ລາວຈະສະຫລອງວັນມາດຕະຖານໂລກຄົບຮອບ 71 ປີ
ໃນວັນທີ 15 ຕຸລານີ້, ທ່ານ ບໍ່ວຽງຄຳ ວົງດາລາ ລັດຖະມົນ ຕີທີ່ກະຊວງວິທະຍາສາດ ແລະ ເຕັກໂນໂລຊີ, ໄດ້ຖະ ແຫລງຂ່າວຕໍ່ສື່ມວນຊົນວ່າ: ກະຊວງຂອງຕົນຈະສະເຫລີມ ສະຫລອງວັນມາດຕະຖານ ໂລກ ຄົບຮອບ 71 ປີ (14/10/ 1947-14/10/2018) ພາຍ ໃຕ້ຄໍາຂວັນ “ມາດຕະຖານສາ ກົນ ແລະ ການປະຕິວັດອຸດສາ ຫະກໍາຄັ້ງທີ 4”.
+ ສະເຫລີມສະຫລອງວັນສ້າງຕັ້ງສາທາລະນະລັດປະຊາຊົນຈີນຄົບຮອບ 69 ປີ2018/
+ ສະຫລອງລາງວັນເຄືອຂ່າຍຜູ້ປະກອບການແມ່ຍິງອາຊຽນດີເດັ່ນຄັ້ງທີ 42018/
ເພື່ອແນໃສ່ສ້າງຈິດສຳ ນຶກ ໃຫ້ຜູ້ວາງນະໂຍບາຍ ແລະ ສ້າງນິຕິກຳກ່ຽວກັບມາດ ຕະຖານ ແລະ ຄຸນນະພາບ, ຜູ້ ສ້າງລະບຽບການ ແລະ ຄຸ້ມ ຄອງມາດຕະຖານ, ຜູ້ປະກອບ ການ, ນັກທຸລະກິດ, ຜູ້ຜະລິດ ແລະ ຜູ້ຊົມໃຊ້ໃຫ້ເຂົ້າໃຈ ຢ່າງເລິກເຊິ່ງກ່ຽວກັບບົດ ບາດ ແລະ ຄວາມສຳຄັນຂອງ ວຽກງານມາດຕະຖານ ຕໍ່ການ ພັດທະນາເສດຖະກິດ-ສັງຄົມ ໃນລະດັບຊາດ, ພາກພື້ນ ແລະ ສາກົນ. ພ້ອມນັ້ນກໍ ເພື່ອພັດ ທະນາວຽກງານມາດຕະຖານ ເພື່ອອຳນວຍຄວາມສະດວກ ຊຸກຍູ້ສົ່ງເສີມດ້ານການຄ້າ, ຜະລິດ ແລະ ຖ່າຍທອດເຕັກ ໂນໂລຊີ ທີ່ກ້າວໜ້າຂອງໂລກ ຊ່ວຍຍົກສູງສະມັດຕະພາບ ການຜະລິດ, ສ້າງຄວາມເຊື່ອ ໝັ້ນ ແລະ ປົກປ້ອງຜູ້ຊົມໃຊ້.
