ຜູ້ໃຊ້ສື່ສັງຄົມອອນລາຍຕ້ອງມີຈັນຍາທຳ

ໂດຍ: ທິດກ່ຳ 

ສະພາບການບ້ານເມືອງ ເຮົາໃນປັດຈຸບັນພວມມີກະແສ ສື່ໃໝ່ ຫລື ທີ່ເອີ້ນກັນວ່າສື່ອອນ ລາຍ ໄດ້ໂພ່ອອກມາໂຄສະນາ ເວົ້າວ່າດ່າປະຈານທານຂວັນ ກັນຢ່າງອຸດຕະລຸດ, ທັງເປັນວົງ ກວ້າງ ແລະ ກໍເຫັນວ່າໜັກໜ້າ ຂຶ້ນເລື້ອຍໆ.

+ ພັດທະນາສື່ບ້ານເຮົາຕ້ອງພ້ອມສາມກ້ອນເສົ່າສາມປັດໄຈ2018/

+ ຕ້ອງຍົກສູງຄວາມຮັບຮູ້ຂອງສັງຄົມເພື່ອສະກັດກັ້ນຂ່າວອະກຸສົນຈາກສື່ສັງຄົມອອນລາຍ2018/

ປະກົດການທີ່ວ່ານີ້ມັນກໍ ເກີດຂຶ້ນກັບເຊື້ອຊາດລາວ, ຄົນລາວເຮົາດ້ວຍກັນນັ້ນເອງ ເຊັ່ນວ່າ: ລະຫວ່າງລາວນອກ ທີ່ໄດ້ໂຕນໜີໄປລີ້ໄພຢູ່ຕ່າງປະ ເທດພາຍຫລັງໄດ້ເສຍໄຊໃນ ສົງຄາມກູ້ຊາດທີ່ຍັງມີອະຄະຕິ ແລະ ບໍ່ມັກການປົກຄອງໃນລະ ບອບໃໝ່ພາກັນສຸມໃສ່ໂຈມຕີ ເວົ້າວ່າດ່າປະຈານທານຂວັນ ສຽດສີ ຜູ້ນຳພັກລັດຖະບານ ແລະ ອີກຈຳນວນໜຶ່ງກໍແມ່ນ ລະຫວ່າງຄົນລາວພາຍໃຕ້ ອ້ອມອົກຂອງທຸງກາວົງເດືອນ ອັນເປັນສັນຍາລັກຂອງຊາດ ດຽວກັນ.

ຈາກຕົ້ນເຫດທີ່ທິດກ່ຳໄດ້ ເວົ້າມາຂ້າງເທິງນີ້, ຈຶ່ງເຮັດໃຫ້ ບຸກຄົນ ຫລື ກຸ່ມຄົນຈຳນວນໜຶ່ງ ທີ່ຢູ່ພາຍໃນ ແລະ ຕ່າງປະເທດ ມີການເວົ້າວ່າປະຈານທານ ຂວັນກັນບໍ່ເລິກບໍ່ແລ້ວຕ່າງໆ ນາໆເກີດຂຶ້ນ ແລະ ຍິ່ງໄປ ກວ່າ ນັ້ນ, ຍັງນິຍົມອັນເກົ່າ ແລະ ຮຽກ ຮ້ອງເອົາລະບອບການປົກ ຄອງສັກດີນາຄືນມາ, ຖືເອົາທຸງ ຊ້າງສາມຫົວມາເຄົາລົບນົບ ໄຫວ້ຈຶ່ງຈະຖືວ່າເປັນປະຊາທິ ປະໄຕ ຢ່າງແທ້ຈິງວ່າຊັ້ນ!
ແນວໃດກໍດີ, ຕາມທິດກ່ຳ ວ່າທຸກສິ່ງຢ່າງໃນການເບິ່ງ ບັນຫາ, ແກ້ບັນຫາກໍຂໍໃຫ້ອີງ ໃສ່ປະຫວັດສາດ ແລະ ສັດຈະ ທຳມາເປັນຫລັກ.

