ລົດໄຟຄວາມໄວສູງໄຕ້ຫວັນຕົກລາງ ເສຍຊີວິດ 18 ຄົນ ບາດເຈັບ 164 ຄົນ
October 22, 2018 - 11:46 AM
ລົດໄຟໂດຍສານຄວາມໄວສູງ ຂອງໄຕ້ຫວັນ ພ້ອມຜູ້ໂດຍສານ 366 ຄົນ ຕົກລາງໃນເຂດຍີ່ຫລານ ລະຫວ່າງເດີນທາງຈາກນະຄອນຫລວງໄທເປໄປເມືອງໄທ້ຈົງ ມີຜູ້ເສຍຊີວິດ 18 ຄົນ, ບາດເຈັບ 164 ຄົນ.
ສຳນັກຂ່າວຕ່າງປະເທດລາຍງານວ່າ: ສຳນັກງານການລົດໄຟແຫ່ງໄຕ້ຫວັນ ຖະແຫລງວ່າ: ໃນຕອນບ່າຍວັນທີ 21 ຕຸລາ ໄດ້ເກີດອຸປະຕິເຫດລົດໄຟຕົກລາງໃນເຂດຍີ່ຫລານໃກ້ຊາຍຝັ່ງທາງຕາເວັນອອກສຽງເໜືອຂອງໄຕ້ຫວັນ, ລົດໄຟຫລາຍໂບກີ້ໄດ້ພິກຂວ້ຳ ເຊິ່ງເສັ້ນທາງສາຍນີ້ເປັນເສັ້ນທາງລົດໄຟທີ່ໄດ້ຮັບຄວາມນິຍົມໃນກຸ່ມນັກທ່ອງທ່ຽວ. ທາງການລົດໄຟໄດ້ກວດສອບເມື່ອເວລາ 18:30 ໂມງ ພົບວ່າມີຜູ້ເສຍຊີວິດ 18 ຄົນ ແລະ ບາດເຈັບ 164 ຄົນ ຈຸດເກີດເຫດຢູ່ເຄິ່ງກາງລະຫວ່າງສະຖານີ 2 ແຫ່ງໃນເຂດຍີ່ຫລານ.
