ຕົວເລກການເຕີບໃຫຍ່ຂອງ GDP ຈີນ ຂະຫຍາຍຕົວຊ້າໃນໄຕມາດສາມ
ລວມຍອດຜະລິດຕະພັນພາຍໃນຂອງຈີນໃນໄຕມາດທີສາມຂອງປີນີ້ເຕີບໃຫຍ່ໃນອັດຕາ 6,5% ເຖິງວ່າ “ຍັງຢູ່ໃນເກນ” ຂອງລັດຖະບານ, ແຕ່ຖືວ່າໜ້ອຍທີ່ສຸດນັບແຕ່ໄຕມາດທຳອິດຂອງປີ 2009.
China's GDP growth slowed to 6.5% in July-September.https://t.co/yBXgANtan7
— Nikkei Asia (@NikkeiAsia) October 19, 2018
ສຳນັກຂ່າວຕ່າງປະເທດລາຍງານວ່າ: ສຳນັກງານສະຖິຕິແຫ່ງຊາດຂອງຈີນ (NBS) ອອກຖະແຫລງການກ່ຽວກັບສະຖານະການທາງເສດຖະກິດຂອງປະເທດໃນໄຕມາດທີສາມຂອງປີນີ້ວ່າ: ລວມຍອດຜະລິດຕະພັນພາຍໃນ (GDP) ຂະຫຍາຍຕົວໃນອັດຕາ 6,5% ເມື່ອທຽບໃສ່ແຕ່ລະປີ ຫລຸດລົງຈາກໄຕມາດທຳອິດ ແລະ ໄຕມາດທີສອງຂອງປີນີ້ ເຊິ່ງບັນລຸ 6,8% ແລະ 6,7% ຕາມລຳດັບ, ສ່ວນຄ່າສະເລ່ຍຂອງ GDP ໃນ 3 ໄຕມາດບັນລຸ 6,7%.
China sets GDP growth target at around 6.5 percent for 2018, unchanged from 2017. That's according to a government work report delivered by Chinese Premier Li Keqiang as the country's national legislature starts its annual session #NPC #TwoSessions pic.twitter.com/AwpsPIKINI
— China Xinhua News (@XHNews) March 5, 2018
ເຖິງວ່າສະຖິຕິ GDP ຂອງໄຕມາດທີສາມປະຈຳປີນີ້ຍັງຖືວ່າເປັນໄປຕາມເປົ້າໝາຍຂອງລັດຖະບານ ຄືຕ້ອງການໃຫ້ເສດຖະກິດຂອງຈີນໃນປີນີ້ຂະຫຍາຍຕົວ “ປະມານ 6,5%” ແຕ່ຖືເປັນສະຖິຕິການເຕີບໃຫຍ່ທາງເສດຖະກິດລາຍໄຕມາດຕໍ່າທີ່ສຸດ ນັບແຕ່ໄຕມາດທຳອິດຂອງປີ 2009 ເຊິ່ງເປັນໄລຍະທີ່ວິກິດການເງິນໂລກມີຄວາມຮຸນແຮງທີ່ສຸດ.