ໃນການຮຽນຮູ້ປະຫວັດ ສາດຍຸກເກົ່າຜ່ານໆມານັ້ນ, ພວກເຮົາຮຽນຮູ້ຄົນລະຄູ, ເບິ່ງ ໝໍດູ ຄົນລະໝ້ອງຈຶ່ງເຮັດໃຫ້ ເກີດເສີກສົງຄາມໃນອາດີດ ຜ່ານມາ ແລະ ເກີດເສີກນ້ຳລາຍ ຈົນມາຮອດປັດຈຸບັນນີ້.

ແຕ່ຖ້າທຸກຄົນຫາກ ພ້ອມ ກັນຄິດ ແລະ ຍອມຮັບກັບສະ ພາບ ຄວາມເປັນຈິງແລ້ວ, ການ ຕໍ່ສູ້ລະຫວ່າງອັນເກົ່າກັບອັນ ໃໝ່, ລະຫວ່າງອັນກ້າວໜ້າ ກັບ ສິ່ງລ້າຫລັງ, ລະຫວ່າງ ອັນດີກັບອັນຮ້າຍ ຫລື ລະ ຫວ່າງອິດທິກຳລັງປໍລະປັກ ດ້ວຍກັນມັນກໍຈະບໍ່ເກີດຂຶ້ນ ຢ່າງເດັດຂາດ.

ສຸພາສິດບູຮານ ແລະ ຄູ ບາອາຈານເພິ່ນເຄີຍສັງສອນ ເອົາໄວ້ວ່າ: ຢາກໄປໜ້າໃຫ້ ເບິ່ງຫລັງ, ເຫັນປັດຈຸບັນໃຫ້ ເບິ່ງອານາຄົດ.
ເພາະສະນັ້ນໃນບົດນີ້, ທິດ ກ່ຳ ຂໍເວົ້າສະເພາະເຈາະຈົງ ອ່ວາຍໜ້າໄປທາງລາວນອກ ທີ່ຍັງມີອະຄະຕິ, ຍັງມີການເຄື່ອນ ໄຫວຕ້ານກັບລາວໃນດັ່ງທີ່ໄດ້ ເຫັນໃນສື່ອອນລາຍໃນແຕ່ລະ ໄລຍະ ແລະ ແຕ່ລະວັນ.

ໃນຄວາມເປັນຈິງ ແລ້ວ, ການກຳເນີດ ສາທາລະນະລັດ ປະຊາທິປະໄຕ ປະຊາຊົນລາວ ມັນກໍສືບເນື່ອງມາຈາກການ ປົກຄອງໃນລະບອບສັກດີນາ ສືບຕໍ່ໆກັນມາໃນຫລາຍຍຸກ ຫລາຍສະໄໝ.

ເວົ້າເຖິງການປົກຄອງ ໃນລະບອບສັກດີນາໃນຍຸກ ຜ່ານໆມານັ້ນ, ມີຫລາຍພະອົງ ເພິ່ນກໍດີແຕ່ກໍເຫັນວ່າອົງທີ່ໂດດ ເດັ່ນ ໃນປະຫວັດສາດຂອງ ຊາດລາວເຮົາກໍແມ່ນເຈົ້າຟ້າ ງຸ່ມມະຫາລາດ, ພະເຈົ້າໄຊເຊດ ຖາທິລາດ, ເຈົ້າສຸລິຍະວົງສາ ແລະ ເຈົ້າອານຸວົງທີ່ເປັນກະ ສັດວຽງຈັນເຫລົ່ານີ້ເປັນຕົ້ນ.