ທ່ານ ບໍ່ວຽງຄຳ ວົງດາລາ ກ່າວວ່າ: ອົງການມາດຕະຖານ ໂລກສ້າງຕັ້ງຂຶ້ນໃນປີ 1947 ແລະ ເລີ່ມແຕ່ປີ 1993 ເປັນຕົ້ນ ມາ ສປປ ລາວ ໄດ້ມີການເຄື່ອນ ໄຫວວຽກງານມາດຕະຖານ ຢ່າງເປັນທາງການ ແລະ ໄດ້ ເຂົ້າຮ່ວມຄະນະກໍາມະການ ທີ່ປຶກສາດ້ານມາດຕະຖານ ແລະ ຄຸນນະພາບຂອງອາຊຽນ (ACCSQ) ໃນປີ 1998. ສປປ ລາວ ໄດ້ເຂົ້າເປັນສະມາ ຊິກຜູ້ສັງເກດການ ຂອງອົງການ ມາດຕະຖານສາກົນເລີ່ມແຕ່ ເດືອນມັງກອນ 2007 ແລະ ໄດ້ຍົກລະດັບ ຈາກການເປັນ ສະມາຊິກຜູ້ສັງເກດການ ມາ ເປັນສະມາຊິກເຄິ່ງສົມບູນ ຂອງອົງການມາດຕະຖານ ສາກົນ ໃນເດືອນມັງກອນ ປີ 2017 ເປັນຕົ້ນມາ. ພ້ອມນັ້ນ, ຍັງໄດ້ສົ່ງບັນດາຄະນະກໍາມະ ການເຕັກນິກແຫ່ງຊາດ ເຂົ້າ ຮ່ວມເປັນຄະນະກໍາມະການ ເຕັກນິກຂອງອົງການມາດຕະ ຖານສາກົນ ໃນ 5 ຂົງເຂດ ຄື: ຂົງເຂດໜ່ວຍງານເຫລັກ, ໜ່ວຍງານເຟີນີເຈີ, ໝ່ວຍງານ ໄມ້, ໜ່ວຍງານການບໍລິ ຫານຈັດການຄຸ້ມຄອງລະບົບ (ISO 9001) ແລະ ໜ່ວຍ ງານການບໍລິຫານຈັດການ ຄຸ້ມຄອງດ້ານສິ່ງແວດລ້ອມ (ISO 14001).
ທ່ານ ບໍ່ວຽງຄຳ ວົງດາລາ ກ່າວຕື່ມວ່າ: ປັດຈຸບັນ, ໄດ້ມີ ມາດຕະຖານແຫ່ງຊາດລາວ ທີ່ປະກາດໃຊ້ຢ່າງເປັນທາງ ການແລ້ວ ລວມທັງໝົດ 441 ມາດຕະຖານ, ໄດ້ຮັບການ ອະນຸຍາດນໍາໃຊ້ກາໝາຍມາດ ຕະຖານແຫ່ງຊາດ 30 ຜະລິດ ຕະພັນ, ມີບັນດາຂະແໜງ ການ, ບໍລິສັດທີ່ໄດ້ຮັບການ ຢັ້ງຢືນລະບົບມາດຕະຖານ ສາກົນ ISO/IEC ຈໍານວນ 25 ບໍລິສັດ, ສ້າງລະບົບການປະ ຕິບັດວຽກງານກວດກາ ແລະ ການຢັ້ງຢືນຄຸນນະພາບຜະ ລິດຕະພັນ ແລະ ສິນຄ້າເປັນ ຕົ້ນແມ່ນໄດ້ສ້າງຕັ້ງໜ່ວຍງານ ກວດກາຄຸນນະພາບນໍ້າມັນ ເຊື້ອໄຟ ແລະ ອາຍແກັດຢູ່ແຕ່ ລະດ່ານຊາຍແດນສາກົນທັງ ໝົດ 17 ດ່ານ ໃນຂອບເຂດທົ່ວ ປະເທດ, ເຊິ່ງເປັນການຕອບ ສະໜອງນະໂຍບາຍ ຂອງລັດ ຖະບານ ໃນການຄຸ້ມຄອງຄຸນ ນະພາບຂອງສິນຄ້າ, ອຸດຕັນ ການຮົ່ວໄຫລ ໃນການເກັບລາຍ ຮັບເຂົ້າງົບປະມານ, ປະກອບ ສ່ວນເຂົ້າໃນການສະກັດກັ້ນ ການນໍາເຂົ້ານໍ້າມັນເຊື້ອໄຟ ເຖື່ອນ, ສົ່ງເສີມຜະລິດຕະພັນ ແລະ ສິນຄ້າພາຍໃນ, ຄຸ້ມຄອງ ກວດ ກາ ການນໍາເຂົ້າ-ສົ່ງອອກ ສິນຄ້າໃຫ້ມີຄຸນນະພາບຕາມ ມາດຕະຖານ ທີ່ກຳນົດໄວ້ ເພື່ອ ເປັນການປົກປ້ອງຜູ້ຊົມໃຊ້, ສ້າງຄວາມເຊື່ອໝັ້ນ ແລະ ໃຫ້ ຄວາມຍຸຕິທໍາແກ່ສັງຄົມ./.
