ຈັດກອງ ປະຊຸມສະຫຼຸບການຈັດຕັ້ງ ປະຕິບັດວຽກງານ ຂອງຕົນ, ນັບແຕ່ປີ 2011 ເປັນຕົ້ນມາ, ໂດຍໄດ້ປະຕິບັດນະໂຍບາຍ ໃຫ້ນັກປະຕິວັດ, ຜູ້ມີຄຸນງາມ ຄວາມດີຕໍ່ປະເທດຊາດແລ້ວ 588 ທ່ານ ເປັນເງິນ 12,6 ຕື້ ກວ່າກີບຄື: ປະຕິບັດນະໂຍ ບາຍຜູ້ເສຍຊີວິດ 227 ທ່ານ ເປັນເງິນ 5,2 ຕື້ກວ່າກີບ; ເງິນ ອຸດໜູນເທື່ອດຽວ, ປະຕິບັດ ຜູ້ເສຍຊີວິດ 177 ທ່ານ ເປັນ ເງິນ 3 ຕື້ກວ່າກີບ; ຂໍນະໂຍ ບາຍທຶນປຸກສ້າງ-ສ້ອມແປງ ເຮືອນ, ປະຕິບັດ ແລ້ວ 48 ທ່ານ ເປັນເງິນ 1,1 ຕື້ກວ່າກີບ; ຂໍຮັບ ບຳນານຄືນ 64 ທ່ານ ແລະ ຂໍນະໂຍບາຍໂກຕ້າລົດປ່ຽນ ແທນມາເປັນເງິນສົດ 72 ທ່ານ, ເປັນເງິນ 3,1 ຕື້ກວ່າກີບ.
+ ນາຍົກລັດຖະມົນຕີແນະນໍາ 4 ແຂວງພາກໃຕ້ເບີກຈ່າຍເງິນເດືອນພະນັກງານເປັນປົກກະຕິ ແລະ ທັນເວລາ.2017/
+ ພາກສ່ວນກ່ຽວຂ້ອງເບິ່ງຄືນການກວດກາສິນຄ້າ ແລະ ເກັບເງິນຢູ່ເບື້ອງຂາອອກຂອງຄິວລົດສາຍໃຕ້2018/
ສຳລັບ ປີ 2019, ທ່ານ ໜູໄໝ່ ຄຳປະເສີດ ຫົວໜ້າ ຂະແໜງນະໂຍບາຍຕໍ່ຜູ້ມີຜົນ ງານ, ພິການ ແລະ ຜູ້ອາຍຸສູງ ແຂວງເຊກອງໃຫ້ຮູ້ວ່າ: ໂດຍ ໄດ້ປະສານສົມທົບກັບພາກ ສ່ວນກ່ຽວຂ້ອງ ແລະ ຫ້ອງການ ຮສສ 4 ຕົວເມືອງສັງລວມ ບັນຊີລາຍຊື່ຜູ້ຈະໄດ້ມີເງື່ອນໄຂ ຂໍນະໂຍບາຍເງິນອຸດໜູນເສຍ ຊີວິດຕາມດຳລັດ 272/ລບ ທີ່ເຂົ້າການປະຕິ ວັດປີ 1954 ຄືນ ຫຼັງທັງໝົດ 85 ທ່ານ ເປັນເງິນ ເກືອບ 2 ຕື້ກີບ ແລະ ຂໍນະໂຍ ບາຍອຸດໜູນເທື່ອດຽວ 100 ທ່ານ ເປັນເງິນທັງໝົດ 2,8 ຕື້ກວ່າກີບ.
ນອກນັ້ນ ປະຊຸມຍັງໄດ້ ເຜີຍແຜ່ແຈ້ງການຂອງລັດຖະ ມົນຕີກະຊວງແຮງງານ ແລະ ສະຫວັດດີການສັງຄົມກ່ຽວ ກັບການໂຈະຮັບເອກະສານ ສະເໜີຂໍນະໂຍບາຍບຳນານ ຄືນຂອງບັນດາເປົ້າໝາຍຕາມ ດຳລັດ 241/ນຍ; ແຈ້ງການ ຂອງກົມນະໂຍບາຍຕໍ່ຜູ້ມີຜົນ ງານກ່ຽວກັບການຈັດລຽງ ບູລິມະສິດແກ້ໄຂນະໂຍບາຍ ສຳລັດເປົ້າໝາຍຜູ້ທີ່ເຂົ້າການ ປີ 1954 ຄືນຫຼັງ, ທັງນີ້ ກໍເພື່ອ ເຮັດໃຫ້ການປະຕິບັດນະໂຍ ບາຍຕ່າງໆຕໍ່ພະນັກງານປະຕິ ວັດອາວຸໂສບຳນານ, ຜູ້ມີຄຸນ ງາມຄວາມດີ ແລະ ຜູ້ເສຍສະ ຫຼະຊີວິດເພື່ອຊາດມີຄວາມໂປ່ງ ໃສ່ ແລະ ເປັນທຳ./.