ນອກນັ້ນ, ບັນດາກະສັດ ທີ່ສືບຕໍ່ກັນມາຂີ້ຮ້າຍທີ່ສຸດກໍ ແມ່ນກ້າວເຂົ້າຍຸກກະສັດຊ້າງ ສາມຫົວທີ່ປົກຄອງບ້ານເມືອງ ຈົນຈີບຫາຍວາຍວອດ, ເສຍ ແຜ່ນດິນ ແລະ ເສຍພົນລະ ເມືອງ ໄປກາຍເຄິ່ງຂອງປະ ເທດ, ຊ້ຳບໍ່ໜຳປະຊາຊົນຕົກ ທຸກໄດ້ຍາກ, ເປັນຂ້ອຍຂ້າຂອງ ຊາດອື່ນ, ຊາຕາກຳຂອງປະ ເທດຊາດຕົກຕ່ຳ ແລະ ດ້ອຍ ພັດທະນາເປັນເວລາຮ້ອຍ ສອງຮ້ອຍປີ.
ຈາກຊາຕາອາພັບຂອງ ປະເທດລາວ, ປະຫວັດສາດ ລາວ, ຈຶ່ງເກີດໃຫ້ມີຂະບວນ ການແນວລາວອິດສະຫລະ, ກ້າວມາເປັນພັກປະຊາຊົນ ປະ ຕິວັດລາວ ໄດ້ນຳພາຕໍ່ສູ້ປົດ ປ່ອຍຊາດສາມາດລົບລ້າງ ລະບອບສັກດີນາທີ່ບໍ່ເປັນຕາ ສາເທດ, ແລ້ວປະກາດເປັນ ປະເທດ ສາທາລະນະລັດ ປະຊາ ທິປະໄຕ ປະຊາຊົນລາວ ຈົນ ມາຮອດປັດຈຸບັນ.

ນີ້ຄືສັດຈະທຳ ແລະ ເປັນ ຄວາມຈິງທີ່ໄດ້ຢັ້ງຢືນໃຫ້ພວກ ເຮົາເຫັນຢ່າງປະຕິຫານ ແລະ ປະຕິເສດບໍ່ໄດ້ຕອນປົດປ່ອຍ ປະເທດຊາດໃໝ່ໆ ທິດກ່ຳ ເດີນທາງຂຶ້ນລ່ອງເຫັນທາງ ເລກ ທີ 13 ຍັງເປັນທາງດິນແດງ ແຄບໆ, ແມ່ນ້ຳໃຫຍ່ໆ ກໍບໍ່ທັນ ມີຂົວຈັກແຫ່ງ.
ເຂື່ອນໄຟຟ້າແມ່ນ ມີແຕ່ ຢູ່ວຽງຈັນກັບເຊລະບຳ, ຢູ່ຊົນ ນະບົດ ບໍ່ມີໄຟຟ້າໄຕ້ຈັກບ້ານ, ການສຶກສາປະຊາຊົນກືກໜັງ ສື 95%, ໂຮງໝໍມີແຕ່ຢູ່ເທດ ສະບານແຂວງໃຫຍ່ໆກັບຢູ່ ກະໂຕວຽງຈັນ, ໂຮງຈັກໂຮງ ງານເກືອບວ່າບໍ່ມີຈັກແຫ່ງ, ສິນຄ້າເຄື່ອງໃຊ້ສອຍຕ່າງໆ ຂຶ້ນກັບໄທອ່ອຍຕ້ອຍ ແລະ ທຸກສິ່ງຢ່າງຍັງເປັນສັນຍາ ລັກຂອງການດ້ອຍພັດທະນາ ທັງນັ້ນ.

ມາຮອດປັດຈຸບັນ 40 ກວ່າ ປີສ້າງສາປະເທດຊາດມາໄດ້ ຂະໜາດນີ້ມັນກໍລື່ນພວກຫົວ ເກົ່າເຕົ່າລ້ານປີຕັ້ງເປັນຮ້ອຍ ເທົ່າພັນເທົ່າ, ຖ້າໃຜບໍ່ເຊື່ອ, ບໍ່ທັນເຫັນກັບຕາກໍໃຫ້ລິດຈະ ນາ ຢ່າງສັດຈະທຳ. “ໃຜວ່າ ເມືອງລາວເສົ້າເຊົາເດີຢ່າຟ້າວ ວ່າ ມັນຊິໂປ້ບາດຫລ້າໝາກ ແຕງຊ້າງໜ່ວຍປາຍ” ໃນຄຳ ພີມີໄວ້ພິໃນກຳປະຫວັດສາດຜູ້ ສະຫລາດຮອບຮູ້ເມື່ອໜ້າຫາກ ຊິເຫັນດອກນາ!./.